2 Reis 25 - Portuguese Creole Bible, Guinea-Bissau

1Na nonu anu di renansa di Zedekias, na dia 10 di desimu mis, Nabukodonosor, rei di Babilonia, bin kontra JerusalenJer 39.1-2; Ez 24.1-2 ku tudu si tropas, i kampa fora di prasa; e lantanda rampas di kambaEz 4.1-8 na roda.

2Prasa fika tajadu te na anu 11 di renansa di Zedekias.

3Na dia 9 di kuartu mis, oca ku fomiJer 37.21; 38.2,9; Ez 4.9-17; 5.10,12; 7.15; 14.21 toma konta di prasa, kumida ka tenba pa pobu,

4prasa rombadu. Omis di gera kuri tudu, di noti, e pasa na porton2 Kron 32.5; Ez 12.12; 33.21 na metadi di dus mura, lungu di jardin di rei. Tropas di Babilonia staba tudu na roda di prasa, ma e pasa na kamiñu di kobon di Jordon.

5Tropas di Babilonia serka rei, e pañalIs 30.16; Jer 24.8; 39.5-6 na kau rasu lungu di Jerikó. Si tropas pajiga tudu.

6E toma rei, e lebal pa rei di Babilonia na Ribla;Kap 23.33 si kasu julgadu.

7E mata si fijus si dianti; dipus e rinka ujus di Zedekias, e maral ku korenti di bronzi, e lebalJer 21.7; 32.4-5; 34.3,21; 38.23; 39.5-6; Ez 12.13; 17.16-21; 21.25-26 pa Babilonia.

Templu danadu(Jer 52.12-30)

8Na dia 7 di kintu mis di anu 19 di renansa di Nabukodonosor, rei di Babilonia, Nebuzaradan,Jer 39.9-14; 40.1-4 kapiton di guarda, ku sedu tambi ŝef di rei di Babilonia, i bin pa Jerusalen,

9i kema1 Re 9.7-8; 2 Kron 36.19; Sal 74.7; Is 64.10-11; Jer 7.14; 26.9; 34.22; 37.8-10; 39.8; Am 2.5 kasa di SIÑOR, kasa di rei, ku tudu kasas di Jerusalen. Kasas importanti kemadu tudu.

10El ku tudu tropas di Babilonia e bati murasNe 1.3 ku rodiaba Jerusalen.

11Nebuzaradan leba prezu ki jinti ku sobraba na prasa, ku kilis ku baiba pa ladu di rei di Babilonia pa rindi, ku tudu restu di jinti,

12ma i disa utrus di jinti mas koitadi pa e tarbaja na ortas di uva ku lugaris di labur.

13Tropas di Babilonia kebra ki kulunas di kobri ku staba na kasa1 Re 7.15-51; Jer 27.19-22 di SIÑOR, suma tambi ki stantis ku bañera di kobri; e leba se bronzi pa Babilonia.

14E leba tambi kalerons, pás,Sai 27.3; 37.23; 38.3; Num 4.12; 2 Kron 24.14; Esd 1.9-11; Dan 5.2-3 apagaduris, tiẑelas ku tudu vasus di kobri ku ta usaduba na sirvis di templu.

15Kapiton di guarda toma tambi ki braserus ku basias, tudu ku kumpudu di uru o di prata.

16Kobri di ki dus kuluna ku bañera ku stantis ku Salomon kumpuba pa kasa di SIÑOR, i ciu ba dimas pa pesa.

17Kada kuluna teneba 8,2 metru di altura. Kapitel di kobri riba di kada un teneba 1,4 metru di altura. Redi ku romans ku rodiaba kapitel e seduba tudu di kobri. Ki dus kuluna ku se redi e parsiba.

18Kapiton di guarda toma prezu tambi Seraias,1 Kron 6.14; Esd 7.1; Ne 11.11; Jer 52.24 ŝef di saserdotis, ku SofoniasJer 21.1; 29.25,29; 37.3 si sugundu, ku tris porteru.

19Di prasa i leba un funsionariu ku nkargaduba di jinti di gera, ku sinku omi ku staba inda la ku ta daba rei konsiju, suma tambi ŝef ku ta mobilisa jinti pa tropa, i skirbi se nomis, ku mas sesenta omi importanti.

20Nebuzaradan, kapiton di guarda, i toma ki jinti, i leba elis pa rei di Babilonia na Ribla,

21na tera di Amat. Rei manda pa e sutadu, e matadu la.

Asin pobu di Judá lebadu prezu fora di se tera.

Jedalias, gubernadur di Judá(Jer 40.7-9; 41.1-3)

22Nabukodonosor, rei di Babilonia, pui Jedalias, fiju di Aikan,Kap 22.12; 2 Kron 34.20 fiju di Safan, pa i sedu gubernadur riba di ki jinti ku fikaba na tera di Judá.

23Oca ku kapitons di tropas ku se omis obi kuma rei di Babilonia pui Jedalias pa i sedu gubernadur, e bai nunde el na Mizpá; ki ŝefis seduba Ismael, fiju di Netanias, Joanan, fiju di Kareá, Seraias, fiju di Tanumet di Netofá, ku Jazanias di Maaka.

24Jedalias jurmenta, i fala elis ku se omis: “Ka bo ten medu di ŝefis di Babilonia. Bo fika na tera, bo sirbi rei di Babilonia; asin tudu na kuri bos diritu.”

25Na setimu misZak 7.5; 8.19 Ismael, fiju di Netanias, fiju di Elisama, di familia di rei, i bin ku mas des omi, e ataka Jedalias, e matal, tudu ku judeus ku jinti di Babilonia ku staba ku el na Mizpá.

26Tudu pobu lanta, koitadis ku garandis, ku kapitons di tropa, e baiJer 41.16-18; 42.14-22; 43.4-7 pa Ejitu, pabia e tenba medu di jinti di Babilonia.

Joakin largadu(Jer 52.31-34)

27Oca ku Joakin,Kap 24.8,12 rei di Judá, na fasiba kuas trinta i seti anu prezu, Evil-Merodak kumsa rena na Babilonia. Na dia 27 di mis di 12, rei tira Joakin di kalabus,

28i papia diritu ku el, i dal lugar mas altu di ki utru reis ku staba ku el na Babilonia.

29Asin Joakin disa di bisti ropa di kalabus; pa restu di si vida i ta kumeba na mesa di rei.

30Kada dia i ta risibiba si sustentu na mon di rei pa tudu si vida.