Jeremias 3 - Portuguese Creole Bible, Guinea-Bissau

Israel ka sedu fiel

1SIÑOR fala: “Si un omi dispidi si minjer, kila sai na si mon, i bai kasa ku utru omi, ki purmeru omi ka pudi tornaLei 24.4 risibil. Si i fasi es, i na kontamina tudu tera. Ma abo, Israel, ku na yanda na mau vidaEz 16.26,28-29 ku manga di amanti, bu misti riba pa mi?

2Yalsa uju pa kaus altu, bu jubi. Nta i ten kau ku bu ka bindi kurpu nel? Bu ta sintaba na kamiñuDit 23.27-28; Ez 16.25 pa pera amantis, suma yandadur na lala ku na pera kilis ku sta na bias, pa ataka elis. Asin bu kontamina tera ku bu mau vida ku bu maldadi.

3E ku manda cubaKap 14.4; Lei 28.23-24 tujidu cubi; i ka ten cuba di kabantada. Abo bu tene rostu di minjer di mau vida; bu ka misti ten borgoña.

4“Gosi bu coman, bu fala: ‘Ña pape, bu sedu ña amigu disna di ñaKap 2.2; Os 2.15 mininesa.

5Nta bu na fika ku raiba pa sempri? Bu na tenel te na kabantada?’ Asin ku bu ta fala, ma bu ta fasi tudu maldadi ku bu pudi.”

Israel ku Judá ten ku ripindi

6Na renansa di rei Josias SIÑOR puntan: “Bu oja ke ku Israel infiel fasi? I bai pa tudu monti altu, bas di tudu arvuriKap 2.20; 13.27 verdi, i bindi si kurpu.

7Ami N pensa kuma, dipus ki fasi es tudu, i ta riba2 Re 17.12-13 pa mi. Ma i ka riba. Si irmaEz 23.2-4,8-11 infiel Judá i oja es.

8N da Israel infiel un karta di kaba kasamenti. N dispidil pabia di si pekadu di kai cai. N oja kuma Judá, si irma infiel, i ka ten medu, ma tambi i bai ntrega si kurpu na mau vida.

9Israel toma si mau vida suma nada; i kontaminaKap 3.2; 2.7 tera pabia i kai cai manera ki bai adora idulus di pedraKap 2.27 ku po.

10Ku tudu es, Judá, si irma infiel, i ka riba pa mi ku korsonOs 7.14 di bardadi, ma ku finjimentu.” Asin ku SIÑOR fala.

11Dipus SIÑOR falan kuma Israel infiel i mostra mas bon di ki Judá falsu.

12I falan pa N bai konta rekadu pa jinti di norti, kuma SIÑOR fala: “O Israel infiel, riba; N ka na pui ña raiba kai riba di bo, pabia N ta sinti pena; N ka na guarda ña raiba pa sempri.” Asin ku SIÑOR fala.

13I fala mas: “I son pa bu rapara bu pekadu, bu seta1 Jon 1.9 kuma bu peka kontra SIÑOR bu Deus, kuma bas di tudu arvuri verdi bu bindi bu kurpu pa utru deusis. Konfesa kuma bu ka obdisi ke ku N falau.”

14SIÑOR fala: “Jinti infiel, bo ripindi, pabia N sedu bo maridu. N na toma un di bos na kada prasa, dus na kada familia, N na leba bos pa Sion.

15N na da bos ŝefis konformi ña korson ku na toma kontaKap 23.4; Ez 34.23; At 20.28; Ef 4.11 di bos ku kuñisimentu ku jiresa.”

16SIÑOR fala: “Ora ku bo buri tok bo ciu na tera, ningin ka na coma nomi di arka di kontratu di SIÑOR. I ka na yentra na se kabesa; e ka na lembraIs 65.17; Jon 4.21-24 del, nin e ka na sinti si falta; tambi e ka na kumpu utru arka.

17Na ki tempu jinti na coma Jerusalen ‘Tronu di SIÑOR’. La na Jerusalen tudu nasons na junta na nomi di SIÑOR; nunka mas e ka na yanda konformi duresa di se korson mau.

18Na ki dias IsraelIs 11.13; Ez 37.16-22; Os 1.11 na yanda ku Judá, e na bin juntu di tera di nortiKap 16.15; 23.8; 31.8 pa tera ku N da bo papes suma yardansa.

19Ami N fala:

“N misti teneu suma ña fiju,

N dau teraEz 20.6; Dan 8.9; 11.16 bonitu,

yardansa mas bon di ki utru nasons.

N pensa: E na comanIs 63.16 Pape,

e ka na disvia mas di mi.

20Ma, suma minjer ku ka sedu fiel pa si omi,

asin ku abo, Israel, bu ka seduba fielKap 5.11; Os 5.7 pa mi.”

Asin ku SIÑOR fala.

21Na kaus altu i obidu un vos,

ku sedu di fijus di Israel

ku na cora, e na roga,

pabia e yanda mal dimas,

e diskisi di SIÑOR se Deus.

22O fijus disobdienti, boOs 6.1; 14.1-4 riba;

N na trata ku bos pa bo ka sedu mas disobdienti.

Bo fala: “Alinu li, no na bin oja ku bo pabia abo i SIÑOR no Deus.

23Na bardadi, ki kunfuson riba di montis ku montañas i nganu; salbason pa Israel i sta na SIÑOR no Deus.

24Disna di no nobresa, Baal,Kap 11.13; Os 9.10 ki deus di borgoña, i kume tarbaju di no papes — se karnel, se bakas ku se fijus macu ku femia.

25No dita na no borgoña, no kubri ku no kunfuson, pabia no pekaKap 22.21; 32.30; Esd 9.7 kontra SIÑOR no Deus, anos ku no papes, disna di no nobresa; no ka obdisi ke ku SIÑOR no Deus fala ku nos.”