Eklesiastis 8 - Portuguese Creole Bible, Guinea-Bissau

1Kin ku sedu suma omi jiru? Kin ku pudi splika sintidu di kusas? Jiresa di omi ta pui si rostu kontenti, i ta muda ruñesa di si rostu.

No dibi di obdisi rei

2Obdisi ordi diRom 13.1-4; Titu 3.1; 1 Ped 2.13-17 rei, pabia di purmesa ku bu fasi dianti di Deus.

3Ka bu ten dipresa pa saiKap 10.4 dianti di rei, nin ka bu difindi pa un kusa mau, pabia el i ta fasi konformi i misti.

4Suma ku palabra di rei ten otridadi, kin ku naJo 34.18 puntal: “Ke ku bu na fasi?”

5Kil ku ta obdisi ordi i ka ta pasa nin koldadi mal. Algin ku korson jiru ta sibi tempu ku1 Kron 12.32 manera di fasi un kusa,

6pabia kada kusa ku algin misti fasi i ten si tempuKap 3.1,17 sertu, ku manera ki dibi di fasidu, nin si kasabi di omi na pesa riba del.

7Suma i ka ten omi ku kunsi futuru, ningin ka pudi kontalKap 6.12; 9.12; 10.14 ke ku na bin sedu.

8I ka ten omi ku ten puder riba di si folguJo 14.5 pa guardal, nin i ka ten puder riba di dia ki na muri. Suma ku ningin ka ta largadu na tropas na tempu di gera, asin ku malvadesa ka ta larga kil ku ta fasi mal.

Justus ku maus

9N oja es tudu, oca ku N pui sintidu na tudu kusas ku fasidu na mundu. I ten tempu ku omi ta manda riba di si kumpañer pa fasil mal.

10Asin tambi N oja jinti mau nteradu, e bai na koba. Kilis ku ta matiba na kau sagradu e diskisidu na prasa, nunde ke fasi ben. Es tambi i bakatela.

11Suma ku kusa mau ku algin fasi i ka julgadu nin i ka kastigaduRom 2.4-5 sedu, korson di omis sta tudu pruntu pa fasi mal.

12Nin si un omi mau fasi mal sen bias, ma inda i tene vida kumpridu,Rom 9.22-23; 2 Ped 2.9 N sibi sertu kuma kusas na kuri mas diritu ku kilis ku rispita Deus, e ten medu del.

13Ma kusas ka na kuri diritu ku omi mau; i ka na tene vida kumpridu, ma i na disparsi suma sombra, pabia i ka medi dianti di Deus.

14I ten utru kusa bakatela ku ta fasidu na mundu. I ten justus ku ta risibi ke ku jinti mau dibi di risibi; i ten jinti mau ku ta risibi ke ku justusKap 1.2; 7.15; Mal 3.15 mersi. N fala kuma es tambi i bakatela.

15Asin N na rekumendaKap 2.24; 1 Tim 6.6 kontentamentu, pabia omi ka tene utru kusa minjor ne mundu di ki kume, i bibi, i fika kontenti. Es pudi kumpañal na si tarbaju na dias di si vida ku Deus dal ne mundu.

16N pui sintidu pa kunsi jiresa, pa N jubi tarbaju ku ta fasidu na mundu, pabia, nin di dia, ku fadi di noti, omi ka ta fica uju pa durmi.

17Dipus N oja tudu ku Deus fasi. N oja kuma omi ka pudi ntindi ke ku ta fasidu ne mundu. Pa mas ku omi pui forsa pa diskubril, i ka na binKap 3.11; 7.23-24; 11.5; Jo 5.9 ntindil. Nin ku omi jiru fala kuma i sibi, i ka pudi sibi.