1Davi coma tudu ŝefis di Israel pa e junta na Jerusalen: administraduris di jorsons, ŝefis di grupus ku ta sirbi rei, kapitons di mil ku di sen, administraduris di rikesas ku limarias di rei ku di si fijus, suma tambi funsionarius di palasiu ku ŝefis di tropa.
2Rei Davi lanta, i firma, i fala: “Ña ermons ku ña pobu, bo sukutan. N sintiba na ña korson2 Sam 7.2 pa kumpu un kasa di diskansu pa arka di kontratu di SIÑOR, nunde ku no Deus tambi pudi diskansa si pe. N purpara jaKap 18.7-11 kusas pa kumpul,
3ma Deus falan: ‘Bu ka na kumpu kasaKap 17.4; 1 Re 5.3 pa ña nomi, pabia bu sedu omi di gera, bu darma sangi ciu.’
4SIÑOR Deus di Israel i kujin na metadi di tudu familia1 Sam 16.6-13 di ña pape, pa N sedu rei riba di Israel pa sempri. I kuji JudáKap 5.2; Kum 49.10 pa i sedu jorson di renansa; na familias di Judá i kuji familia di ña pape. Deus, na si vontadi, i kujin na metadi di ña ermons pa fasin rei riba di tudu Israel.
5SIÑOR patin manga di fiju. Na metadi delis tudu i kuji ña fiju SalomonKap 22.9-10 pa i sinta na tronu di renansa di SIÑOR riba di Israel.
6SIÑOR falan: ‘Salomon bu fiju, el ku na kumpu ña kasa ku ña barandas, pabia N kujilKap 17.11-14 pa i sedu ña fiju; ami N ta sedu si pape.
7N na firmanta si renansa pa sempri, si el i kontinua na obdisi ña mandamentus ku ña leis, suma ki na fasidu ne dias.’
8“Asin, dianti di tudu Israel, ku sedu juntamentu di SIÑOR, dianti di no Deus ku sta li pa obinu, N na konta bos pa bo pui sintidu pa obdisi tudu mandamentusLei 4.40 di SIÑOR bo Deus, pa bo pudi sedu dunu de bon tera, bo pasantal suma yardansa pa bo jorson dipus di bos pa sempri.
9“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.
10Pa kila, toma sintidu, pabia SIÑOR kujiu pa bu kumpu kasa pa i sedu kau sagradu; pega tesu bu fasil.”
Davi da Salomon planta di templu11Davi da si fiju Salomon plantaSai 25.40 di baranda ku kasas, armazens, kuartus di riba ku kuartus di dentru, suma tambi kau mas sagradu pa arka.
12I dal tambi planta di tudu ki teneba na sintidu aserka di kintal di kasa di SIÑOR, ku tudu kuartus na roda, ku armazens di kasa di Deus, ku armazens pa ofertas sagradu.
13I mostral tambi si planus pa grupus di saserdotis ku levitas, ku tudu tipu di sirvis na kasa di SIÑOR, ku tudu material ku na usadu na sirvis di templu.
14I splikal aserka di pesu di uru ku prata ku dibi di usadu pa kumpu kusas pa sirvis di kasa di Deus:
15pesu di kada kanderu di uru ku si pe; pesu pa kanderus di prata;
16pesu di uru pa kada mesa di pon sagradu; pesu di prata pa mesas di prata;
17pesu di uru puru pa garfus,1 Sam 2.13-14; 1 Re 7.45-50 basias, jarus ku tiẑelas; pesu di prata pa kada tiẑela di prata,
18ku pesu di uru purifikadu pa altar diSai 30.1-10 nsensu, suma tambi pa modelu di karu pa kirubinsSai 25.17-20 ku ta distindi se asas pa kubri arka di kontratu di SIÑOR.
19Davi fala: “SIÑOR dan ntindimentu di si ordis aserka di pormenoris de modelu ku sta li skritu.”
20Davi fala si fiju Salomon: “SeduKap 22.13; Jos 1.5; Eb 13.5 forti, bu ten koraẑen, bu fasi tarbaju. Ka bu medi, nin ka bu disanima, pabia SIÑOR Deus, ña Deus, i sta ku bo. I ka na disau, nin i ka na bandonau, tok bu kaba tudu tarbaju pa sirvis di kasa di SIÑOR.
21Grupus di saserdotis ku levitas e sta pruntu pa tudu tarbaju di kasa di Deus. Omis ku tudu koldadi jituSai 35.25-26,35; 36.1-4; Titu 3.1 e sta li ku vontadi pa judau. Tudu ŝefis tambi, ku tudu pobu, e na obdisi bu ordi.”
Who We AreWhat We EelieveWhat We Do
2025 by iamachristian.org,Inc All rights reserved.
