1Oca dia di mortu di Davi na pertu, i da si fiju Salomon ordi,Num 27.19 i falal:
2“N na bai na kamiñuJos 23.14 ku tudu jinti ten ku bai nel. Fasi forsa,Lei 31.6; 1 Kron 28.20 bu mostra kuma abo i omi,
3bu kumpri ordiLei 17.18-20; 29.9; Jos 22.5; 1 Kron 22.12-13; 28.8-9; 29.19 di SIÑOR bu Deus, bu yanda na si kamiñu, bu obdisi si leis ku mandamentus ku regras suma ki sta skritu na lei di Moisés. Asin, kualker kau ku bu bai, tudu ku bu fasi na kuriu diritu.
4Tambi SIÑOR na konfirma si palabra2 Sam 7.11-16,25; 2 Kron 7.17-18; Jer 33.17 ki dan, oca ki falan: ‘Si bu fijus toma sintidu pa yanda diritu ña dianti ku tudu se korson ku alma, nunka i ka na faltau algin na bu jorson pa sinta na tronu di Israel.’
5“Tambi bu sibi kuma ku Joab, fiju di Zeruia, tratan, kuma ki fasi ki dus kumandanti di tropa di Israel, ku sedu Abner, fiju di Ner, ku Amasa, fiju di Jeter. I mata elis, i darma sangi2 Sam 3.27,30; 20.10 na tempu di pas suma i staba na tempu di gera. Si sintu di otridadi ki mara i noda ku ki sangi, tudu ku sapatu ki kalsa.
6Tratal suma ku bu ntindi, ma ka bu disal tok i beju, i muri ku pas.
7“Bu dibi di mostra bondadi pa fijus di Barzilai2 Sam 17.27 di Jilead, pa e sta sempri na metadi di kilis ku ta kume na bu mesa, pabia elis e bin judan oca N na kuri di bu ermon Absalon.
8“Lembra tambi di Simei,2 Sam 16.5 fiju di Jera, di jorson di Benjamin, di tabanka di Baurin, kil ku koban risu na dia ku N na baiba Maanain, ma i sai pa bin kontra ku mi lungu di Jordon; N jurmental na nomi di SIÑOR kuma N ka na matal ku spada.
9Ma abo, ka bu tenel pa inosenti; abo i omi jiru, bu na sibi kuma ku bu na fasi ki bejoti pa i pudi matadu.”
10Asin Davi muri, i nteradu na prasa2 Sam 5.7 di si nomi.
11Tempu ki rena riba di Israel i korenta2 Sam 5.4-5 anu — seti anu na Ebron ku trinta i tris na Jerusalen.
Renansa di Salomon12Salomon sinta na tronu di si pape Davi; si renansa bin fika forti dimas.
13Un dia Adonias,Kap 1.5 fiju di Ajit, i bai nunde Bateseba, mame di Salomon. Kila puntal: “Bu visita1 Sam 16.4 i di amigu?” I falal: “Sin, i di amigu.”
14Dipus i falal: “N misti papia ku bo.” Bateseba falal: “Bu pudi papia.”
15I falal: “Abo bu sibi kuma renu na seduba di mi; tudu Israel na speraba kuma i ami ku na rena, ma gosi, renansa bai pa ña ermon, pabia asin ku SIÑOR misti,
16ma N tene un kusa son ku N na pidiu; ten pasensa, ka bu negan el.” I falal: “Konta.”
17Adonias falal: “N misti pa bu papia ku rei Salomon, pabia i ka na negau. Pidil pa i dan ki sunamita AbisagKap 1.3-4 pa N kasa ku el.”
18Bateseba ruspundil: “I sta bon; N na bai papia ku el.”
19Asin Bateseba bai nunde rei Salomon pa kontal ke ku Adonias misti. Rei lantaSai 20.12; Sir 19.32 pa risibil, i mpina si dianti. Dipus i sinta na si tronu, i manda pa e pui asentu na si mon direita pa si mame sinta.
20Si mame falal: “N na pidiu son un kusasiñu; ten pasensa, ka bu negan el.” Rei ruspundil: “Pidi, Mama; N ka na negau.”
21I falal: “Disa bu ermon Adonias kasa ku ki sunamita Abisag.”
22Rei Salomon ruspundi si mame i puntal: “Pabia di ke ku bu pidi ki sunamita Abisag pa Adonias kasa ku el? Suma ki sedu ña ermon mas garandi, bu pudi pidi tambi renu pa el, tudu ku saserdoti Abiatar ku Joab, fiju di Zeruia!”
23Dipus i jurmenta na nomi di SIÑOR, i fala: “Deus na kastigan risu si Adonias ka paga ku si vida pa e pididu ki fasi.
