Miskiñu di Jeremias Introduson - Portuguese Creole Bible, Guinea-Bissau

IntrodusonE libru tene sinku poema tristi ku Jeremias skirbi dipus di kaida di Jerusalen. Te aos judeus ta lei e libru na sinagogas na dia 9 di kuartu mis (serka di fin di Juñu na no kalendariu), suma lembransa (Jer 52.6). Kada versikulu di purmeru, sugundu ku kuartu poema ta kumsa ku nobu letra di alfabetu ebraiku; na terseru poema kada letra tene tris versikulu. Kintu poema tene vinti i dus versikulu, ma i ka ta usa letras na ordi alfabetiku suma ki utrus.Poemas ta fala di danu ku sufrimentu na Jerusalen; e ta nota kuma tudu bin pabia di pekadu di jinti. Kapitulu 5 i orason.Fora di mura di Jerusalen, pa ladu di norti, i ten un kau comadu “Gruta di Jeremias”. Konformi storia antigu di judeus, Jeremias sinta la, i cora, i skirbi e poemas. Gruta sta na monti di Gólgota, pertu di kau nunde ku Jesus krusifikadu.