Neemias 8 - Portuguese Creole Bible, Guinea-Bissau

Esdras lei palabra di Deus pa pobu

1Oca ku setimu mis ciga, fijus di Israel moraba ja na se prasas; tudu jinti junta, suma un alginEsd 3.1 son, na prasa, dianti di porton di yagu. E fala Esdras, pursorEsd 7.6,11 di lei, pa i tisi libru di lei di Moisés, ki lei ku SIÑOR daba Israel.

2Asin, na purmeru dia di setimuLei 31.9-13 mis, ki saserdoti Esdras tisi libru di lei dianti di juntamentu, ku seduba di omis ku minjeris, ku tudu mininus ku pudi ntindi ke ku na leidu.

3I lei na ki libru na prasa, dianti di porton di yagu, disna di mandrugada te me-dia, dianti di omis ku minjeris ku kilis ku pudi ntindi. Tudu jinti na sukutaba ku atenson leitura di libru di lei.

4Ki pursor di lei, Esdras, sikiduba riba di pulpitu di madera ku kumpuduba son pa ki tarbaju. Na si mon direita i staba Matitias, Sema, Anaias, Urias, Ilkias ku Maaseias; na si mon skerda i staba Pedaias, Misael, Malkias, Asun, Asbadana, Zakarias ku Mesulan.

5Esdras yabri libru dianti di uju di tudu jinti, manera ki firma na un kau mas altu di ki elis. Oca ki yabril, tudu jinti lantaŜef 3.20; 1 Re 8.14 e firma.

6Esdras ngaba SIÑOR, ki garandi Deus. Tudu jinti yalsa mon, e ruspundi: “Amen! Amen!” E mpina ku rostu na con, e adora SIÑOR.

7Dipus de lanta e firma na se lugar, utru levitas e na splikaba elis lei, ku sedu: Jesua, Bani, Serebias, Jamin, Akub, Sabetai, Odias, Maaseias, Kelita, Azarias, Jozabad, Anan ku Pelaias.

8E na lei na libru di lei di Deus, e na colona, e na splika sintidu, pa jinti pudi ntindi ke ku na leidu.

9Oca ku jinti obi palabras di lei, e kumsa na2 Re 22.19 cora. Neemias, ku sedu gubernadur, ku Esdras ku seduba saserdoti ku pursor di lei, ku levitas ku na nsinaba jinti, e fala tudu pobu: “E dia i dia sagraduSir 23.24 pa SIÑOR bo Deus; ka bo miskiña nin ka bo cora.

10Bo bai kume bon kumida, bo bibi kusa meladu; bo manda kiñon pa kilis ku ka purparaLei 26.11-13; Est 9.19,22; Apok 11.10 nada, pabia e dia i dia sagradu pa no SIÑOR. Ka bo fika tristi, pabia alegriaSal 149.2; Is 61.10; Joe 2.23; Fil 4.4 di SIÑOR i bo forsa.”

11Asin levitas kalma tudu jinti, e fala elis: “Bo kala, pabia aos i dia sagradu; bo ka dibi di fika tristi.”

12Asin tudu jinti bai kume, e bibi, e manda kiñons, e fasi festa ku garandi kontentamentu, pabia e ntindi ki palabrasSal 119.103,130; Jer 15.16 ke kontadu.

Festival di barakas

13Na sugundu dia, ŝefis di tudu familias, tudu ku saserdotis ku levitas, e junta e bai nunde Esdras, ki pursor di lei, pa pui sintidu na palabras di lei.

14E ojal skritu na lei ku SIÑOR mandaba pa Moisés kuma fijus di Israel dibi di mora na barakasSir 23.34-43; Os 12.9 duranti festival di setimu mis.

15Asin e manda konta ki palabra, e pui pa i anunsiadu na tudu se prasas ku Jerusalen, e fala: “Bo sai pa montis, bo tisi ramus di olivera, olivera brabu, murteras, palmeras ku utru arvuris ku tene manga di foja, pa kumpu barakas, suma ki sta skritu.”

16Jinti sai, e tisi ramus, e kumpu barakas, kada kin riba di si kasa, o na si kintal, o kintal di kasa di Deus, o na prasa lungu di porton di yagu, o lungu di porton di Efrain.

17Tudu jinti ku riba di katiberasku e kumpu barakas, e mora nelis. I un kusa ku fijus di Israel ka fasiba disna di dias di Josué, fiju di Nun, te na ki dia. E fika kontenti dimas.

18Kada dia Esdras fika i na lei na libru di leiLei 31.10-13 di Deus, disna di purmeru dia te na ultimu. E guarda ki festival pa seti dia; na oitavu diaNum 29.35 e junta pa sirmonia di kabantada.