1Bo pui sintidu pa obdisi tudu mandamentus ku N na da bos aos, pa bo pudi vivi, bo aumenta na numeru, bo yentra pa toma tera ku SIÑOR fala bo papes ku juramentu kuma i na da elis.
2Lembra di manera ku SIÑOR bu Deus giau na tudu ki kamiñu di lala ne korenta anuKap 2.7 ku pasa, pa fasiu umildi, pa probau,Kap 13.3; Kum 22.1; Sai 16.4; 2 Kron 32.31; Sal 81.7 pa sibi ke ku staba na bu korson, si bu na obdisi si mandamentus o nau.
3I baŝau, i disau sinti fomi; dipus i dau maná pa kume, un kusa ku nin abo nin bu papes ka kunsiba. I fasi asin pa nsina bos kuma i ka son kumidaSai 16.2-3,12-35; Sal 37.3; Mat 4.4; Luk 12.29-31 ku ta da omi vida, ma tambi i tudu palabra ku sai na boka di Deus.
4Ne korenta anu bu ropaKap 29.5; Ne 9.21 ka gasta, nin bu pe ka inca.
5Seta na bu korson kuma SIÑOR bu Deus ta disiplinau suma ku un omi ta disiplina2 Sam 7.14; Jo 5.17-18; Sal 94.12; Dit 3.12; Eb 12.5-11; Apok 3.19 si fiju.
6Obdisi mandamentus di SIÑOR bu Deus, bu rispital, bu yanda na si kamiñu.
7SIÑOR bu Deus na yentrandau na un tera riku, tera di rius, laguas ku ujus di fonti ku ta sai na montis ku kobons;Kap 11.10-12; Sal 65.9-13
8tera di trigu ku sevada, di peKap 32.13-14; Ne 9.25; Mik 4.4 di uva, figu ku roman, tera di oliveras, azeiti ku mel.
9Na ki tera bu ka na ten falta di nada; bu na kume pon tok bu farta. Pedra di ki tera i feru; bu na koba montis pa tira kobri.
10Ora ku bu kume, bu farta,Kap 6.11-12; Sal 103.1-2 bu ta ngaba SIÑOR bu Deus pa ki bon tera ki dau.
11Toma sintidu pa ka diskisi SIÑOR bu Deus, tok bu para obdisi si mandamentus, leis ku regras ku N na dau aos.
12Dipus ku bu kume, bu farta, bu kumpu bon kasas, bu mora nelis,
13bu bakas ku karnel aumenta, bu buri prata ku uru ku utru rikesas,
14toma sintidu pa ka bu korson inci ku orgulyu2 Re 14.10; 2 Kron 26.16; 32.25; Dan 5.20; Ab 2.4; 1 Kor 4.7-8 tok bu diskisi di SIÑOR bu Deus ku tirau di Ejitu, tera di katiberasku.
15El ku giau na ki garandi lala seku, meduñu, ku ka teneKap 1.19; Sai 17.5-6; Num 20.11; 21.6; Is 43.19; 63.12-14; Jer 2.6 yagu, ku tene kobras venenosu ku lakaran. I tirau yagu na metadi di garandi pedra risu,
16i dau maná pa bu kume, kusa ku bu papes ka kunsiba. E kusas tudu e fasidu pa pudi baŝau, pa probau,Kap 8.2-3 pa kusas pudi kuriu diritu na kabantada.
17Toma sintidu pa ka fala na bu sintidu: “N ngaña tudu e rikesa ku ña puderKap 9.4; Ŝef 7.2; Dan 4.30 ku forsa di ña mon.”
18Lembra di SIÑOR bu Deus, pabia i el ku ta da forsa pa ngañaDit 10.22 rikesa, pa konfirma si kontratu ki jurmenta pa bu papes, suma ki na fasi aos.
19Si bu diskisi di SIÑOR bu Deus, bu yanda tras di utru deusis, bu mpina se dianti pa adora elis, N na avisa bos di kuma i ka na maina, bo na kabaduKap 4.26; Jos 23.13 ku el.
20Manera ku SIÑOR na kaba ku ki nasons bo dianti, asin ki na kaba ku bos, si bo nega obdisi palabra di SIÑOR bo Deus.
Who We AreWhat We EelieveWhat We Do
2025 by iamachristian.org,Inc All rights reserved.
