1Kada kin dibi di obdisi otridadiTitu 3.1; 1 Ped 2.13 ku sta riba del, pabia i ka ten otridadi ku ka binDan 2.21; Jon 19.11 di Deus. Otridadi ku ten, Deus ku pul.
2E ku manda kin ku sta kontra otridadi i sta kontra kil ku Deus manda. Kilis ku nega obdisi e na tisi kondenason riba di se kabesa.
3Kilis ku ta fasi ben e ka pirsisa1 Ped 2.14; 3.13 di ten medu di polisia, ma son kilis ku ta fasi mal. Bu misti fika libri di medu di otridadi? Ba ta fasi ben; i ta ngabau.
4El i sta na sirvis di Deus pa ben di bo. Ma si bu fasi mal, bu ten ku medi, pabia i ka ta tisi ki spada amonton. I sta na sirvis di Deus; i vingadur pa kastiga kil ku fasi mal.
5E ku manda bo dibi di obdisil. I ka son pabia di kastigu, ma tambi i pabia di boEkl 8.2 konsiensia.
6Bo dibi di paga mpustu, pabia e sta na sirvis di Deus pa e pudi fasi e tarbaju propi.
7Asin, bo daMat 22.21 kada kin kil ku bo dibi di da. Bo paga kontribuison pa kil ku bo dibi di paga. Bo paga mpustu pa kil ku bo dibi di paga. Bo da rispitu ku onra pa kilis ku ten diritu di risibil.
Manera di trata utru jinti8Ka bo dibi ningin nada, son amor pa ŋutru, pabia kil ku ama siMat 7.12; Gal 5.14; Kol 3.14; Tia 2.8 kumpañer, i kumpri lei.
9Na bardadi, “Ka buSai 20.13-17; Sir 19.18; Mat 22.39-40 dita ku kin ku bu ka kasa ku el,” “Ka bu mata,” “Ka bu furta,” “Ka bu lantanda falsu tustumuñu,” “Ka bu kubisa,” ku kualker utru mandamentu ku ten, i sta juntu ne un palabra: “Ama bu kumpañer suma bo propi.”
10Kil ku ten amor i ka ta fasi si kumpañer mal. E ku manda, kil ku ten amor i ta kumpri tudu lei.
11Bo fasi asin, suma ku bo sibi tempu ku no sta nel, kuma ora ciga pa no kordaEf 5.14 di sonu, pabia no libertason sta mas pertu gosi di ki oca no seta Kristu.
12Noti pasa ja; dia ciga. No dispi tudu kusas ku ta fasiduEf 5.11; 6.11-13; Kol 3.8; 1 Tes 5.8 na sukuru; no bisti armadura di lus.
13No yanda onestu, suma kin ku na yandaFil 4.8 di dia. Ka no yanda naLuk 21.34; Tia 3.14; 1 Ped 4.3 wukesa, na camidera, na vida susu, na puku borgoña, na jusia, nin na nveẑa,
14ma bo kubriGal 3.27; 5.16; Ef 4.24; Kol 3.10; 1 Ped 2.11 ku armadura di Siñor Jesus Kristu. Ka bo alimenta mau diseẑu di bo naturesa.
Who We AreWhat We EelieveWhat We Do
2025 by iamachristian.org,Inc All rights reserved.