1Asin ku SIÑOR fala: “Seu1 Re 8.27; Mat 5.34-35; 23.22; At 7.49-50 i ña tronu, tera i tapeti di ña pe. Kal koldadi kasa ku bo na kumpun? O kal kau ki di ña diskansu?
2O i ka ña mon ku kumpu tudu e kusas pa e bin sedu?” Asin ku SIÑOR punta. “Es i omi ku N na jubi pa el: kil ku sedu umildi, kebrantaduSal 34.18 na spiritu, ku ta tirmiKap 66.5; Esd 9.4 si i obi ña palabra.
3Kil ku mata turu i suma kil ku mata algin; kil ku sakrifika fiju di karnel i suma kil ku kebra garganti di kacur; kil ku pursenta oferta di kumida i suma kin ku pursenta sangi di purku; kil ku kema nsensu i suma kil ku adora un idulu. Esis e kuji se propi kamiñu, e ta fika kontenti ku se kusas nujenti.
4Asin ami N na kuji tratamentu duru pa elis, N na pui kusas ke medi pa e kai riba delis, pabia N coma, ningin kaKap 50.2 kudi; N papia, ningin ka sukuta, ma e fasi mal ña dianti, e kuji kil ku N ka ta kontenti ku el.”
5Bo obi palabra di SIÑOR, abos ku ta tirmiKap 66.2 ora ku bo obi si palabra. I fala: “Bo ermons ku ten odiu di bos, ku ta tira bos lunju pabia di ña nomi, e fala: ‘I ta bon ba pa SIÑORKap 5.19 mostra si gloria pa no pudi oja bo alegria!’ Ki jinti e na kunfundidu.
6Sinti garandi baruju ku na bin di prasa, ki turmenta na ladu di templu! Kila i SIÑOR ku na paga si inimigus ke ke mersi.
7“Nta minjer ta padi si fiju antis di dur di partu bin riba del?
8Kin ku ciga di obi un kusa des? O kin ku oja un kusa ku parsi ku es? Nta un tera pudi padidu na un dia? O nason pudi padidu di un bias? Ma Sion kumsa sinti dur di partu, i padi janan si fijus.
9Nta ami N ta tisi algin te na ora di padi, N ka judal tene fiju? O N ta fica bariga ora ku algin na padi?” Asin ku SIÑOR bu Deus na punta.
10“Bo kontenti juntu ku Jerusalen,
bo fika alegri pabia del, abos tudu ku amal.
Bo inci ku alegria pabia del,
abos tudu ku na cora pa el.
11Bo naSal 36.8; 1 Ped 2.2 mama, bo farta, na si pitu ku ta konsola;
bo na bibi, bo kontenti ku ki manga di liti.”
12Asin ku SIÑOR fala: “N na pui pasKap 48.18 pa i kuri riba del suma riu, ku rikesaKap 60.5 di nasons suma riu ku inci tok i darma. Bo na mama; e na pembiKap 49.22 bos na mon, e ama bos na ragas.
13Suma algin ku si mame ta konsola, asin ku N na konsola bos; bo na konsoladu na Jerusalen.”
14Bo na oja e kusa, bo korson na kontenti; bo os na torna forti suma paja nobu. Puder di SIÑOR na kunsidu na metadi di si servus, ma i na mostra si raiba kontra si inimigus.
15Jubi, SIÑOR na bin ku fugu, ku si karus suma urdumuñu; i na tisi si raiba ku na yardi; si manera di raprindi na sedu suma ŝamas di2 Tes 1.8 fugu.
16SIÑOR na julga jinti di tudu mundu ku fugu ku si spada, i na mata manga di jinti.
17SIÑOR fala: “Kilis ku ta fasi sirmonia di purifikason pa yentra, un tras di utru, na jardinKap 65.3-4 sagradu, ku ta kume karni di purku ku ratu, ku utru karni nujenti, e na kabadu ku el, tudu juntu,
18pabia N sibi kusas ke fasi, ku seEb 4.13 pensamentus. N na bin junta jinti di tudu nasons ku linguas; e na bin e oja ña gloria.
19N na pui un sinal na se metadi. Kilis ku kapli, N na manda elis pa utru nasons — pa Tarsis,Kum 10.4; 1 Kron 1.7; Ez 27.10; 30.5 Libia, Lidia (nunde ke ten fama ku mansasa), TubalEz 27.13; 38.2-3; 39.1 ku Gresia, te na jius mas lunju, ku nunka ka obi ña fama nin e ka oja ña gloria; e na anunsia ña gloria na metadi di nasons.
20E na tisi tudu bo ermons, di tudu nasons, pa ña monti sagradu na Jerusalen, suma pursenti pa SIÑOR. E na bin riba di kabalus, na karus, na karetas, tambi riba di burus ku dromedarius. E na tisi elis suma ora ku fijus di Israel tisi se ofertasRom 15.16 di kumida dentru di tiẑela puru pa kasa di SIÑOR.
21N na kuji utrus na se metadi pa e sedu saserdotisSai 19.6 ku levitas.” Asin ku SIÑOR fala.
22I torna fala mas: “Suma ku nobu seuKap 65.17 ku nobu tera ku N na bin fasi na sta ña dianti pa sempri, asin ku bo jorson ku bo nomi na sta.
23Di un lua nobu te na utru, di un dia di diskansu te na utru, jinti di tudu mundu na bin adora ña dianti.” Asin ku SIÑOR fala.
24“Ora ke sai, e na oja difuntus di jinti ku disobdisin; bicusMar 9.48 ku na kume elis ka na muri, nin fugu ku na kema elis ka na paga; e na sedu un kusa meduñu pa jinti di tudu mundu.”
Who We AreWhat We EelieveWhat We Do
2025 by iamachristian.org,Inc All rights reserved.
