Jo 10 - Portuguese Creole Bible, Guinea-Bissau

1“N kansa ku ña vida;

N ka na tuji ña keŝa pa i sai

pa bu pudi jubi kusas suma ku omi ta jubi?

5Bu dias sedu suma di omi?

Bu anusSal 90.2-4; 102.24-27 i suma di omi,

6ku manda bu na buska sibi di ña maldadi ku pekadu?

7Bu sibi kuma N ka ten kulpa,

ma i ka ten kin ku na libran na bu mon.

8“I bu mon kuSal 119.73 kumpun, i forman;

gosi bu misti kaba ku mi?

9Lembra kuma bu kumpunKum 2.7; 3.19; Ekl 12.7; Is 64.8 ku lama;

gosi bu misti bidantan reia.

10Nta bu ka kambian suma liti?

Bu ka pun pa N bida mas risu suma keẑu?

11Bu bistin ku peli ku karni,

bu juntan ku os ku nervus.

12Bu dan vida, bu mostran bu bondadi;

bu toma konta di mi, bu guardan ku vida.

13“Ma bu teneba planu sukundidu na bu korson;

gosi N sibi ke ku bu misti fasi.

14Bu na jubin;

si N peka, bu na nega purdan.

15Si N fasi mal, ai di mi!

Si N seduKap 9.15,20-21 justu, N ka osa yalsa ña kabesa;

N burguñu dimas;

N ta jubi pa ña kasabi.

16Si N yalsa ña kabesa,

bu ta montian suma lionIs 38.13; Mis 3.10; Am 3.8 brabu,

bu torna fasi milagris kontra mi.

17Bu ta tisi nobu tustumuñas kontra mi,

bu ta buri bu raiba kontra mi;

sempri bu na manda mal kontra mi.

18“Ke ku manda bu tiran na bariga di ña mame?

I ta bon ba pa N muriKap 3.10-11; Ekl 4.3; Mat 26.24 antis di algin ojan!

19Asin N ta seduba suma nunka N ka staba na mundu.

N ta tiraduba di bariga di ña mame, N lebadu pa koba.

20Nta ña dias ka sobra puku?

Para, bu disan,

pa N pudi ten pas,

21antis di N bai pa kau ku N ka na ribaKap 7.8-10 del,

ki tera di sukuru ku sombraKap 3.5 di mortu,

22tera di noti, fundu sukuru,

tera di sombra di mortu ku kunfuson,

nunde ku klaridadi propi i sukuru.”