Isaias 13 - Portuguese Creole Bible, Guinea-Bissau

Anunsia kontra Babilonia

1Es i rekadu di Deus aserka di BabiloniaKap 14.4; 21.1-10; 47; Jer 50–51; Apok 17; 18 ku Isaias, fiju di Amoz, risibi na vison.

2Bo yalsa banderaKap 5.26; 11.12; 18.3 riba di monti ku ka tene paja; bo yalsa fála pa elis, bo fasi elis sinal ku mon pa e yentra na porton di ŝefis.

3N coma ja ña jinti sagradu, ña omis di gera, kilis ku ta kontenti manera ku N sedu rei, N da elis ordi pa e kastiga kilis ku N ten raiba delis.

4I na obidu riba di monti baruju ku parsi ku gritus di manga di jinti, turmenta di renus ku nasons ku sta la juntadu. SIÑOR ku ten tudu puder na purpara tropas pa gera,

5ku bin di lunju, di utru ladu di mundu. E sedu spada di raiba di SIÑOR; SIÑOR na bin ku elis pa dana ki tera tudu.

6Bo cora, pabia dia di SIÑORJer 46.10; Joe 1.15; 2.11; Ob 15; Sof 1.7,14-15; Apok 6.17 sta pertu, dia ku kil ku ten tudu puder na bin pa dana.

7Pabia di kila, tudu mon na torna moli; korson di tudu jinti na disanima.

8E na panta dimas; dur ku foronta na toma konta delis. E na tursi kurpu suma minjer na partu, e na jubi ŋutru ku medu; se rostus na kema ku borgoña.

9Jubi, dia di SIÑOR na bin, dia meduñuDit 2.22; Jer 30.7; Mal 4.1 di raiba forti ku na yardi. I na bin pa bidanta tera suma lala, pa kaba ku jinti di la ku ta fasi pekadu.

10Strelas na seu na se grupus e na paraKap 5.30; 24.23; Ez 32.7-8; Joe 2.10,31; 3.15; Am 8.9; Mat 24.29; Apok 8.12 numia; ora ku sol mansi i na torna sukuru; lua ka na numia kau ku si klaridadi.

11N na kastiga munduKap 24.4-5 pabia di si maldadi, ku jinti mau pabia di se pekadu. N na bati kilis ku ta yalsa kabesa; N na kaba ku orgulyuKap 2.11,17; Dit 6.17 di jinti ku ta manda ku forsa.

12N na pui omis pa i mas kansadu oja di ki uru puru; ki uru finu di Ofir i ta mas lestu pa ojadu.

13N na pui seuJoe 3.16; Naun 1.5-6; Aẑeu 2.6-7,21-22; Eb 12.26 pa i tirmi; mundu na bulbuli tok i sai na si lugar, pabia di raiba di SIÑOR ku ten tudu puder ku na yardi na ki dia.

14Kada un na riba pa si pobu, kada kin na kuri pa siJer 50.16; Mar 6.34 tera, suma gazela ku na kuri di montiadur, suma karnel ku ka tene bakiadur.

15Kin ku pañadu i na matadu ku spada.

16Utru omis na kebranta se fijus pikininu na con seMis 5.11; Os 10.14; 13.16; Naun 3.10; Zak 14.2 dianti, e na abusa na se minjeris; tudu kusas di se kasas na furtadu.

17N na cuci jinti di MediaKap 21.2; Jer 51.11,28; Dan 5.28,30-31 kontra elis, ku ka ta mporta ku prata, nin e ka ta tentadu pa uru.

18Ku se mansasas e na mata jovens; e ka na mostra amor pa fijus ku kumsa padidu, nin e ka na sinti pena di mininus.

19Babilonia, renu mas bonitu di tudu, gloriaKap 14.4,12-15,22-23 ku orgulyu di kaldeus, i na sedu suma Sodoma ku GomoraKum 19.24-25 oca ku Deus kaba ku elis.

20Nunka mas ningin ka na mora nel, nin i ka na kumpudu mas; nin un algin di Arabia ka na mara si tenda la, ku fadi bakiaduris pa pui se karnel diskansa la.

21Limarias di lala na sta la; kuruẑaKap 34.10-15; Sof 2.14; Apok 18.2 na inci kasas; la ku avestruz na mora; kabras di matu na jukuta la.

22Lubus na pupa na kuartel; kacur brabu na ladra na palasius mas bonitu. Tempu di Babilonia sta pertu; si dias ka na bai kumpridu.