1Asin N bin pensa diritu na tudu e kusas, pa N pudi ntindil klaru; N oja kuma justu ku jiru, ku kusas ke ta fasi, e sta na mon di Deus, ma omi ka sibi si i amor o si i odiu ku na peral. Tudu sta sukundidu na futuru.
2I ta kontisi mesmuKap 2.14-16; Mal 3.18 ku tudu jinti — justu ku mau, puru ku impuru, kilis ku ta pursenta sakrifisius ku kilis ku ka ta fasil, algin bon ku algin ku ta fasi pekadu, kil ku ta jurmenta ku kil ku ten medu di juramentu.
3Es i mal ku sta na tudu ku ta fasidu ne mundu, kuma mesmu kusa ta kontisi ku tudu jinti. Korson di omis inci maldadi ku tulesa na tudu se vida. Dipus e ta bai juntu ku kilis ku muri ja.
4Algin ku sta na metadi di bibus i tenJo 14.7-12; 27.8 speransa. Kacur bibu i bali mas di ki lion ku muri!
5Jinti bibu sibi kumaJo 30.23 e na muri, ma kilis ku muri ja e ka sibi nada, nin e ka na risibi mas pagamentu, ma se lembransaKap 2.16 i diskisidu.
6Se amor, se odiu ku se nveẑa pirdi janan. Nunka mas e ka na ten parti na kualker kusa ku na fasidu ne mundu.
7Bai, bu kumeKap 2.24 ku alegria; bu bibi bu biñu ku gustu, pabia Deus sta kontenti ku kil ku bu fasi.
8Ba ta bisti ropa brankuApok 3.4-5; 7.9; 19.8,14 sempri, bu unta bu kabesa ku azeiti.
9Vivi juntu ku minjer ku bu ama, ku kontentamentu, tudu dias di vida ku Deus dau ne mundu, nin si i vida di bakatela, pabia es i bu sorti ne vida, nkuantu bu na fasi tarbaju duru bas di sol.
10Tudu ku ciga na bu mon pa fasi, fasil konformi buRom 12.11; Kol 3.23 forsa, pabia na mundu di mortus, nunde ku bu na bai, i ka tenSal 88.10-12; Jon 9.4 tarbaju, nin planus, nin kuñisimentu, ku fadi jiresa.
11N oja utru kusa ne mundu, kuma, premiu i ka di kilis ku ta kuri mas rapidu, nin vitoria i ka pa omis di mas koraẑen. Kumida ka ta bin pa jirus, nin rikesa pa kilis ku ten jitu, nin fabur pa ntindidus,Sal 33.16-17; Dit 21.30-31; Jer 9.23; Am 2.14-16 ma tudu ta dipindi di tempu ku sorti.
12Tambi omi ka sibi kal ki siKap 8.7 ora. Suma pis ta pañadu na ridiaSal 124.7; Ab 1.14-17 mau, o kacus ta pañadu na armadilia, asin omis ta pañadu na tempu mau ku ta kai riba delisDit 6.15; Luk 12.39; 17.26-31; 21.34-36; 1 Tes 5.3 di repenti.
Jiresa ku tulesa13Tambi N oja un isemplu di jiresa ne mundu, ku toka na mi.
14I tenba un prasa pikininu ku teneba puku jinti. I bin bin un garandi rei kontra el, i tajal, i lantanda rampas di kamba kontra mura.
15I moraba na ki prasa un omi koitadi ma jiru, ku libra2 Sam 20.15-22; 2 Re 6.14-23 ki prasa ku si jiresa, ma ningin ka lembra di ki koitadi.
16Asin N fala: “Jiresa i minjorKap 7.19 di ki forsa,” mesmu ku jiresa di koitadi i njutidu, si palabras ka obidu.
17Palabras kalmu di jirus dibi di obidu ku atenson, mas di ki gritus di ŝef di tulus.
18Jiresa i minjor di ki instrumentus di gera, ma un alginJos 7.1,5,11-12; 22.20; 2 Sam 20.1-2; Eb 12.15-16 ku ta fasi pekadu i ta dana manga di kusa bon.
Who We AreWhat We EelieveWhat We Do
2025 by iamachristian.org,Inc All rights reserved.
