2 Reis 5 - Portuguese Creole Bible, Guinea-Bissau

Naaman kuradu

1Naaman, ŝef di tropas di rei di Siria, seduba un soldadu di koraẑen; rei tenelba suma un garandi omi, i rispital ciu, pabia SIÑOR usalba pa liberta Siria, ma i teneba mpincu.Sir 13; Luk 4.27

2Un grupu di tropas di Siria bai ataka tera di Israel, e paña un bajuda, e lebal; i bai fika na sirvis di minjer di Naaman.

3Un dia i fala si siñora: “I ta bon ba pa ña mestre bai pa anunsiadur ku sta na Samaria, pa i kural si mpincu.”

4Naaman bai yentra nunde rei, i kontal tudu ku ki bajuda di Israel falaba.

5Rei falal: “Bu pudi bai. N na dau karta pa rei di Israel.” Asin i bai, i leba trinta mil mueda di prata ku seis mil mueda di uru, ku des komple.

6I leba rei di Israel karta ku fala asin: “E karta i pa nformau kuma N na mandau ña ŝef Naaman, pa bu kural si mpincu.”

7Oca ku rei di Israel lei ki karta, i rumpi si ropa, i punta: “Nta ki rei kuda kuma ami kiKum 30.2; Lei 32.39 Deus, ku pudi mata, i torna da vida, manera ki manda falan pa N kura un omi di si mpincu? Abos tudu bo pudi nota kuma1 Re 20.7 ki na buskan palabra.”

8Oca ku Eliseu, omi di Deus, obi kuma rei di Israel rumpi si ropa, i manda puntal: “Pabia di ke ku bu rumpi bu ropa? Disa ki omi binKap 1.6; 1 Re 17.24; 18.36-37; Ez 2.5 pa mi; i na sibi kuma anunsiadur ten na Israel.”

9Asin Naaman bai ku si karu ku kabalus, i para na porta di kasa di Eliseu.

10Eliseu manda un algin pa falal: “Bai murgujaSir 14.7,16,51; 16.14,19; Jon 9.7 seti bias na riu Jordon; bu kurpu na san; bu na purifikadu.”

11Naaman paña raiba, i bai oca i na papia, i fala: “Ami N kudabaIs 55.8-9 kuma i na sai, i firma, i coma nomi di SIÑOR si Deus, i pasa si mon riba di ña mpincu, i kuran.

12Nta Abana ku Farpar, rius di Damasku, e ka sedu minjor di ki tudu rius di Israel? N ka pudiba laba nelis pa N fika purifikadu?” I rabida i bai ku raiba.

13Si servus bai pa el, e falal: “Ña pape, si anunsiadur falauba pa bu fasi un kusa mas kansadu, bu ka na fasilba? Ku fadi gora i falau son pa bu murguja, pa bu purifikadu.”

14Asin i bai, i murguja na Jordon seti bias, konformi palabra di omi di Deus. Si kurpu torna suma kurpu di un mininu, i fikaLuk 4.27; 5.13 purifikadu.

15El ku tudu si servus e ribaLuk 17.15-18 pa omi di Deus. I bai firma si dianti, i falal: “Gosi N sibi kuma na tudu mundu i ka ten DeusDan 2.47; 3.29; 4.34; 6.26-27 si i ka son na Israel. Asin N pidiu pa bu toma un pursenti di bu servu.”

16Eliseu falal: “N jurmenta pa vida di SIÑOR, kil ku N ta sirbi, kuma N ka naKum 14.22-23; 1 Re 13.8; Dan 5.17; Mat 10.8; At 20.33-35 tomal.” Naaman kontinua na ngodal, ma i nega.

17Naaman falal: “Si bu ka na seta, bu ta disan pa N koba con, N leba kil ku dus buru pudi ku el, pabia nunka mas N ka na kema oferta nin sakrifika pa utru deusis, si i ka son pa SIÑOR,

18ma SIÑOR ta purdan2 Kron 30.18-19; Rom 14.1 nes un kusa: Ora ku ña mestre yentra na baloba di Rimon pa bai adoral, si i na ngosta na ña mon, ami tambi N ten ku mpina na kasa di Rimon. SIÑOR ta purdan ne kusa.”

19Eliseu falal: “Bai ku pas.”

Jeazi kastigadu

Oca ku Naaman ka lunjusiba inda,

20Jeazi, rapas di Eliseu, fala na si sintidu: “Mbe! Ña mestre disa ki sirianu Naaman pa i bai sin tomal nada di kil ki tisi! N jurmenta pa vida di SIÑOR kuma N na kuri si tras, N bai tomal kualker kusa.”

21Asin Jeazi bai tras di Naaman. Kila ojal i na kuri si tras, i ria na karu, i dal kontrada, i puntal: “Tudu sta diritu?”

22Jeazi falal: “Tudu sta diritu. Ña mestre mandan pa N bin falau kuma dus joven di grupu di anunsiaduris di montaña di Efrain e kumsa ciga pa el gosi. I na pidiu pa bu da tris mil mueda di prata pa elis, ku dus komple.”

23Naaman fala: “Di bon vontadi. Bu ta toma seis mil mueda.” I nsisti ku el, i mara ki seis mil mueda na dus saku, ku dus komple, i ntrega elis na mon di dus di si servus; e bai ku el si dianti.

24Oca ki ciga na monti, i toma ki kusas na se mon, i pui na kasa, i dispidi ki omis; e bai.

25Dipus i yentra, i firma dianti di si mestre. Eliseu puntal: “Jeazi, nunde ku bu baiba?” I falal: “Bu servu ka bai nin kau.”

26Eliseu puntal: “Nta ña korson ka baiba ku boKap 6.12 oca ki omi ria na si karu i dau kontrada? Es i tempu pa bu toma prata,1 Tim 6.10 ku ropa, ku ortas di olivera o di pe di uvas, o karnel, o bakas o kriadus?

27Asin, mpincuKap 15.5; Num 12.10; 2 Sam 3.29 di Naaman na kamba na bo ku bu jorson pa sempri.” Ki ora Jeazi sai; si kurpu bidaba ja branku fandan ku mpincu.