Ezekiel 14 - Portuguese Creole Bible, Guinea-Bissau

Deus ta kastiga jinti ku ta fasi sirmonia

1Utru omis garandiKap 8.1 di Israel bin pa mi, e sinta.

2SIÑOR bin papia ku mi, i falan:

3“Fiju di omi, e omis pui sintidu na se idulus; e pui uju na pekadu ku ta pui elis pa e kai. Nta N na disa elis pa e puntan?

4Pabia di kila, konta elis kuma asin ku SIÑOR Deus fala: ‘Kualker omi di Israel ku pui sintidu na si idulus, i pui uju na pekadu ku ta pul pa i kai, dipus i bai pa2 Re 3.13 anunsiadur, ami, SIÑOR, N na ruspundil konformi si manga di idulu.

5N na fasi asin pa paña korson di pobu di Israel, mesmu ku tudu elis e disvia di mi, pa bai tras di se idulus.’

6“E ku manda bu ten ku fala pobu di Israel kuma SIÑOR Deus fala: ‘Bo konverti, bo disa bo idulus, bo nega tudu bo kustumus nujenti.

7“‘Kualker omi, di Israel o stranjeru ku mora na Israel, ku disvia di mi, i pui sintidu na si idulus, i pui uju na pekadu ku na pul pa i kai, si i bin pa pidi anunsiadur pa i puntan, ami, SIÑOR, N na ruspundil, ami propi.

8N na pui ña rostu kontraSir 17.10 ki omi, N na fasil pa i sedu un sinal ku un ditu. N na rinkal na metadi di ña pobu; bo na sibi kuma ami i SIÑOR.

9“‘Si un anunsiadur nganadu, i bin da un rasposta falsu, i ami, SIÑOR, ku disal i sedu nganadu.1 Re 22.23; Jer 4.10; 2 Tes 2.11 N na distindi ña mon kontra el, N na kaba ku el na metadi di ña pobu Israel.

10Elis tudu e na sedu kulpadu, anunsiadur ku kil ku konsultal.

11N na fasi asin pa pobu di Israel ka disvia mas di mi, nin pa e kontamina mas ku tudu se pekadu. E na sedu ñaKap 11.20; Jer 24.7 pobu; N na sedu se Deus. Asin ku SIÑOR Deus fala.’ ”

Noe, Daniel ku Jo

12SIÑOR bin papia ku mi, i falan:

13“Fiju di omi, si pobu di un tera peka kontra mi, e fasi pekadu garandi, N na distindi ña mon kontra ki tera, N na korta se sustentuKap 4.16 di kumida, N na manda fomi pa elis, N na mata omis ku limarias.

14Mesmu ku ki trisJer 15.1 omi, Noe, Daniel ku Jo, e moraba na se metadi, elis pa se bondadi e na salba son se propiKap 14.16,18,20 vida. Asin ku SIÑOR Deus fala.

15“Si N larga limariasSir 26.22 brabu na ki tera pa i kaba ku jinti, tok kau fika na pirigu; ningin ka pudi pasa la pabia di ki limarias;

16mesmu ku ki tris omi moraba na se metadi, ami, SIÑOR Deus, N jurmenta pa ña vida kuma, e ka na pudi salba se propi fijus macu o femia; elis son ku pudi salba; tera ta fika sin ningin.

17“O si N manda geraKap 5.12; 21.3-4; 29.8; Sir 26.25 pa ki tera, N fala: ‘Spada, pasa na tudu ladu di tera’, si N mata si omis ku limarias,

18mesmu ku ki tris omi moraba la, ami, SIÑOR Deus, N jurmenta pa ña vida kuma, e ka na pudi salba se fijus macu o femia; son se kabesa ke pudi salba.

19“O si N manda duensa2 Sam 24.15 na ki tera, N darma ña raiba nel, ku sangi, pa kaba ku omis ku limarias,

20mesmu ku Noe, Daniel ku Jo staba la, ami, SIÑOR Deus, N jurmenta pa ña vida kuma, e ka na pudi salba se fijus macu o femia, ma son se propi vidas ke na pudi salba, pabia di se bondadi.

21“Asin ku SIÑOR Deus fala: I na sedu pior si N manda pa Jerusalen ña kuatru julgamentuKap 5.17 meduñu, ku sedu spada, fomi, limarias brabu ku duensa, pa kaba ku omis ku limarias!

22Ma utru jinti na prasa naKap 6.8 kapli, e na lebadu fora, ku se fijus macu ku femia. E na bin pa bos; bo na jubi manera ke na yanda, ku kusas ke na fasi; bo na fika konvensidu aserka di ki mal ku N manda pa Jerusalen, ku tudu ku N fasi la.

23Bo na fika konvensidu ora ku bo oja kumaJer 22.8-9 ke na yanda mal, ku kusas ke na fasi; bo na sibi kuma N ten roson pa tudu ku N fasi la. Asin ku SIÑOR Deus fala.”