Numerus 14 - Portuguese Creole Bible, Guinea-Bissau

Israelitas misti riba pa Ejitu

1Tudu pobu di kumunidadi di Israel yalsa fála, e cora tok sol mansi,

2e ŋuniŋuniKap 11.1 kontra Moisés ku Aron, e fala: “I mas minjor si no muriba na tera di Ejitu, o si no muriba na lala!

3Ke ku manda SIÑOR na tisinu pa e tera, pa spada matanu, pa no minjeris ku no mininus tomadu katibu? I ka minjor pa no riba pa Ejitu?”

4E kumsa na fala ŋutru: “No kuji kapiton, no ribaNe 9.17; 2 Ped 2.21-22 pa Ejitu.”

5Moisés ku Aron mborka na conKap 16.4,22,45; 20.6; Kum 17.3; Sir 9.24; Jos 5.14; 7.6; 1 Re 18.39; 1 Kron 21.16; Ez 9.8; 11.13; Mat 26.39; Apok 7.11 dianti di tudu juntamentu di fijus di Israel.

6Josué, fiju di Nun, kuKap 13.6,8,30 Kaleb, fiju di Jefoné, ku sedu dus di kilis ku baiba spia tera, e rumpi se ropa,

7e papia ku tudu juntamentu di fijus di Israel, e fala elis: “Ki teraKap 13.27; Lei 1.25; 8.7-9 ku no pasa na si metadi, no spial, i bon dimas.

8Si SIÑOR sta kontentiLei 10.15; Jos 14.12; 2 Sam 15.25-26; 22.20; 1 Re 10.9; Sal 22.8; 147.11; Is 62.4; Jer 32.41; Sof 3.17 ku nos i na lebanu pa ki tera riku ku ta pruduzi ciu, i na danu el.

9Ka bo sedu rebeldiLei 9.7,23-24 kontra SIÑOR; ka bo medi jinti di ki tera, pabia e na sedu suma kumidaKap 24.8 pa nos. E pirdi ja se proteson; SIÑOR sta ku nos; ka bo ten medu delis.”

10Tudu pobu fala pa mata elis kuSai 17.4; 1 Sam 30.6; At 7.57-59 pedras, ma gloria di SIÑOR parsiKap 16.19,42; 20.6; Sai 16.7,10; 24.16-17; 40.34; Sir 9.23 dianti di tudu fijus di Israel na tenda di juntamentu.

Moisés ora pa pobu

11SIÑOR punta Moisés: “Te kal tempu ku e jinti na njutin? Te kal tempu ke na nega fia na mi, ku tudu milagris ku N fasi na se metadi?

12N na mata elis ku duensa,Kap 16.46-49; Lei 28.21 N kaba ku elis. N na fasiu pape di un nasonSai 32.10 ku tene mas jinti ku mas forsa di ki e pobu.”

13Moisés fala SIÑOR: “Ku bu forsa bu tira e pobu diSai 12.42 Ejitu. Si bu mata elis gosi, ejipsius na obi del,

14e na konta moraduris de tera, ku obi kuma abo, SIÑOR, bu sta na metadi de pobu, kuma e ta ojau ujuKap 12.8 ku uju, bu nuven sta riba delis, bu ta bai se dianti na un kuluna di nuvenSai 40.34 di dia, ku kuluna di fugu di noti.

15Si bu mata e pobu tudu di un bias, ki jinti ku obi di bu fama e na fala:

16‘SIÑOR ka pudiba leba ki pobu pa tera ki jurmentaba kuma i na daKum 12.7 elis; e ku manda i mata elis na lala.’

17“Asin, SIÑOR, N rogau pa bu mostra bu garandi puder konformi bu palabra ku fala:

18‘SIÑOR ten garandi pasensa ku amor, i ta purda pekadu ku rebelion, ma i ka ta diskulpa kil ki kulpadu; i ta kastiga fijus ku netusSai 20.5 te na terseru ku kuartu jorson, pabia di pekadu di papes.’

19Konformi garandesa di bu amor, purda pekaduSai 32.32; 34.9; 1 Re 8.34; Sal 78.38; 106.7-8,45; Dan 9.19 de pobu, suma ku bu purda elis desdi tera di Ejitu te li.”

