Sirmonias 6 - Portuguese Creole Bible, Guinea-Bissau

Pekadu di diskarna

1SIÑOR torna papia ku Moisés, i falal:

2“I pudi sedu ku algin peka, i fasi mal kontra SIÑOR, manera ki nega torna kusa ku si kumpañer ntregal na si mon pa i rakada, o i furta, o i toma kusas di si kumpañer ku violensia,

3o i oja un kusa kuSai 23.4 pirdi, i nega ku juramentu falsu kuma i ka ojal; o i fasi kualker utru kusa mau ku jinti kustuma ta fasi.

4Si i peka asin, i na kulpadu. I ten ku torna kil ki furta, o kil ki toma ku violensia, o kil ki ntregadu pa rakada, o ki kusa pirdidu ki oja,

5o ki kusa ki fasi juramentu falsu aserka del. I ten ku tornalKap 5.16; Sai 22.2-4 kompletu, i buri kintu parti riba del, i da tudu pa si dunu na ki dia ki na da si oferta pa kulpa.

6Suma oferta, i ten ku leba pa SIÑOR un karnel macu di koral, sin difeitu, konformi balur ku bu pui nel, suma oferta pa kulpa. I na lebal pa saserdoti.

7Saserdoti na fasi sakrifisiu pa el dianti di SIÑOR; i na purdadu kualker de kusas ki fasi ku pul i sedu kulpadu.”

Lei di oferta kemadu

8SIÑOR fala Moisés

9pa i da Aron ku si fijus e ordi: “Es i lei di oferta kemadu.Kap 1 Oferta kemadu ten ku fika na altar tudu noti, te parmaña. Fugu na altar i ten ku yardi sempri.

10Saserdoti na bisti si ropaSai 28.2 di liñu, ku kalson di liñu bas del; i na tira sinsa di ki oferta kemadu, ku fugu kema riba di altar, i na pul lungu di altar.

11Dipus, i na dispiKap 16.23-24,27; Ez 44.19; Eb 13.11-13 ki ropa, i na bisti utru ropa, i na leba sinsa fora di kampamentu, pa un kau limpu.

12Fugu na altar i ten ku yardi sempri; i ka na paga. Kada dia parmaña saserdoti ten ku buri leña, i ruma oferta kemadu riba di fugu, i kema gurdura di ofertas di pas.

13Fugu na yardi sempri riba di altar; i ka na paga.

Lei di oferta di kumida

14“Es i lei di oferta di kumida.Kap 2.1; Num 15.4,6,9 Un fiju di Aron ten ku pursental pa SIÑOR dianti di altar.

15I na inci si mon foriña finu, ku azeiti, ku tudu nsensu ku sta riba di oferta di kumida. I na kemal riba di altar suma lembransa,Kap 2.2; 5.12 pa i cera sabi pa SIÑOR.

16Aron ku si fijus na kumeKap 6.26; 5.13; 10.12; Num 18.9-10; Ez 44.29 kil ku sobra. E na kumel sin fermentu na un kau sagradu, ku sedu na kau fora di tenda di juntamentu, ma dentru di tapada di kurtinas.

17I ka na kusñadu ku fermentu. N da elis el suma se parti di ña ofertas kemadu. I sedu un kusa sagradu dimas, suma oferta pa pekadu, tambi suma oferta pa kulpa.

18Tudu macu di familia di AronKap 6.29; 21.21-22; Num 18.10 na kumel. I na sedu se parti di ofertas kemadu pa SIÑOR, di un jorson pa utru pa sempri. Tudu kil ku toka nel i na sedu sagradu.”

Oferta pa konsagrason di saserdotis

19SIÑOR torna papia ku Moisés, i falal:

20“Es i oferta ku Aron ku si fijus ten ku tisi pa SIÑOR na dia ki na unjidu: dus litru di foriña finu, suma oferta di kumida di kustumu, metadi di parmaña ku utru metadi di tardi.

21I na masadu ku azeiti, i kusñadu na kaleron. Dipus i na kebra-kebradu, i na pursentadu suma oferta di kumida ku ta cera sabi pa SIÑOR.

22Tambi fiju ku na toma si lugar suma saserdoti unjidu i na fasi mesmu kusa. I na kemal tudu pa SIÑOR. Es i un lei ku ka na kaba.

23Asin tudu oferta di kumida di un saserdoti na kemadu tudu; i ka na kumedu.”

Lei di oferta pa pekadu

24SIÑOR fala Moisés mas

25pa i papia ku Aron ku si fijus, i fala elis: “Es i lei di oferta pa pekadu. Na kau ku limaria di oferta kemadu ta matadu, la ke dibi di mata limaria di oferta pa pekadu dianti di SIÑOR. I sedu un kusa sagradu dimas.

26Saserdoti ku sakrifikal i na kumel na un kau sagradu, fora di tenda di juntamentu ma dentru di tapada di kurtinas.

27Tudu kil ku toka na ki karni i na bida sagradu. Si sangi paña ropa di algin, ki ropa ten ku labadu na un kau sagradu.

28Panela di lama ki kusñadu nel i na kebradu,Kap 11.33; 15.12 ma si i kusñadu na un panela di kobri, i na fergadu, i sogadu ku yagu.

29Tudu macu na familia di saserdotis pudi kumel. I sedu un kusa sagradu dimas.

30Ma nin un oferta pa pekadu ku si sangi lebadu na tenda di juntamentu, na lugar sagradu, pa sedu sakrifisiu pa pekadu, i ka na kumedu; i na kemaduKap 4.3-21; 16.27 na fugu.