1Jeremias kaba konta tudu pobu tudu palabras di SIÑOR se Deus, tudu kusa ku SIÑOR mandal pa i konta elis.
2Azarias, fiju di Osaias, ku Joanan, fiju di Kareá, ku tudu omis orgulyosu, e fala Jeremias: “I mintida ku bu na konta! SIÑOR no Deus ka mandau pa bu fala pa ka no yentra na tera di Ejitu pa mora la.
3Baruk, fiju di Nerias, i el propi ku na cuciu kontra nos pa ntreganu na mon di jinti di Babilonia, pa e matanu o e lebanu katibu pa Babilonia.”
4Asin Joanan, fiju di Kareá, ku tudu ŝefis di tropa ku tudu pobu, e ka seta obdisi ordi di SIÑOR, pa fika na tera di Judá,
5ma Joanan, fiju di Kareá, ku tudu ŝefis di tropa, e leba tudu restu di Judá, kilis ku ribabaKap 40.11-12 di tudu nasons na kau ke pajigaduba, pa e pudi mora na tera di Judá,
6suma tambi omis, minjeris ku mininus, ku fijus femia di rei, ku tudu jintiKap 41.10 ku Nebuzaradan, kapiton di guarda, disaba ku Jedalias, fiju di Aikan, fiju di Safan. E leba tambi anunsiadur Jeremias ku Baruk, fiju di Nerias.
7E yentra na tera di Ejitu, pabia e disobdisi ordi di SIÑOR; e bin te naKap 2.16 Tafnes.
Anunsiu aserka di Ejitu8SIÑOR bin papia ku Jeremias na Tafnes, i falal:
9“Toma pedras garandi na mon, bo sukundi elis na lama na baranda di porta di kasa di Faraó na Tafnes, nkuantu utru omis judeu na jubiu.
10Bu fala elis: ‘Asin ku SIÑOR ku ten tudu puder, Deus di Israel, fala: N na manda bin Nabukodonosor, rei di Babilonia, ñaKap 25.9; Ez 29.19-20 servu; N na pui si tronu riba de pedras ku N sukundi; el i na distindi si tenda di renansa riba delis.
11I na bin ataka tera di Ejitu. I na tisi mortuKap 15.2; 44.12-13; 46.13; Zak 11.9 pa kilis ku distinadu pa mortu, katiberasku pa kilis ku distinadu pa katiberasku, spada pa kilis ku distinadu pa spada.
12N na sindi fugu na balobas di deusisKap 46.25; Sai 12.12 di Ejitu; Nabukodonosor na kema elis, i na leba ki deusis katibu. Suma ku bakiadur ta kuji karanga na si ropa, asin ku rei Nabukodonosor na kuji ke ki misti na tera di Ejitu. Dipus i na sai la ku vitoria.
13I na kebra statuas di sol, na tera di Ejitu; i na kema balobas di deusis di Ejitu na fugu.’ ”
Who We AreWhat We EelieveWhat We Do
2025 by iamachristian.org,Inc All rights reserved.
