Josué 21 - Portuguese Creole Bible, Guinea-Bissau

Prasas di jorson di Levi

1Kabesas di familia di levitas ciga na saserdoti Eleazar, Josué, fiju di Nun, ku ŝefis di familias di jorsons di Israel,

2na Siló, na tera di Kanaan, e fala elis: “SIÑOR da ordi na boka di Moisés kuma no ten ku dadu prasasNum 35.2-8 pa no mora nel, ku kampadas na roda pa no limarias ba ta kume.”

3Asin fijus di Israel obdisi palabra di SIÑOR, e da levitas parti di se yardansa, ku sedu prasas ku se kaus di bakia na roda.

4Sorti kai riba di koatitas konformi se familias. Levitas di jorson di saserdoti Aron risibi, pa sorti, trezi prasa di jorsons di Judá, Simeon ku Benjamin.

5Utru fijus di Koat risibi, pa sorti, des prasa di familias di jorsons di Efrain ku Dan, ku metadi di jorson di Manasés.

6Fijus di Jerson risibi, pa sorti, trezi prasa di familias di jorsons di Isakar, Aser ku Naftali, ku metadi di jorson di Manasés na Basan.

7Fijus di Merari, konformi se familias, e risibi dozi prasa di jorsons di Ruben, Gad ku Zebulon.

8Asin, fijus di Israel da levitas, pa sorti, ki prasas ku se kampadas na roda, suma ku SIÑOR da ordi na boka di Moisés.

9Esis i nomi di prasas di jorsons di Judá ku Simeon

10ku dadu pa fijus di Aron, ku sedu di familias di Koat, di jorson di Levi. Purmeru sorti bai pa elis.

11E da elis prasa di Arba (ku sedu EbronKap 14.15 ), ku si kampadas pa limarias, na monti di Judá. (Arba sedu pape antigu di Anak.)

12Ma lugaris di labur ku tabankas na roda, e daduba jaKap 14.13-15 pa Kaleb, fiju di Jefoné, pa si yardansa.

13Asin, pa fijus di saserdoti Aron e da1 Kron 6.55-57 Ebron (ku sedu prasa di rogu pa algin ku mata si kumpañer), ku kampadas pa limarias na roda; e da tambi LibnaKap 10.29 ku si kampadas,

14Jatir, Estemoa,

15Olon, Debir,Kap 10.38

16Ain,Kap 15.32 Jutá ku Bet-SemesKap 15.10 — novi prasa ku se kampadas na roda, ku ki dus jorson da.

17Di jorson di Benjamin e da Jibeon,Kap 9.3 Jeba,1 Re 15.22; 2 Re 23.8; 1 Kron 6.60; Is 10.29; Zak 14.10

18Anatot1 Re 2.16; Esd 2.23; Is 10.30; Jer 1.1; 11.21; 32.7-9 ku Almon — kuatru prasa ku se kampadas na roda pa limarias.

19Tudu prasas di saserdotis, fijus di Aron, e sedu trezi, ku se kampadas na roda.

20Familias di Koat, di jorson di Levi ku sobra, e risibi, pa sorti, prasas di jorson di Efrain.

21Na monti Efrain e dadu Siken,Kap 17.7 prasa di rogu pa algin ku mata si kumpañer, Jezer,Kap 10.33

22Kibzain ku Bet-OronKap 16.3 — kuatru prasa, tudu ku se kampadas na roda.

23Di jorson di Dan e risibi Eltek, Jibeton,

24AijalonKap 10.12 ku Gat-RimonKap 19.45; 1 Kron 6.69 — kuatru prasa ku se kampadas na roda.

25Di metadi di jorson di Manasés e dadu TaanakKap 17.11 ku Gat-Rimon — dus prasa ku se kampadas na roda.

26Tudu ki des prasa ku se kampadas na roda e dadu pa kilis ku sobra na familias di Koat.

27Di metadi di jorson di Manasés, fijus di Jerson, di jorson di Levi, e dadu Golan,Kap 20.8; Lei 4.43; 1 Kron 6.71 prasa di rogu, na Basan, ku Beesterá — dus prasa ku se kampadas na roda.

28Di jorson di Isakar e risibi Kision, Daberat,Kap 19.12

29JarmutKap 10.3,23; 12.11; 15.35; Ne 11.29 ku En-Ganin — kuatru prasa ku se kampadas na roda.

30Di jorson di Aser e dadu Misal,Kap 19.26 Abdon,

31Elkat ku ReobKap 19.28 — kuatru prasa ku se kampadas na roda.

32Di jorson di Naftali e dadu Kedes,Kap 12.22 prasa di rogu na Galileia, Amot-Dor ku Kartan — tris prasa ku se kampadas na roda.

33Tudu prasas di jersonitas, konformi se familias, e seduba trezi, ku se kampadas na roda.

34Levitas ku sobra na familia di Merari e risibi di jorson di Zebulon: Joknean,Kap 19.11 Kartá,

35Dimna ku NaalalKap 19.15 — kuatru prasa ku se kampadas na roda.

36Di jorson di Ruben e risibi Bezer,Kap 20.8; Lei 4.43; 1 Kron 6.78 Jaaz,Kap 13.18; Num 21.23; Lei 2.32; 1 Kron 6.78

37Kedemot ku Mefaat — kuatru prasa ku se kampadas pa limarias.

38Di jorson di Gad e risibi RamotKap 20.8 na Jilead, prasa di rogu pa algin ku mata si kumpañer, Maanain,Kap 13.26

39EsbonNum 32.37 ku JazerNum 32.1 — kuatru prasa ku se kampadas pa limarias.

40Asin familias di Merari ku sobraba na levitas e dadu, pa sorti, ki dozi prasa.

41Tudu prasas di levitas na metadi di jorsons di fijus di Israel e sedu korenta i oitu,Num 35.7 ku se kampadas na roda.

42Kada un de prasas teneba si kampada pa limarias na roda.

43Asin SIÑOR da Israel tudu tera ki jurmentaba da se papes; e toma konta, e mora nel.

44SIÑOR da elis diskansuKap 1.15; 11.23 na tudu ladu, suma ki jurmentaba se papes di antigu. Di tudu se inimigus, ningin ka firma se dianti; SIÑOR ntrega elis tudu na se mon.

45Nin un di ki bon palabras ku SIÑOR papiaba pa pobu di Israel i kaKap 23.14; 1 Re 8.56 maina; tudu bin kumpri.