Jeremias 36 - Portuguese Creole Bible, Guinea-Bissau

Baruk lei libru na templu

1Na kuartu anu di Jeoiakin, fiju di Josias, rei di Judá, SIÑOR bin papia ku Jeremias, i falal:

2“Toma un rolu, bu skirbi nelKap 30.2 tudu palabras ku N falau aserka di Israel, Judá ku tudu nasons, disna di dia ku N kumsa na papia ku bo na tempu di Josias, te aos.

3Si pobu di Judá obi tudu mal ku N pensa fasi elis, talvesKap 36.7; 26.3 e ta konverti, kada kin di si mau manera di yanda; N ta purda elis se maldadi ku pekadu.”

4Jeremias comaKap 32.12; 45.1 Baruk, fiju di Nerias. Baruk skirbi na rolu konformi Jeremias na papia tudu palabras ku SIÑOR mostralba.

5Jeremias fala Baruk: “Ami N tujidu yentra na kasa di SIÑOR.

6Yentra abo ku rolu ku bu skirbi nel tudu palabras ku N falau, bu leil na oreja di pobu, na kasa di SIÑOR, na dia diSir 16.29; At 27.9 junjun. Tambi bu na leil dianti di tudu Judá ku bin di se prasas.

7I pudi seduKap 36.3 ku e ta pidi SIÑOR, kada kin ta konverti di si mau manera di yanda, pabia SIÑOR ten raiba garandi ku na yardi kontra e pobu.”

8Baruk, fiju di Nerias, i fasi tudu ku anunsiadur Jeremias falal pa i fasi; na kasa di SIÑOR i lei palabras di SIÑOR na ki libru.

9Na nonu mis di kintu anu di Jeoiakin, fiju di Josias, rei di Judá, i anunsiadu junjun dianti di SIÑOR pa tudu pobu na Jerusalen, ku tudu jinti ku bin di prasas di Judá.

10Baruk lei palabras di Jeremias na ki libru dianti di tudu pobu na kasa di SIÑOR. I staba na kuartu di Jemarias, fiju di Safan, sekretariu, na kintal di riba, na entrada di porton nobu di kasa di SIÑOR.

Libru leidu pa ŝefis

11Oca ku Mikaias, fiju di Jemarias, fiju di Safan, obi tudu palabras di SIÑOR na ki libru,

12i bai pa kasa di rei, pa kuartu di sekretariu, i oja tudu ŝefis sintadu la, ku sedu sekretariu Elisama, Delaias, fiju di Semaias, Elnatan, fiju di Akbor, Jemarias, fiju di Safan, ku Zedekias, fiju di Ananias, ku tudu utru ŝefis.

13Mikaias konta elis tudu palabras ki obiba oca ku Baruk lei na libru dianti di pobu.

14Tudu ŝefis manda Jeudi, fiju di Netanias, fiju di Selemias, fiju di Kusi, pa i fala Baruk: “Ki rolu ku bu lei dianti di pobu, tomal bu tisi.” Baruk, fiju di Nerias, toma libru, i bai pa elis.

15E falal: “Sinta, bu lei pa nos.”

Baruk lei se dianti.

16Oca ke obi tudu ki palabras, e jubi ŋutru ku medu, e fala Baruk: “I ka ten utru kusa; no na konta tudu e palabra pa rei.”

17E punta Baruk: “Kuma ku bu yanda bu skirbi e kusas? I ka Jeremias ku kontau el pa bu skirbi?”

18Baruk fala elis: “Sin, i el ku kontan kada palabra; ami N fika N na skirbil na libru ku tinta.”

19Ŝefis fala Baruk: “Bai bu sukundi, abo ku Jeremias, pa ka ningin sibi nunde ku bo sta nel.”

Rei kema libru

20Ŝefis fika ki rolu na kuartu di sekretariu Elisama, e bai pa rei na kintal, e kontal tudu ki palabras.

21Rei manda Jeudi pa i tisi rolu. Jeudi tomal na kuartu di sekretariu Elisama, i leil dianti di rei ku tudu ŝefis ku staba ku el.

22Suma i staba na nonu mis, rei staba sintadu na kasa ki ta usaba na tempu diAm 3.15 friu, ku fugu na fugareru si dianti.

23Oca ku Jeudi lei tris o kuatru kulunas di rolu, rei kortal ku faka di sekretariu, i botal na fugu. I fika i na fasi asin tok i kaba kema rolu tudu na ki fugu.

24Rei ku tudu si ŝefis ku obi tudu ki palabras e ka tenba nin medu, nin e ka rumpi2 Re 22.11; Is 36.22; 37.1 se ropa.

25Mesmu ku Elnatan, Delaias ku Jemarias e pidi rei pa ka i kema rolu, i ka seta obi elis.

26Rei da ordi pa Jerameel, fiju di Amelek, Seraias, fiju di Azriel, ku Selemias, fiju di Abdeel, pa e bai prindi ki sekretariu Baruk ku anunsiadur Jeremias, ma SIÑOR sukundiba elis.

Baruk skirbi utru libru

27Dipus ku rei kema rolu ku teneba palabras ku Baruk skirbiba di boka di Jeremias, SIÑOR bin papia ku Jeremias, i falal:

28“Toma utru rolu, bu skirbi nel tudu palabras ku staba na ki purmeru libru ku Jeoiakin, rei di Judá, kema.

29Fala Jeoiakin, rei di Judá, kuma asin ku SIÑOR fala: ‘Abo bu kema ki rolu, bu punta: “Ke ku manda bu skirbi nel kuma, na bardadi, rei di Babilonia na bin, i na dana e tera, i na kaba ku omis ku limarias ku sta nel?”

30Pabia di kila ami, SIÑOR, N fala aserka di Jeoiakin, rei di Judá: I ka na ten na si jorsonKap 22.19 kin ku na sinta na tronu di Davi. Si difuntu na botadu na kalur di dia ku jelu di noti.

31N na kastigal, ku si fijus, ku si ŝefis, pabia di se pekadu. N na tisi riba del, ku moraduris di Jerusalen, ku omis di Judá, tudu ki mal ku N papia kontra elis, pabia e ka obdisin.’ ”

32Asin Jeremias toma utru rolu, i da sekretariu Baruk, fiju di Nerias; Baruk skirbi nel, di boka di Jeremias, tudu palabras di libru ku Jeoiakin, rei di Judá, kemaba na fugu, tok i buri utru palabras parsidu.