Daniel 1 - Portuguese Creole Bible, Guinea-Bissau

Trenamentu di Daniel na Babilonia

1Na terseru anu di renansa di Jeoiakin, rei di Judá, Nabukodonosor, rei di Babilonia, bin pa2 Kron 36.6-7 Jerusalen, i tajal.

2SIÑOR ntrega Jeoiakin, rei di Judá, na si mon, ku un parti di kusas sagradu2 Re 20.17-18 di kasa di Deus. I leba elis pa tera di Babilonia pa baloba di si deus, i pui elis na armazen di rikesa di si deus.

3Rei fala Aspenaz, ŝef di si funsionarius di palasiu, pa i tisil utru fijus di Israel, di familia di rei ku di utru familias mas altu,

4jovens sin difeituSir 21.16-21 na kurpu, bonitu, ben nsinadu, ku sibi ciu, lestu pa ntindi, ku sibi vivi na palasiu di rei. I falal tambi pa i nsina elis skirbi ku lei na lingua di Babilonia.

5Rei da ordi pa e dadu un sertu kiñon kada dia di mesmu kumida ku el i ta kumeba, ku di biñu ki ta bibiba. E tenba ku trenadu pa tris anu. Dipus e ten ku bai pursenta dianti di rei.

6Daniel, Ananias, Misael ku Azarias staba na metadi di kilis ku kujidu na fijus di Judá.

7Ŝef di funsionarius pui elis utruKum 41.45; 2 Re 24.17 nomis. I pui Daniel nomi di Beltesazar; i coma Ananias Sadrak; i coma Misael Mesak; Azarias, i comal Abednegu.

8Daniel pui na si sintidu pa ka i kontamina ku kumidaLei 32.38; Ez 4.13; Os 9.3 di rei, nin ku ki biñu ki ta bibi. Asin i pidi ŝef di funsionarius lisensa pa ka i kontamina.

9Deus pui ki ŝef di funsionarius pa i mostra faburKum 39.21; 1 Re 8.50 ku bondadi pa Daniel,

10ma i falal: “N ten medu di Ñu Rei. I el ku da ordi aserka di bo kumida ku bibida. Kuma ki ten ku oja bo rostu mas magru di ki utru jovens di bo idadi? Rei pudi kortan kabesa pabia di bos.”

11Daniel papia ku ki nkargadu ku ŝef di funsionarius puiba riba del, ku Ananias, Misael ku Azarias, i falal:

12“Ten pasensa, spurmentanu des dia, bu danu kusas di orta pa no kume, ku yagu pa bibi.

13Dipus bu ta jubi no kurpu, kuma ki na parsi, ku kurpu di ki jovens ku na kume kumida di rei. Konformi bu oja, asin ku bu na fasi ku bu servus.”

14Asin, i konkorda pa spurmenta elis des dia.

15Oca ku ki des dia pasa, e parsi mas minjor, tambi mas forti di ki tudu ki utru jovens ku ta kumeba kumida di rei.

16Asin, nkargadu maina da elis ki kumida di rei, ku biñu ke dibi di bibi, i ta da elis kusa di orta.

17Deus da ki kuatru joven kuñisimentu ku ntindimentu1 Re 3.12; At 7.22 na tudu kultura, ku jiresa, ma i da Daniel kapasidadi di ntindi tudu tipu di visonKum 41.8-16 ku suñu.

18Ki tris anu pasa; tempu ciga ku rei marka pa e lebadu si dianti. Ŝef di funsionarius leba elis dianti di Nabukodonosor.

19Rei papia ku elis tudu, ma na se metadi i ka oja utru jovenKum 41.38-46 suma Daniel, Ananias, Misael ku Azarias. Asin e yentra na tarbaju di rei.

20Tudu asuntu ku rei punta elis ku ta iziẑi kuñisimentu ku ntindimentu, i ta oja elis des bias mas jiru di ki tudu diviñaduris ku jambakusis ku staba na tudu si renu.

21Daniel staba la te na purmeru anu di rei SiruKap 6.28; 10.1 di Persia.