Atus 28 - Portuguese Creole Bible, Guinea-Bissau

Paulu na Melita

1Oca ku no salba ja, no sibi kuma ki jiu ta comadu Melita.

2Jinti di la e tratanu diritu. Suma cuba na cubi, kau staba friu, e sindi fugu garandi, e rukujinu tudu.

3Paulu junta manga di leña, i bai pui na fugu. Un kobra ku staba na leña i na kuri di kentura, i pega na mon di Paulu.

4Oca ku jinti di ki jiu oja kobra pindradu na si mon, e fala ŋutru: “E omi sertamenti i matadur. I kapli di mar, ma Justisa ka na disal pa i bibu.”

5Paulu sakudi kobraMar 16.18; Luk 10.19 na fugu, i ka sinti nin mal.

6Ki jinti na pera pa ojal i na inca o pa i kai mortu di repenti. E pera tok e ka oja nada sedu; e muda ideia, e fala kuma el i unKap 14.11 deus.

7Pertu di ki lugar i staba utru pontas ku pertensiba Públiu, ŝef di jiu, ku risibinu, i gasijanu diritu pa tris dia.

8Pape di Públiu staba na kama duenti ku febri ku panga bariga. Paulu bai visital, i ora, i pui monMar 16.18; Luk 4.40 riba del, i kural.

9Oca ki fasi es, utru duentis ku staba na jiu e bin pa Paulu, e kuradu.

10E kumsa mostranu manga di sinal di rispitu. Oca ku no na mbarka, e lebanu pa barku kusas ku no na pirsisaba del na bias.

Di Melita pa Roma

11Dipus di tris mis, no sai na un barku di Alesandria ku kababa cuba na jiu, ku tene nomi di deus jemia: Kastor ku Poluŝ.

12No ciga na Sirakusa, no fika la tris dia.

13Di la no bai ngostadu ku tera tok no ciga Réjiu. Sol mansi, bentu di sul na supra; no ten dus dia, no ciga na Putéoli,

14nunde ku no oja utru ermons. E kumbidanu pa no fika ku elis seti dia. Dipus, no bai pa Roma.

15Ermons di la e obiba ja no noba, e bai danu kontrada na Prasa di Apiu, ku lugar ku comadu Tris Taberna. Oca ku Paulu oja elis, i fala Deus obrigadu, i fika animadu.

Na Roma

16Oca ku no ciga Roma, kapiton ntrega prezus, ma Paulu dadu lisensaKap 24.23 pa i mora na si kasa aparti, ku un soldadu ku na guardal.

17Oca i pasa tris dia, Paulu manda coma garandis di judeu. Dipus ke junta, i fala elis: “Ña ermons, N ka fasi nadaKap 25.8 kontra ña pobu, nin kontra kustumus di no papes, ma N prindidu na Jerusalen, N ntregadu na mon diKap 21.33 romanus.

18Dipus ke puntan, e misti largan, suma ke ka oja kuma N fasi mal ku mersi mortu,

19ma, suma ku judeus ka misti pa N largadu, N oja kuma N dibi di pidi pa bin pa rei garandi, kontudu N ka tene nada pa keŝa kontra ña pobu.

20E ku manda N kumbida bos, pa N oja bos, pa no papia. I pabia di kusa ku Israel na peraKap 23.6 ku manda N sta maradu ku eKap 26.29; Ef 3.1; 4.1; 6.20; 2 Tim 1.16; 2.9; Filem 9-10,13 korenti.”

21E falal: “No ka risibi nin un karta ku bin di Judeia ku fala di bo, nin i ka bin ermons di la ku tisi bu noba, o ku fala kusa mau di bo,

22ma no misti obi na bu boka ke ku bu na kuda, pabia e seitaKap 24.5,14; Luk 2.34; 1 Ped 2.12; 4.14 li, no sibi son kuma, na tudu ladu, jinti ta fala kontra el.”

23E marka dia; manga delis bai na ki dia pa kasa di Paulu. Disna di parmaña te di tardi i konta elis, i splika elis kusas di renuKap 17.3; 19.8; 26.22-23 di Deus, i buska konvensi elis pa e fia na Jesus. I mostra elis na lei di Moisés ku librus di anunsiaduris.

24Utrus fiaKap 14.4; 17.4; 19.9 na si palabra, ma utrus nega.

25E kumsa dispidi, sin ciga na ntindimentu. Antis de bai, Paulu fala elis e palabra: “Bardadi ku Spiritu Santu fala no papes na boka di anunsiadur Isaias:

26“‘Bai pa e pobu li, bu fala elis:

“Ora ku boIs 6.9-10 obi, bo na sukuta, ma bo ka na ntindi;

bo na jubi-jubi, ma bo ka na oja nada.”

27Korson de pobu bida risu;

se oreja kuas surdu;

e ficaIs 44.18 uju.

Si i ka asin, e ta oja ku se uju,

e ta obi ku se oreja,

e ta ntindi na se korson,

e ta konverti pa mi, N ta kura elis.’

28“Asin N misti pa bo sibi kuma e salbason di Deus i mandadu pa jinti diKap 13.46-47; 22.21 utru rasas. Elis e na obi.”

[

29Oca ki fala asin, judeus sai ku garandi jus na se metadi.]

30Paulu mora dus anu ntidu na ki kasa ki renda; i ta risibi tudu kilis ku bai visital,

31i ta konta elis palabra di renu di Deus, i ta nsina elis kusas di Siñor Jesus Kristu, ku tudu liberdadi, sin ningin tujil.