20SIÑOR falal: “N purda elis, suma ku bu pidi,

21ma, suma ki sertu ku N sta bibu,Lei 32.40 asin ki sertu kuma gloriaSal 72.19; Is 6.3; Ab 2.14 di SIÑOR i na inci tudu mundu,

22kuma tambi tudu ki omis ku oja ña gloria ku ña milagris ku N fasi na Ejitu, tambi na lala, ku tentan ja des bias, ku nega obdisin,

23e ka na oja teraKap 32.11; Jos 5.6; Ez 20.15 ku N fala se papes ku juramentu kuma N na da elis. Nin un di kilis ku njutin ka na ojal,

24ma ña servuKap 13.30 Kaleb, suma ki tene utru spiritu, i kontinua na yanda ku mi na si korson, N na lebal pa ki tera ki baiba pa el; si jorson na yardal.

25Amalekitas ku kananeus e mora na kobon. Amaña bo na vira, bo bai pa lala, na kamiñu di MarLei 1.40 Burmeju.”

SIÑOR kastiga kilis ku ŋuniŋuni

26Dipus SIÑOR papia ku Moisés ku Aron, i fala elis:

27“Te kal tempu ku e pobu mau na ŋuniŋuniKap 11.1 kontra mi? N obi keŝas di israelitas ke na keŝa kontra mi.

28Konta elis kuma SIÑOR fala: ‘N jurmenta pa ña vida kuma, konformi kil ku N obi bo naKap 14.2 fala, asin ku N na fasi bos.

29Bo kurpus na kai mortu ne lala, kada un di bos di vinti anu o mas ku kontaduKap 1.18-46 na resensiamentu, kilis ku ŋuniŋuni kontra mi.

30N yalsa mon pa jurmenta kuma N na pui bos pa bo mora na ki tera, ma bo ka na yentra la, si i kaKap 14.6 Kaleb, fiju di Jefoné, ku Josué, fiju di Nun.

31Bo fijus, kilis ku bo fala kumaKap 14.3; Lei 1.39; Jos 5.7 e na sedu katibus, N na yentranda elis; e na vivi kontenti na tera ku bo njuti,

32ma abos, bo kurpus na kai mortu ne lala.

33Bo fijus na sufri pabia bo ka sedu fiel; e na yanda-yandaKap 32.13; Lei 2.14; Jos 5.6 ne lala korenta anu, tok bo kaba muri tudu na lala.

34Konformi numeru di dias ku bo spia ki tera, ku sedu korentaKap 13.25; Sal 95.10; Eb 4.1 dia, bo na sufri pa bo pekadu korenta anu, un anu pa kada dia. Bo na ntindi ke ki signifika pa N sta kontra bos.’

35Ami, SIÑOR, N fala e kusa. Asin ku N na fasi tudu e pobu mau ku lanta kontra mi. N na kaba ku elKap 26.65 ne lala; ali ke na muri tudu.”

36Ki omis ku Moisés mandaba pa e spia tera, ku riba e fala malKap 13.31-33 del, e pui tudu kumunidadi ŋuninuni kontra el,

37ki omis propi e muri dianti di SIÑOR di un duensa mau.

38Di kilis ku baiba pa jubi tera, son Josué, fiju di Nun, kuKap 14.30 Kaleb, fiju di Jefoné, ku fika ku vida.

Israelitas tenta yentra na Kanaan(Lei 1.41-46)

39Oca Moisés konta ki palabra pa tudu fijus di Israel, e cora ciu.

40E mandurga parmaña sedu, e subi riba di monti, e fala: “No peka, ma alinu li; no sta pruntu pa bai pa lugar ku SIÑOR fala.”

41Moisés punta elis: “Pa ke ku bo na disobdisi ordiKap 14.25 di SIÑOR? Asin bo ka na oja bon rusultadu.

42Ka bo bai, pabia SIÑOR ka sta na bo metadi; bo inimigus na ngaña bos,

43pabia amalekitas ku kananeus na kontra ku bos, e na mata bos ku spada. Manera ku bo disvia di SIÑOR, SIÑOR ka na sta ku bos.”

44Moisés ku arka di SIÑOR ka sai na kampamentu, ma nin ku ’sin e ntemaKap 15.30 e subi riba di monti.

45Amalekitas ku kananeusKap 13.29 ku moraba na monti ataka elis, e ngaña elis, tok e ciga naKap 21.3; Lei 1.44; Jos 12.14; 15.30; 19.4; Ŝef 1.17 Orma.