Jon 16 - Portuguese Creole Bible, Guinea-Bissau

Tarbaju di Spiritu Santu

1“N konta bos e kusas pa ka bo fraksi na fe.

2E na serka bosKap 9.22,34 di kasas di juntamentu; i na ciga un dia ku kualker ku mata bosAt 8.1; 9.1; 26.9 i na kuda kuma i fasi tarbaju pa Deus.

3E na fasi bos e kusas pabia e kaKap 15.21; 17.25; 1 Kor 2.8; 1 Tim 1.13 kunsi ña Pape nin e ka kunsin.

4N konta bos e kusaKap 13.19 pa, ora ku ki ora ciga, bo ta lembra kuma N falaba ja bos el. N ka konta bos el disna di kumsada, pabia N staba ku bos.

5Gosi N na bai paKap 14.28 kil ku mandan; nin un di bos ka na puntan pa nunde ku N na bai.

6Manera ku N konta bos e kusas, bo korson inci di kasabi,

7ma N na konta bos bardadi kuma, i minjor pa bos si N bai, pabia si N ka bai, JudadurKap 7.39; 14.16,26; At 2.33 ka ta bin pa bos; ma si N bai, N na manda bos el.

8Ora ki bin, i na fasi jinti di mundu ntindi ke ki pekadu, ku ke ki diritu, ku juisu di Deus.

9I na mostra elis ke ki pekadu pabia e ka fia na mi;

10i na mostra elis ke ki diritu pabia N na bai pa ña Pape; bo ka na ojan mas;

11i na mostra elis ke ki juisu pabia ŝefKap 12.31; Kol 2.15; Eb 2.14 de mundu sta ja julgadu.

12N tene inda manga di kusa pa fala bos, ma bo ka pudi nguental inda.

13Ora ku Spiritu di bardadiKap 14.17,26; 1 Jon 2.20,27; 5.6 bin, i na gia bos na tudu bardadi, pabia i ka na bin fala palabra di sil propi, ma i na fala kil ki obi; i na konta bos ke ku na bin bin.

14El i na bin glorifikan, pabia i na toma ña palabra, i na bin konta bos el.

15Tudu kusas ku ña PapeMat 11.27 tene i di mi; e ku manda N fala bos kuma Spiritu na toma ña palabra, i na bin konta bos el.

Tristesa ku alegria

16“Un bokadiñuKap 7.33 bo ka na ojan; mas un bokadu bo na ojan.”

17Utru di si disipulus punta ŋutru: “Es i ke ki falanu kuma, un bokadu no ka na ojal, mas un bokadu no na ojal? Kuma tambi i na bai pa si Pape?

18Ke ki signifika ‘un bokadu’? No ka sibi ke ki signifika.”

19Jesus sibiba kuma e misti puntal. I fala elis: “Bo na mpulma entri bos aserka de kusa ku N fala bos kuma, un bokadu bo ka na ojan; mas un bokadu bo na ojan?

20Na bardadi N na fala bos kuma, bo na cora, bo na miskiña; jinti di mundu na kontenti. Abos bo na sta ku kasabi, ma bo kasabi na bidaKap 20.20; Luk 24.41,52; 1 Ped 1.8 alegria.

21Ora ku un minjer sta pa padi, i ta sinti kasabi, pabia si ora ciga, ma dipus di padi mininu, i ka ta lembra ja di kansera ki pasa, pabia di kontentamentu di padi un fiju.

22Asin tambi, abos gosi na bardadi bo tene kasabi, ma N na torna oja bos; bo korson na inci alegria; ningin ka na pudi tira bos el.

23Na ki dia nada bo ka na puntan. Na bardadi, N na fala bos kuma, tudu kusas ku bo pidiKap 14.13 ña Pape na ña nomi, el i na da bos.

24Te gosi bo ka pidi nada na ña nomi. Bo pidi, bo ta risibi, pa bo alegriaKap 15.11 pudi sta kompletu.

Jesus ngaña mundu

25“N konta bos e kusas pa komparason; ora na ciga ku N ka na fala bos mas de manera, ma N na bin fala bos klaru aserka di ña Pape.

26Na ki dia bo na pidi na ña nomi. N ka na fala bos kuma N na roga pa bos na ña Pape.

27Ña Pape amaKap 14.21,23 bos pabia abos bo aman, bo fia kuma N bin di Deus.

28N sai di ñaKap 13.3; 20.17 Pape, N bin pa mundu; gosi N na disa mundu pa N bai pa ña Pape.”

29Si disipulus falal: “Gosi bu na papia klaru; bu ka na papia ja na komparason.

30Gosi no ntindi kuma bu sibi tudu. Bu ka pirsisa pa algin puntau. E ku manda no fia kuma bu binKap 17.8 di Deus.”

31Jesus punta elis: “Bo fia gosi?

32Ora na bin ciga, i pertu ja, ora ku bo na pajiga, kada un pa si ladu; bo na disanKap 8.29; Mat 26.31 ami son, ma N ka sta son, pabia ña Pape sta ku mi.

33N konta bos e kusas pa bo ten pasKap 14.27; Rom 5.1; Ef 2.14 na mi. Na munduKap 15.19; 2 Tim 3.12 bo na tene foronta, ma bo ten koraẑen; ami N ngañaRom 8.37; 1 Jon 5.4-5 mundu.”