Mateus 25 - Portuguese Creole Bible, Guinea-Bissau

Komparason di des bajuda

1“Renu di seu i na sedu asin: I tenba des bajuda ku toma se kanderus, e sai pa bai da noivuKap 9.15; Apok 19.7; 21.2,9 kontrada.

2Sinku delis e tulu, utru sinku e jiru.

3Ki tulus pega na se kanderus, ma e ka leba mas azeiti.

4Ki jirus leba azeiti na garafas juntu ku se kanderus.

5Suma ku noivu tarda pa ciga, e jungu1 Tes 5.6; 2 Ped 3.4,8-10 tudu tok e durmi.

6Me-noti e obi gritu: ‘Ali noivu na bin; bo bai dal kontrada.’

7Ki ora ki bajudas tudu lanta, e na purparaLuk 12.35 se kanderus.

8Ki tulus fala ki jirus: ‘Bo patinu un bokadu di bo azeiti, pabia no kanderus misti paga.’

9Jirus ruspundi e fala elis: ‘Nau, talves i ka na ciganu tudu. I minjor bo bai pa kilis ku ta bindil, bo kumpra pa bos.’

10Oca ke bai pa kumpral, noivu ciga. Kilis ku staba purparadu e yentra ku el pa festa; portaLuk 13.25 ficadu.

11Dipus, ki utru bajudas ciga tambi, e fala: ‘Siñor, Siñor, yabrinuKap 7.21-23 porta.’

12I ruspundi elis: ‘Na bardadi, N na konta bos, N ka kunsi bos.’

13Asin bo toma sintidu, pabia bo ka sibiKap 24.42; Luk 12.40; Rom 13.11; 1 Kor 16.13; 1 Tes 5.6; Apok 16.15 nin dia nin ora.

Komparason di sakus di uru(Luk 19.11-27)

14“Asin tambi, renu di seu i suma un omi ku na bai bias pa fora di si tera. I coma si tarbajaduris, i nkargaKap 24.45-46; Mar 13.34; Rom 12.6; 1 Kor 12.7-11,29-30; Ef 4.11; 2 Tim 1.6 elis di si rikesa.

15I ntrega un sinku saku di uru, utru, i ntregal dus saku, utru, i ntregal un saku di uru, konformi jitu di kada kin. Oca ki kaba, i bai pa tera lunju.

16Kil ku risibi sinku saku di uru i kumsa na fasi nogos, i ngaña mas sinku saku.

17Asin tambi suma kil ku risibi dus, i ngaña utru dus saku,

18ma kil ku risibi un saku i bai koba koba, i sukundi uru di si patron.

19I pasa manga di tempu, patron di ki tarbajaduris ciga, i kumsa fasi konta ku elis.

20Kil ku risibi sinku saku di uru i ciga, i pursenta mas utru sinku saku, i falal: ‘Siñor, bu ntregan sinku saku di uru; ali mas sinku ku N ngaña.’

21Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargaduKap 24.47 di tarbaju mas importanti. Bin toma parti na kontentamentu di bu patron.’

22I bin tambi kil ku risibi dus saku, i falal: ‘Siñor, bu ntregan dus saku di uru; ali mas utru dus ku N ngaña ku elis.’

23Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

24“I bin tambi kil ku risibi un saku, i falal: ‘Siñor, N sibiba kuma abo i omi risu, bu ta kebra nunde ku bu ka sumia, bu ta kuji nunde ku bu ka waga.

25E ku manda N medi, N sukundi bu saku di uru na con. Ali kil ki di bo.’

26Si patron ruspundil: ‘TarbajadurRom 12.11 mau, prigisosu! Bu sibiba kuma N ta kebra nunde ku N ka sumia, N ta kuji nunde ku N ka waga!

27Suma ku bu sibi, bu dibi di puiba ña diñeru na banku; ora ku N ciga, N ta risibilba ku jurus.’

28Patron rabida pa utrus, i fala: ‘Bo tomal ki saku di uru, bo da kil ku tene des saku.

29Tudu kil ku tene, i taKap 13.12; Luk 8.18; Jon 15.2 buridu, pa i tene ciu, ma kil ku ka tene, te kil ki tene i na tiradu el.

30Bo ferca e tarbajadur ku ka bali la foraKap 8.12; 24.51 na sukuru. La jinti na cora, e na ñeme dinti.’

Kabra ku karnel

31“Ora ku Fiju di omi binKap 16.27 na si gloria, ku tudu anjus, i na sinta na tronu di si gloria.

32Tudu nasons na juntadu si dianti; i na rapatiKap 13.49; Ez 34.17; Rom 14.10; 2 Kor 5.10; Apok 20.12-15 elis na dus grupu suma ku bakiadur ta rapati karnel ku kabra.

33I na pui karnel na si direita; kabras, i na pui elis na skerda.

34Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansaRom 8.17; 1 Ped 1.4; Apok 21.7 na renu ku purparaduKap 20.23; 1 Kor 2.9; Eb 11.16 pa bos disna ku mundu kumpudu.

35N teneba fomi, bo danIs 58.7; Ez 18.7; Eb 13.16 di kume; N teneba sedi, bo dan di bibi; N seduba ospri, bo gasijan;

36N staba nun, bo dan2 Tim 1.16-18; Eb 13.3; Tia 1.27; 2.15-16 di bisti; N duensi, bo visitan; N staba na kalabus, bo bai jubin.’

37“Jinti justu na ruspundil, e puntal: ‘Siñor, kal tempu ku no ojau ku fomi, no dau di kume? o ku sedi, no dau di bibi?

38Kal tempu ku no ojau suma ospri, no gasijau? o nun, no dau di bisti?

39Kal tempu ku no ojau duenti, o na kalabus, no bai jubiu?’

40Rei na ruspundi elis: ‘Na bardadi, N na konta bos, kada bias ku bo fasilba pa un de ña ermons mas pikininu, i ami propiKap 10.40-42; Dit 19.17; At 9.4; Ef 5.30; Eb 6.10 ku bo fasil.’

41“Dipus i na fala tambi kilis ku sta na si skerda: ‘Bo lunjusiKap 7.23; Sal 6.8; 2 Ped 2.4; Jud 6; Apok 20.11-15 di mi, maldisuadus, pa fugu ku ka ta paga, ku purparadu pa diabu ku si anjus,

42pabia N teneba fomi, bo ka dan di kume; N teneba sedi, bo ka dan di bibi;

43N seduba ospri, bo ka gasijan; N staba nun, bo ka dan di bisti; N staba duenti, tambi na kalabus, bo ka bai visitan.’

44“Elis tambi e ta puntal: ‘Siñor, kal tempu ku no ojau ku fomi, o ku sedi, o ospri, o nun, o duenti, o na kalabus, no ka bai judau?’

45I na ruspundi elis: ‘Na bardadi N na konta bos, kada bias ku bo ka trataDit 14.21; 17.5; At 9.5 un de pikininus, i ami ku bo ka trata.’

46“Esis na si skerda e na bai pa kastiguDan 12.2; Jon 5.29; Rom 2.7-10 ku ka ta kaba, ma jinti justu na bai pa vida ku ka ta kaba.”