Jeremias 12 - Portuguese Creole Bible, Guinea-Bissau

Keŝa di Jeremias

1O SIÑOR, abo ku ten roson sempri

ora ku N pui ña kasu bu dianti,

ma N na papia ku bo

aserka

6Te bu ermons, familiaKap 9.4 di bu pape,

elis propi e sedu infiel pa bo,

e ta pirsigiu ku forti gritus.

Ka bu fia nelis,

mesmu ke na papia palabra sabi ku bo.

Tristesa di SIÑOR

7“N bandona ña pobu,

N nega ña yardansa.

Kil ku N mas ama,

N ntregal na mon di si inimigus.

8Ña yardansa bida pa mi suma lion na matu.

I lantanda baruju kontra mi;

e ku manda N aburisil.

9Ña yardansa pa mi i un kacu di manga di kor;

kacus brabu ta bin rodial pa ataka.

Abos, tudu limariasKap 7.33; Is 56.9 di matu,

bo junta, bo bin, bo kumel.

10Manga di ŝef dana ña orta di uva,

e masaIs 5.5; 63.18 ña lugar.

Ña lugar ku N gosta ciu del,

e fasil lala,

11e danal tudu;

bandonadu, i na coman.

Tudu con danadu

pabia i ka ten ningin ku mportaIs 42.25 ku es.

12Danaduris na bin

riba di tudu montis di lala,

pabia spada di SIÑOR na dana tera,

di un ladu pa utru.

I ka na ten pas pa ningin.

13E sumia trigu,

e kebra fididas.

E kansaba,

ma e ka oja purbitu.

Bo kebur na tisi borgoña pa bos,

pabia di raiba garandi di SIÑOR.”

Palabra di SIÑOR pa visiñus di Israel

14Asin ku SIÑOR fala: “N tene palabra aserka di tudu ña visiñus mau ku tomaZak 2.8 ña yardansa ku N da pobu di Israel. N na rinka elis na se tera; N na tira pobuLei 30.3 di Judá na se metadi.

15Dipus ku N rinka elis, N na bin sinti pena delis, N na pui elis pa e riba, kada kin pa si yardansaKap 30.3; Ez 28.25; Am 9.14 na si tera.

16Si e pui sintidu pa risibi nsinamentu di kamiñus di ña pobu, pa e coma ña nomi, e fala: ‘N jurmentaKap 4.2 pa vida di SIÑOR’ — suma e nsinaba ña pobu pa e jurmenta pa Baal — asin e ta sedu firmantadu na metadi di ña pobu.

17Ma si kualker nason ka misti obi, N na rinkal, N kabaIs 60.12 ku el.” Asin ku SIÑOR fala.