Joel 1 - Portuguese Creole Bible, Guinea-Bissau

Praga di gamfañotis

1Es i palabra ku SIÑOR bin fala ku Joel, fiju di Petuel.

2Abos garandis, bo para atenson;

bo sukuta, abos tudu ku mora ne tera.

Nta es ciga di kontisi na bo tempu,

o na tempu di bo papes?

3Bo kontaSal 78.4 es pa bo fijus,

bo fijus ta konta se fijus,

kilas ta konta se fijus.

4Nuvens di gamfañotisKap 2.25 bin;

kil ku purmeru nuven sobra, sugundu nuven kume;

kil ku sugundu nuven sobra, terseru nuven kume;

kil ku terseru nuven sobra, kuartu kumel.

5Abos camiduris, bo korda, bo cora;

abos ku ta bibi biñu, bo jimi

pabia di falta di biñu nobu,

pabia uvas pa kumpul kumedu ja tudu.

6Un nason bin atakaKap 2.2-11; Apok 9.7-8 ña tera;

e tene forsa, e ciu dimas;

se dinti i suma dinti di lion;

e tene keŝada suma lion beju.

7E bati ña pes di uva,

e dana ña figeras,

e tira se kaska, e botal na con;

se ramus bida branku.

8Miskiña suma bajuda ku mara saku

pabia di mortu di namoradu di si bajudesa.

9OfertaKap 1.13; 2.14 di kumida ku bibida kortadu na kasa di SIÑOR;

saserdotis, servus di SIÑOR, e sta tudu tristi.

10Lugar danadu,Jer 12.11 tera sta tristi,

pabia trigu kabadu ku el;

uvas seku, azeiti na falta.

11AbosJer 14.3-4 labraduris, bo fika tristi,

abos ku tene ortas di uva, bo jimi,

pabia di trigu ku sevada,

pabia kebur di matu pirdi.

12Pe di uvaIs 24.7,11; Jer 48.33 seku, figera lati,

suma romera tambi, ku palmera ku masiera;

tudu arvuris di matu seku;

kontentamentu di jinti seku tambi.

Ripindimentu

13Abos saserdotis, bo maraKap 1.8; Jer 4.8 saku, bo miskiña;

abos ku ta sirbi dianti di altar, bo jimi.

Bo bai bo pasa noti bistidu di saku,

abos ku ta sirbi ña Deus;

pabia ofertaKap 1.9 di kumida ku bibida

ka na bai pa kasa di bo Deus.

14Bo da ordi pa dia diKap 2.15-16; Sir 23.26; 2 Kron 20.3,13 junjun,

bo anunsia juntamentu pa buska Deus;

bo junta garandis ku tudu moraduris di tera

na kasa di SIÑOR bo Deus,

bo yalsa fála, bo coma SIÑOR.

15Ai, ki dia!

Dia di SIÑOR sta jaKap 2.1; Is 13.6,9 pertu;

i na bin ku garandi danu di Deus ku ten tudu puder.

16Jubi, kumida kortadu dianti di no uju!

AlegriaLei 12.6-7; 16.11,14-15 ku kontentamentu kaba na kasa di no Deus.

17Simentera bida podri bas di con;

bembas danadu, armazens batidu, pabia di trigu ku seku.

18Sinti kuma ku limarias na cora!

Bakas tudu na yanda na kunfuson pabia paja ka ten.

Koralis di karnel tambi na sufri.

19N na comau, SIÑOR,

pabia fugu toma konta di kauKap 2.3; Jer 9.10 di bakia,

i kema tudu arvuris di matu.

20Limarias di matu tambi na coraJo 38.41 pa bo,

pabia rius seku;

fugu kema lala; kau di bakia ka ten.