Ditus 31 - Portuguese Creole Bible, Guinea-Bissau

Konsiju pa un rei

1Es i palabra di ntindimentu ku mame di rei Lemuel nsinal:

2“O ña fiju, fiju ku N padi, rasposta di ña orason, ke ku N na falau?

3Ka bu da bu forsa ku bu tempu pa minjeris ku ta danaKap 7.25-27; Lei 17.17; Ne 13.26 vida di reis.

4“Lemuel, reis ka dibi di bibiEkl 10.17; Os 4.11 biñu; fiju di rei ka dibi di misti bibida forti.

5Ora ke bibi e pudi diskisiAb 2.5 di lei, e tursi diritu di kilis ku foronta.

6Bibida forti i pa kilis ku na pirdi, biñu ta dadu pa kilis ku tene spiritu di kasabi,

7pa e bibi, e diskisi di se koitadesa, e ka lembra mas di se kasabi.

8“Yabri boka bu papiaKap 24.11-12; 1 Sam 19.4-6; Jo 29.16-17; Sal 82.3-4; Jer 26.16-19,24 pa juda kilis ku ka pudi papia pa se kabesa, pa buska diritu di kilis ku bandonadu.

9Yabri boka bu julga diritu, bu fasi justisaKap 16.12; Sir 19.15; Is 1.17,23; 11.4; Jer 22.3,15-16; 23.5 pa koitadis ku kilis ku ten falta.”

Minjer jiru

10MinjerKap 12.4; 20.15 di bon manera, kin ku pudi ojal? I bali muitu mas di ki joias.

11Si omi ta pui tudu si fiansa nel, i ka ta ten falta di nada.

12Minjer ta fasi si omi ben, i ka ta fasil mal, tudu dias di si vida.

13I ta buska lan ku liñu, i ta tarbaja ku bon vontadi ku si mon.

14I ta bai buska si kumida lunju, suma barku di nogos.

15I ta lanta mandrugada, i purpara kumida pa si familia, i konta si bajudas ke ke dibi di fasi.

16I ta bai jubi lugar, i kumpral; ku diñeru ki ngaña i ta paranta orta di pe di uva.

17I ta pega tesu na tarbaju, i ten forsa pa tudu ki na fasi.

18I ta toma sintidu na si nogos pa i pudi ngaña diritu. Si kanderu ka ta pagadu di noti.

19I ta fia si propi liña, i tisi si fazenda.

20I ta yabri mon, i da koitadisKap 22.9; Ef 4.28; Eb 13.16 ku kilis ku pirsisa.

21I ka ten medu di friu, pabia tudu si familia ta yanda ku bon ropa ku ta kenta kurpu.

22I ta kumpu kuberturas pa kama, i bisti di liñu finu di kor purpura.

23Si omi i kunsidu na portonLei 16.18 di prasa nunde ki ta bai sinta ku garandis di tera.

24I ta kumpu ropa di liñu finu pa bindi; i ta bindi sintus pa nogosiantis.

25Tudu jinti ta ojal suma minjer di rispitu ku forsa. I ka ta medi dia di amaña.

26I ta papia ku jiresa; nsinamentu fielKap 12.18 i sta na si boka.

27I ta guberna si kasaKap 14.1 diritu; i ka ta kume kumida di prigisa.

28Si fijus ta lanta e papia ben del; si omi tambi ta ngabal, i fala:

29“Manga di minjer ta fasi ben, ma abo i minjor di tudu.”

30Bonitasku ta ngana, i ta pasa, ma minjer ku ta rispita SIÑOR i na ngabadu.

31Bo dal rispitu pabia di si tarbaju; na porton di prasa jinti dibi di ngabalMar 14.8-9; At 9.39; Rom 16.1-4,6,12; 1 Tim 5.25; Eb 6.10; Apok 14.13 pa kusas ki fasi.