Jeremias 22 - Portuguese Creole Bible, Guinea-Bissau

Anunsiu kontra rei di Judá

1SIÑOR falan pa N bai pa kasa di rei di Judá pa konta e rekadu la, N fala:

2“Obi palabra di SIÑOR, abo, rei di Judá ku sinta na tronu di Davi, ku bu ŝefis, ku bu pobu ku ta yentra ne portons.

3Asin ku SIÑOR fala: Bo fasi kusas bonKap 21.12; Mik 6.8; Zak 8.16; Mat 23.23 i justu. Kil ku si kusas robadu, bo libral na mon di kil ku na fasil mal. Ka bo kalka stranjeru, nin orfan nin viuva; ka bo fasi violensia, nin ka bo mata jinti ku ka ten kulpa ne kau.

4Si bo pui sintidu pa obdisi e ordi, reisKap 17.24-25 na kontinua sinta na tronu di Davi, e na ba ta yentra na porton de kasa na karus, o montadu na kabalus, elis ku se ŝefis ku se pobu.

5Ma si bo ka obdisi e palabra, ami, SIÑOR, N jurmentaEb 6.13 pa ña nomi kuma e palasiu na danadu.

6“Ami, SIÑOR, N fala aserka di palasiu di rei di Judá: Abo pa mi i suma Jilead, tambi suma kau mas altu di Líbanu, ma N na fasiu lala, suma prasas ku ka moradu.

7N na manda danaduris kontra bo, kada kin ku si material di gera; e na korta bu kankra di sedru bonitu, e na botal na fugu.

8“Jinti di manga di nason e na pasa ne prasa, e na puntaLei 29.24-25 ŋutru: ‘Ke ku manda SIÑOR fasi asin ku e garandi prasa?’

9Utru na ruspundi: ‘I pabia e bandona kontratu di SIÑOR se Deus, e bai mpina dianti di utru deusis, e sirbi elis.’ ”

Anunsiu aserka di Jeoakaz (Salun)

10Ka bo cora mortu2 Re 23.30,34; 1 Kron 3.15 di rei Josias,

nin ka bo fika tristi aserka del.

Bo cora ciu pa kil ku na bai,

pabia nunka mas i ka na riba,

nin i ka na oja tera ki padidu nel.

11Asin ku SIÑOR fala aserka di Jeoakaz, fiju di Josias, ku bin rena na konta di si pape, ma i tiradu ne lugar: “Nunka mas i ka na riba,

12ma na tera ki lebadu katibu, i na muri la; nunka mas i ka na oja e tera.”

Anunsiu aserka di Jeoiakin

13Ai di kil ku kumpu si kasa ku tarpasa,

ku kumpu si kuartus di sobradi sin diritu,

ku pui si kumpañeris judeu tarbaja pa forsa

sin i ka da elis se pagamentu.

14I fala: “N na kumpu ña kasa garandi,

ku kuartus di sobradi largu.”

Asin i ta pui janelas,

i foral ku po di sedru,

i pintal burmeju.

15Pa tene kasa mas bonitu di sedru,

el ku na pou pa bu sedu rei?

Nta bu pape, Josias, ka kume, i bibi;

i ka julga ku justisa ku bondadi?

Pabia di kila, tudu kusas kurilIs 3.10 diritu.

16I ta difindiba koitadi ku forontadu;

e ku manda tudu kuril diritu.

Ami, SIÑOR, N na puntau:

Es i ka mostra kuma i kunsin?

17Ma bu uju ku bu korson

ta pui sintidu son pa ngaña ku tarpasa,

pa darma sangi di kil ku ka ten kulpa,

pa kalka jinti,

pa toma kusas ku violensia.

18Pabia di kila, SIÑOR fala aserka di Jeoiakin, fiju di Josias, rei di Judá:

“Ningin ka na miskiña pa el, i fala:

‘Ai ña ermon!’

Nin e ka na miskiña e fala:

‘Ai Siñor!’ o ‘Ai Ñu Rei!’

19Suma buru ta nteradu, asin ke na nteral;

e na rastal, e botalKap 36.30; 2 Kron 36.5-8 lunju,

fora di porton di Jerusalen.”

20SIÑOR fala: “O Jerusalen, bai pa Líbanu, bu grita;

bu yalsa fála na Basan,

bu grita di montañas di Moab,

pabia tudu teras ku bu fasi kontratu ku el e kebrantadu.

21N papia ku bo oca kusas na kuriu diritu,

ma bu fala kuma bu ka na obi.

Asin ki bu manera disna di buKap 3.25 juventudi;

nunka bu ka para sintidu pa ña palabra.

22Bentu na leba tudu bu ŝefis;

teras ku sedu bu amigus na bai pa katiberasku.

Bu na fika ku borgoña ku kunfuson

pabia di tudu bu maldadi.

23Abo ku mora sabi na palasiu di sedru,

ku tisidu di tera di Líbanu,

bu na jimi ku forsa ora ku dur bin pa bo,

ku foronta suma minjerKap 6.24 na partu.”

Anunsiu aserka di Joakin (Konias o Jekonias)

24SIÑOR fala: “N jurmenta pa ña vida kuma, mesmu ku abo, Konias,2 Re 24.8 fiju di Jeoiakin, rei di Judá, seduba anelAẑeu 2.23 di karimbu di ña mon direita, N na tirauba.

25N na ntregau na mon di kilis ku na buskau pa mata, kilis ku bu ten medu delis, ku sedu Nabukodonosor, rei di Babilonia ku si tropas.

26N na botau, abo ku bu mame2 Re 24.15 ku padiu, pa utru tera ku bo ka padidu nel; la ku bo na muri.

27Tera ku bo dija, bo ka na riba nel.”

28Nta e omi, Konias, i sedu un putiIs 30.14 kebradu, njutidu, ku minjer ka misti? Ke ku manda el ku si fijus e botadu fora, e rastadu pa un tera ke ka kunsi?

29OIs 1.2 tera, tera, tera,

obi palabra di SIÑOR!

30Asin ku SIÑOR fala:

“ReẑistaMat 1.11-12 e omi suma algin ku ka tene fiju,

omi ku kusas ka na kuri diritu na si vida,

nin e ka na kuri diritu ku si fijus.

E ka na sinta na tronu di Davi,

nin e ka na rena mas na Judá.”