24N jurmenta pa vida di SIÑOR kuma Adonias na matadu aos, ki SIÑOR ku fasin pa N sinta suguru na tronu di ña pape Davi. Suma ki falan, i da renansa pa mi ku ña jorson.”
25Asin rei Salomon da Benaia, fiju di Jeoiada, ordi; kila bai mata Adonias.
26Rei fala saserdoti AbiatarKap 1.7,19,25; 1 Sam 22.20-23; 23.6,9; 2 Sam 15.24,29; 1 Kron 15.11-12 pa i bai pa si lugar na Anatot,Jos 21.18 i falal: “Bu mersi matadu, ma N ka na matau aos, pabia bu ta lebaba arka di SIÑOR Deus dianti di ña pape Davi, tambi bu sufri juntu ku el.”
27Asin Salomon tira Abiatar na tarbaju di saserdoti di SIÑOR, pa kumpri palabra ku SIÑOR falaba1 Sam 2.30-36 na Siló aserka di jorson di Eli.
28Joab obi noba, i kuri pa tenda di SIÑOR, i pega na pontasKap 1.7,50 di altar, pabia i na sigiba Adonias, kontudu i ka ciga di sigi Absalon.
29Jinti fala rei Salomon kuma Joab kuri i bai pa tenda di SIÑOR, i sta lungu di altar. Salomon manda Benaia, fiju di Jeoiada, pa i bai matal.
30Benaia bai pa tenda di SIÑOR, i fala Joab: “Rei fala pa bu sai li.” I ruspundil: “N ka na sai; li ku N na muri.” Benaia riba pa rei, i kontal kuma ku Joab ruspundil.
31Rei falal: “Fasi suma ki falau. Matal,Kum 9.6; Sai 21.14; 2 Sam 3.28-29 bu nteral, pa ami ku familia di ña pape no pudi fika libri di kulpa di sangi inosenti ku Joab darma.
32Asin SIÑOR na vingal di ki sangi, pabia i mata dus omi ku spada, sin kuñisimentu di ña pape Davi. Ki dus, ku sedu Abner, fiju di Ner, kumandanti di tropas di Israel, ku Amasa, fiju di Jeter, kumandanti di tropas di Judá, e seduba omis mas diritu di ki el.
33Asin sangi de dus omi na kai riba di Joab ku si jorson pa sempri, ma SIÑOR na da pas pa sempri pa Davi ku si jorson, ku si kasa ku si tronu.”
34Benaia, fiju di Jeoiada, bai matal; e nteral na si kau na matu.
35Rei pui Benaia, fiju di Jeoiada, riba di tropas na lugar di Joab; i pui saserdoti ZadokNum 25.11-13; 1 Kron 6.50-53; Ez 44.15 na lugar di saserdoti Abiatar.
36Dipus rei manda coma Simei,Kap 2.8 i falal: “Kumpu kasa na Jerusalen pa bu mora nel. Ka bu bai nin kau; fika son na prasa.
37Dia ku bu sai bu kamba riusiñu di Sedron, di sertesa bu na muri; kulpa na sedu di bo.”
38Simei ruspundi rei i falal: “N seta e palabra. Konformi Ñu Rei fala, asin ku si servu na fasi.” Asin Simei fika na Jerusalen pa manga di tempu.
39Tris anu dipus, dus katibu di Simei kuri pa Akis,1 Sam 21.10; 27.2-3 fiju di Maaka, rei di Gat. Jinti konta Simei kuma si katibus sta na Gat.
40Asin i lanta, i purpara si buru, i bai nunde Akis na Gat pa buska si katibus; i ribanta elis pa si kasa.
41Jinti konta Salomon kuma Simei baiba Gat ma i riba ja pa Jerusalen.
42Rei manda coma Simei, i falal: “N pui pa bu jurmenta na nomi di SIÑOR, N kontau kuma dia ku bu sai fora di prasa, di sertesa bu na muri. Bu ruspundin kuma bu seta ki palabra.
43Nta ke ku manda bu ka kumpri nin ki juramentu ku bu fasi na nomi di SIÑOR, nin ña ordi?”
44Salomon falal inda: “Bu sibi diritu na bu korson tudu maldadi2 Sam 16.5-8 ku bu fasi ña pape Davi. Asin SIÑOR na pui pa bu paga ki maldadi,
45ma i na bensuan, i na fasi tronu di Davi pa i fika suguru pa sempri.”
46Dipus rei da ordi pa Benaia, fiju di Jeoiada; kila sai, i bai mata Simei. Asin renansa fika mas suguru na mon di Salomon.
Who We AreWhat We EelieveWhat We Do
2025 by iamachristian.org,Inc All rights reserved.
