1Dipus N jubi, N oja un kusa ku parsibaApok 4.2-3 ku tronu, kumpudu ku un pedra comadu safira, ku staba riba di ki seu ku staba riba di kabesa di kirubins.
2SIÑOR fala ki omiKap 9.2-3 ku bisti ropa di liñu: “Bai na metadi di rodas te bas di kirubins, bu inci bu dus mon ku karbonApok 8.5 ku na yardi ku sta na metadi di kirubins, bu pajigal riba di prasa.” I yentra oca N na jubil.
3Kirubins staba na ladu di sul di kasa di Deus oca ki omi yentra. Un nuven inci kintal di dentru.
4Gloria di SIÑORKap 9.3; 43.5; Sai 40.34-35 ku staba riba di kirubins i lanta, i bai pa entrada di kasa di Deus. Ki nuven inci kasa; kintal inci ku lus di gloria di SIÑOR.
5Baruju di asas di kirubins na obiduba te na kintal di fora, suma vos di Deus ku ten tudu puder ora ki papia.
6Oca ku SIÑOR da ordi pa ki omi ku bisti ropa di liñu pa i toma fugu na metadi di rodas, na metadi di kirubins, i yentra, i firma lungu di un roda.
7Asin un kirubin distindi si mon pa fugu ku staba na metadi di kirubins, i tira utru karbon, i pul na dus mon di ki omi ku bisti ropa di liñu, ku tomal, i sai.
8Kirubins teneba un kusa ku parsi mon di omi bas di kada un di se asas.
9N jubi, N oja kuatru roda lungu di kirubins, un roda lungu di kada kirubin. Rodas na lampraba suma ki pedra di balur ku ta comadu turkesa.
10Tudu kuatru e parsiba ku ŋutru; e seduba suma un roda dentru di utru roda.
11Ora ke na yanda, e pudi bai pa kualker ladu, sin kurva. E pudiba yanda pa ladu ku kualker di se kuatru rostus na jubiba, ma roda ka ta kurva.
12Tudu se kurpus, se kostas, se mon ku se asas, ku ki kuatru roda, e teneba manga di uju.
13N obi ki rodas na comadu “rodas ku ta vira.”
14Kada un di ki kriaturas teneba kuatru rostu. Purmeru rostu seduba di kirubin, sugundu seduba di omi, terseru seduba di lion, kuartu seduba rostu di agia.
15Kirubins subi pa riba. E seduba ki mesmu kriaturas bibu ku N oja lungu di riu Kebar.
16Ora ku kirubins na yanda, rodas ta yandaba tambi juntu ku elis. Ora ke lantanda asas pa lanta na con, rodas ka ta sai nelis.
17Ora ke para, rodas ta para; ora ke lanta, rodas ta lanta, pabia spiritu di kriaturas bibu staba na rodas.
18Gloria di SIÑOR sai na entrada di kasa di Deus, i bai para riba di kirubins.
19N oja kirubins e lantandaKap 11.22 se asas, e lanta na con; rodas kumpaña elis. E bai para na entrada di porton di kasa di SIÑOR, na ladu di saida di sol. Gloria di Deus di Israel staba la riba delis.
20Esis e sedu ki kriaturas bibu ku N oja bas di Deus di Israel, lungu di riu Kebar. N bin sibi kuma e sedu kirubins.
21Kada un teneba kuatru rostu ku kuatru asa, ku kusas ku parsi mon di omi bas di kada un di si asas.
22Se rostus parsiba ku ki rostus ku N ojaba lungu di riu Kebar. Kada un ta yandaba pa dianti.
Who We AreWhat We EelieveWhat We Do
2025 by iamachristian.org,Inc All rights reserved.
