Jeremias 4 - Portuguese Creole Bible, Guinea-Bissau

1SIÑOR fala: “O Israel, si bu misti riba, ribaJoe 2.12 pa mi. Si bu tira bu idulus nujenti ña dianti, bu ka yanda mas disviadu,

2si bu jurmentaKap 12.16; Lei 10.20; Is 48.1 pa vida di SIÑOR, na bardadi, ku korson justu i bon, nasons na bensuaduKum 22.18 na SIÑOR, e na njata nel.”

3Asin ku SIÑOR fala ku omis di Judá ku Jerusalen: “Bo labraOs 10.12; Mat 13.7,22 lugar ku ka ciga di labradu. Ka bo sumia na metadi di fididas.

4Bo purifika bo vida pa SIÑOR, bo tira impuresaKap 9.26; Lei 10.16; 30.6; Rom 2.28-29; Kol 2.11 di bo korson, abos omis di Judá ku moraduris di Jerusalen, pa ka ña raiba bin rebenta suma fugu ku na yardi sin ningin ku na pagal, pabia di mal ku bo fasi.”

Mal ku na bin di norti

5Bo anunsia na Judá, bo pui pa Jerusalen obi, bo fala:

“Bo toka korneta na tera!”

Bo grita ku vos altu, bo fala:

“Bo junta pa no yentra na prasas forti.”

6Bo mostra kamiñu pa Sion;

bo kuri pa kapli; ka bo tarda,

pabia SIÑOR na tisi un mal diKap 1.14 norti,

ku garandi danu.

7Suma lion ku sai na si koba,

asin ku un danadur di nasons i sai ja;

i na bin pa dana Judá.

Bu prasas na pajigadu;

ningin ka na mora nelis.

8Asin, bo maraKap 6.26; 25.34; Is 22.12 saku, bo jimi, bo cora,

pabia raiba di SIÑOR na yardi,

i ka disanu.

9SIÑOR fala: “Na ki dia rei ku ŝefis na pirdi koraẑen, saserdotis na fika spantadu, anunsiaduris na fika mudu.”

10N falal: “O SIÑOR Deus! Na bardadi bu ngana e pobu ku Jerusalen, bu fala kuma e na ten pas, ma spada na ameasanu.”

11Na ki tempu e pobu, tudu ku Jerusalen, e na kontadu: “Un bentu kinti di lala, ku di montis ku ka tene paja, na bin pa ña pobu. I ka bentu sabi ku na bin pa supra paja na arus,

12ma bentuOs 13.15 forti dimas na bin konformi ña ordi. Gosi N na anunsia kastigusKap 1.16 ku N na manda kontra elis.”

13Bo jubi! Inimigu na bin suma nuvens; si karus na bin sumaIs 5.28 urdumuñu. Si kabalus na kuri mas dipresa di kiKap 48.40; 49.22; Lei 28.49; Mis 4.19; Os 8.1; Ab 1.8 agias. Ai di nos! No sta pirdidu!

14O Jerusalen! Laba bu korsonKap 13.27; Is 1.16; Tia 4.8 di maldadi, pa bu sedu salbu. Te kal tempu ku bu na kontinua tene mau pensamentus?

15Di tera di Dan,Kap 8.16 tambi di montis di Efrain i na bin un algin ku na konta nobas di mal.

16Bo konta es pa nasons, bo fasil pa i obidu na Jerusalen, kuma tajaduris na bin di tera lunju, e na yalsa fála kontra prasas di Judá.

17Suma guardas di un lugar, asin ke na rodiaKap 6.3; 2 Re 25.1 Jerusalen, pabia pobu di Deus disobdisil. Asin ku SIÑOR fala.

18Bu manera di yandaKap 2.19; Sal 107.17; Is 50.1 ku kusas ku bu fasi i pui e kusas bin riba di bo. Es i bu kastigu; i malgos tok i ciga na bu korson.

19Ai, ña korson, ña korson!

Ami N na sufri ku dur.

Ai! SufrimentuKap 9.1,10; 10.19; Is 15.5; 16.11; 21.3; 22.4; Luk 19.41-42 di ña korson!

Ña korson na bati;

N ka pudi kala,

pabia N obi toku di korneta

ku baruju di gera.

20Mal riba di mal!

Tera tudu danadu.

Di repenti ña tendasKap 10.20 danadu;

logu lona rumpidu.

21Te kal tempu ku N na oja bandera di gera,

N obi toku di korneta?

22Deus fala: “Ña pobu ka ten juisu,

e ka kunsin;

e sedu fijus ku ka jiru,

e ka ta ntindi.

E sedu jiruRom 16.19; 1 Kor 14.20 pa fasi mal,

ma e ka sibi fasi ben.”

23N jubi pa mundu;

i staba sinKum 1.2 forma, i ka tene nada.

N jubi pa seu,

i ka teneba lus.

24N jubi pa montañas;

e na tirmi;

tudu montis na bulbuliba.

25N jubi, N oja kuma i ka tenba ningin;

te kacus bua e bai.

26N jubi, N oja tera ku ta pruduziba ciu,

i torna lala;

tudu si prasas batidu dianti di SIÑOR,

dianti di si raiba forti.

27Asin ku SIÑOR fala:

“Tudu tera na tornaKap 5.10,18 lala,

ma N ka na kaba ku el tudu.

28Pabia di kila, mundu na cora,

seu la ribaIs 5.30 na torna sukuru,

pabia N papia, N disidi;

N ka na ripindiNum 23.19 nin N ka na riba tras.”

29Jinti di tudu prasas e obi gritus di omis di kabalu,

ku di kilis ku na larga fleŝas;

e kuri, e yentra na matu,

e subi na metadi di pedras.

Tudu prasas fika dingidu;

ningin ka mora nelis.

30O prasa danadu! Ke ku bu na fasi?

Mesmu ku bu bisti di burmeju,

bu faja bu kurpu ku uru,

bu pinta2 Re 9.30; Ez 23.40 na roda di bu uju,

bu na torna bonitu na nada!

Bu amantis njutiu, e na buska matau.

31N obi gritu, suma di minjer ku sta di partu;

N obi jimidu, suma di kin ku na padi si purmeru fiju.

I seduba vos di prasa di Sion

ku ka pudiba da folgu diritu,

ku distindiIs 1.15; Mis 1.17 si mon, i fala:

“O! Ai di mi gosi!

N na dismaja dianti di mataduris!”