2 Tesalonisensis 2 - Portuguese Creole Bible, Guinea-Bissau

Ki malvadu na parsi

1Agora ermons, aserka di vinda di no Siñor Jesus Kristu, ku no juntamentu1 Tes 4.17 ku el, N na pidi bos

2pa ka bo bulbuli dipresa na bo pensamentu, nin ka bo tarpaja ku kualker palabra1 Jon 4.1 di anunsiu, nin palabra di algin ku na konta Bon Noba, nin ku kualker karta ku parsi di nos, ku fala kuma dia di Siñor ciga ja.

3Ka bo disa ningin ngana bos di kualker manera, pabia ki dia ka na ciga te ora ku jinti bandona Deus, ku ki omi malvaduDan 7.25 parsi ku distinadu pa nfernu.

4I na sedu inimigu ku na lanta kontra tudu ku comadu deus, ku tudu kusa ku ta adoradu, tok i na yentra, i sintaEz 28.2,9 na templu di Deus, pa i mostra kuma el i Deus.

5Bo ka lembra kuma N konta bos e kusas oca ku N staba ku bos?

6I ten un kusa ku na tajal; bo sibi i ke, ma na si tempu ki malvadu na parsi.

7Maldadi sukundidu i na tarbaja ja. I ten algin ku tajal inda, ma ki algin na bin tiradu fora.

8Dipus, ki malvadu1 Jon 2.18; 4.3 na parsi, ma ora ku Siñor Jesus bin, i na matalJo 4.9; Dan 7.11; Apok 19.20-21 ku folgu di si boka; i na kaba ku el ku lus ku na lampra ora ki na bin.

9Ki malvadu na bin na puder di Satanas; i na fasi tudu koldadi sinalMat 24.24 ku milagri di mintida,

10ku tudu nganu mau riba di kilis ku2 Kor 4.3 na pirdi. E na pirdi pabia e nega risibi amor di bardadi na se korson pa e pudi sedu salbu.

11E ku manda Deus na manda puder di nganu1 Re 22.22-23; Ez 14.9; Mat 24.5,11; Rom 1.24-25; 1 Tim 4.1 pa tarbaja nelis, pa e fia na mintida,

12pa tudu kilis ku ka fia na bardadi, ma e kontenti ku pekadu, e ten ku julgadu.

Bo kujidu pa salbason

13Ermons ku Siñor ama, no ten ku fala Deus obrigadu pa bos sempri, suma ki kuji bosEf 1.4; 1 Ped 1.2 disna di kumsada pa salbason, pa Spiritu pudi fasi bos si pobu santu, pabia di bo fe na bardadi.

14I pabia di Bon Noba ku no konta bos ku Deus coma bos pa bo pudi ten parti na gloriaJon 17.22; 1 Ped 5.10 di no Siñor Jesus Kristu.

15Asin ermons, bo fika firmi; bo pega1 Kor 11.2; Fil 4.1 na kusas ku no nsina bos ku boka suma ku karta.

16N ora no Siñor Jesus Kristu propi, ku Deus no Pape ku1 Jon 4.10; Apok 1.5 amanu, ku, na si fabur, danu koraẑen ku ka ta kaba, ku garandi speransa.

17N pidi pa e kontinua da bos koraẑen ku forsa, pa bo pudi sempri fala, bo fasi, kil ki bon.