2 Reis 2 - Portuguese Creole Bible, Guinea-Bissau

Elias lebadu pa seu

1Oca ku SIÑOR pertu ba ja leba Elias pa seuKum 5.24; Luk 9.51; Apok 11.12 na un urdumuñu, Elias ku Eliseu1 Re 19.16,19-21 sai di Jilgal.Jos 4.19

2Elias fala Eliseu: “Fika li, pabia SIÑOR falan pa N bai pa Betel.”

Eliseu falal: “N jurmenta pa vida di SIÑOR, pa bu vida tambi, kuma N kaRut 1.15-18; 2 Sam 15.19-21 na disau.” Asin e bai pa Betel.

3Un grupuKap 4.1,38; 5.22; 6.1; 9.1; 1 Sam 10.10; 19.20; 1 Re 20.35 di anunsiaduris ku staba na Betel sai pa Eliseu, e puntal: “Bu sibi kuma SIÑOR na toma bu mestre aos, i na lebal pa riba?” I fala elis: “Ami tambi N sibi kila. Bo kala.”

4Elias falal: “Eliseu, fika li, pabia SIÑOR falan pa N bai pa Jerikó.”

Ma i falal: “N jurmenta pa vida di SIÑOR, pa bu vida tambi, kuma N ka na disau.” Asin e bai pa Jerikó.

5Un grupu di anunsiaduris ku staba na Jerikó ciga nunde Eliseu, e puntal: “Bu sibi kuma SIÑOR na toma bu mestre aos, i na lebal pa riba?” I fala elis: “Ami tambi N sibi kila. Bo kala.”

6Elias falal: “Fika li, pabia SIÑOR falan pa N bai pa Jordon.”

Eliseu falal: “N jurmenta pa vida di SIÑOR, pa bu vida tambi, kuma N ka na disau.” Asin elis dus e bai juntu.

7Sinkuenta omi di ki grupu di anunsiaduris bai se tras, e fika lunju un bokadu. Elias ku Eliseu bai para lungu di riu Jordon.

8Elias toma si kapa,Kap 2.13-14; 1 Re 19.13,19 i dobral, i sutal riba di yagu. Yagu dividiSai 14.21-22; Jos 3.14-17; Sal 114.5; Apok 16.12 pa dus ladu; elis dus e pasa na con seku.

9Oca ke kamba, Elias fala Eliseu: “Kontan ke ku bu misti pa N fasiu antis di N tomadu di bo.”

Eliseu falal: “N pidiu pa N pudi yarda dobruNum 11.17,25; 27.18-20; 1 Re 3.5-9,12-13; 1 Tim 5.17 di bu puder.”

10Elias falal: “Bu pidi kusa kansadu. Si bu ojan na ora ku N na lebadu, bu na risibil, ma si bu ka ojan na ki ora, bu ka na risibil.”

11Oca ke na papia, e na bai, di repenti un karu di fuguKap 6.17; Sal 68.17; 104.3-4 ku kabalus di fugu bin separa elis di ŋutru. Elias subi pa seu na un urdumuñu.

12Eliseu ojal, i grita: “Ña pape! KarusKap 13.14 ku kabalerus di Israel!” Nunka mas i ka ojal. I pega na si kapa, i rumpil na dus padas.

13I kuji kapa di Elias ku kaiba; i riba, i firma lungu di riu Jordon.

14I toma ki kapa di Elias ku kaiba, i sutal riba di yagu, i punta: “Nunde SIÑOR, Deus di Elias?” Oca ki suta riba di yagu, yagu dividi pa dus ladu; Eliseu kamba.

15Ki grupu di anunsiaduris di Jerikó oja ki kusa, e fala: “Spiritu di Elias sta riba di Eliseu.” E bai dal kontrada, e mpina na con si dianti,

16e falal: “Jubi, anos no tene sinkuenta omi forti. Disa elis e bai buska bu mestre; talves Spiritu di SIÑOR1 Re 18.12 bai ku el, i disal na kualker monti, o na un kobon.” I fala elis: “I ka pirsis pa e bai.”

17Ma e nsisti ku el tok i seta, i fala elis: “Bo manda elis.” Ki sinkuenta omi bai, e buska-buskal tris dia, ma e ka ojal.

18E riba pa Eliseu, ku fikaba na Jerikó. I punta elis: “Nta N ka fala bos pa ka bo bai?”

Yagu purifikadu

19Omis di prasa fala Eliseu: “E prasa sta na bon kau, suma ku Ñu na oja, ma i tene yaguSai 15.23-25 ku ka bali; con ka ta pruduzi.”

20I fala elis: “Bo pui sal na un tiẑela nobu, bo tisin el.” E tisil el.

21I bai pa uju di fonti, i botaKap 4.41; 6.6; Sir 2.13; Mat 5.13; Mar 9.50 sal nel, i fala: “Asin ku SIÑOR fala: ‘N na purifika e yagu; mortu ka na sta nel mas, nin i ka na pui con pa i ka pruduzi.’ ”

22Ki yagu fika puru te aos, konformi palabra di Eliseu.

Jinti fasi trosa di Eliseu

23I sai di la pa bai Betel.1 Re 12.28-32; Am 3.14; 4.4; 5.5; 7.13 Oca ki staba na kamiñu, utru jovens sai na un prasa, e fasil trosa,Kum 21.9; 2 Kron 36.16; Jo 30.1 e falal: “Pela kabesa, bai bu kamiñu! Pela kabesa, bai bu kamiñu!”

24I vira pa tras, i jubi elis, i maldisuaKap 1.10-12; Kum 9.25; Lei 28.15; Ŝef 9.20,57; Mar 11.14,20-21; At 13.9-11 elis na nomi di SIÑOR. Ki ora dus ursu femia sai na matu, e padasa korenta i dus di ki jovens.

25Eliseu bai pa monti Karmelu; di la i riba pa Samaria.