1SIÑOR bin papia ku mi, i falan:
2“Fiju di omi, mostra Jerusalen ki kusasKap 20.4; 22.2; 23.36; Is 58.1; Mik 3.8 nujenti ki fasi,
3bu kontal kuma asin ku SIÑOR Deus na fala Jerusalen: ‘Kanaan i tera di bu papes di antigu; la ku bu padidu. Bu pape seduba amoreu, bu mame eteu.
4Na dia ku buOs 2.3 padidu, bu ka kortadu biku, bu ka labadu ku yagu pa limpau, bu ka fergadu ku sal, nin bu ka kubridu ku panu.
5Ningin ka sinti amor nin pena di bo pa fasiu un kusa des, ma bu botadu la na matu pabia bu njutidu na dia ku bu padidu.
6“‘Oca ku N pasa lungu di bo, N ojau bu na bulbuli kurpu, ditadu na bu sangi. N papia ku bo, oca bu dita na bu sangi, N falau: “Ten vida!”
7N pui pa bu kirsi suma planta na orta; asin ku bu kirsi tok bu garandi, bu bonitu dimas. Bu forma pitu, bu kabelu kirsi, ma inda bu ka teneba ropa pa kubri ku el.
8“‘N torna pasa lungu di bo, N ojau, N nota kuma bu staba ja maduru pa amor. N distindi ponta di ña mantaRut 3.9 riba di bo, N kubriu kurpu. N jurmenta pa bo, N fasi kontratuSai 19.5-6; Jer 2.2 ku bo; bu pasa sedu di mi. Asin ku SIÑOR Deus fala.
9“‘N labau ku yagu, N limpau ki sangi, N untau ku azeiti.
10N bistiu ropa bordadu, N kalsau sandalia di kuru, N marau panu di liñu finu, N kubriu ku manta di seda.
11N fajau ku kusas di balur, N pui pulseras na mon, ku fiu na garganti.
12N pui anel na bu naris, brinkus na orejas, ku un koroa bonitu na kabesa.
13Asin bu fajadu ku uru ku prata; bu bistiba ropa di liñu finu, ku seda, bordadu; bu kumida seduba di foriña finu, kuLei 32.13 mel, ku azeiti di olivera. Bu seduba bonitu dimas; bu bai dianti tok bu bin sedu raiña.
14Bu fama laga pa tudu nasons pabia di bu bonitasku. Bu sedubaMis 2.15 pirfitu, pabia di ña gloria ku N pui riba di bo. Asin ku SIÑOR Deus fala.
15“‘Bu fia na bu bonitasku, bu usa bu fama pa sedu minjer di mau vida. Bu ta da bu kurpuKap 23.3,8,11-12; Is 1.21; Os 1.2 pa kualker algin ku pasa, pa i fasil di sil.
16Bu toma utru di bu ropa, bu ranja kaus altu ku fajadu ku manga di kor. La ku bu ta da bu kurpu pa tudu jinti. E tipu di kusa ka dibi di sedu.
17Bu toma tambi bu joiasKap 7.20 di nfaju ku N dau, kumpudu ku ña uru ku prata, bu fasi imaẑens di omis, bu fasi pekadu seksual ku elis.
18Bu kubri elis ku bu bistidus bordadu; bu pursenta ña azeiti ku nsensu se dianti.
19Ki kumida ku N dau pa bu kume, ku sedu pon kumpudu ku foriña finu, azeitiOs 2.8 di olivera ku mel, bu pursental se dianti suma oferta ku ta cera sabi. Asin ku bu fasi; i SIÑOR Deus ku fala.
20“‘Fora des, bu toma bu fijusSir 18.21 macu ku femia ku bu padi ku mi, bu sakrifika elis pa ki imaẑens, pa e sedu se kumida. Nta bu pekadu seksual i ka justaba?
21Bu tenba ku bai dianti, bu mata ña fijus, pa ntrega elis suma sakrifisiu pa ki imaẑens!
22Na tudu bu pekadu nujenti ku bu vida susu, nunka bu ka lembra di bu tempu ocau pikininu, oca ku bu staba nun, sin nada; bu na bulbuli kurpu, ditadu na bu sangi.
23“‘SIÑOR Deus fala: Ai! Ai di bo! Riba di tudu ki maldadi ku bu fasi,
24bu kumpu un kasa di mau vida; bu kumpu tambi kaus altuJer 2.20; 3.2 di adorason na kada rua.
25Na kada kantu di kamiñu bu kumpu bu kau altu, bu kontamina bu bonitasku. Bu pursenta bu kurpu pa kada kin ku na pasa; bu buri bu pekadu di mau vida kada bias mas.
26Tambi bu fasi pekadu seksual ku fijus diKap 20.7-8; 23.19-21 Ejitu, bu visiñus ku ta ten diseẑu forti pa buska minjer. Bu buri bu vida susu pa lantanda ña raiba.
27Pabia di kila N distindi ña mon kontra bo, N rapati bu kumida. N ntregau na mon di bu inimigus, ku sedu minjeris diKap 16.57 filisteus, ku ta sinti borgoña pa bu mau manera di yanda.
28Suma bu ka fartaba, bu fasi pekadu seksual ku fijus diKap 23.12; 2 Re 16.7; Jer 2.18,36; Os 5.13; 8.9 Asiria, ma mesmu asin bu ka farta.
29Bu buri bu pekadu seksual te naKap 23.14 Babilonia, ki tera di nogosiantis, ma mesmu asin, bu ka farta.
30“‘SIÑOR Deus fala: Bu pensamentu fraku dimas! Bu fasi tudu e kusas suma minjer di mau vida ku ka ta burguñu.
31Oca ku bu kumpu bu kasa di mau vida na kantu di kada kamiñu, ku kaus altu na kada rua, bu ka seduba suma utru minjeris di mau vida, pabia bu njuti pagamentu.
32“‘Bu sedu minjer kasadu ku ta kai cai. Bu nega ama bu maridu, bu ta risibi utru omis.
33Tudu minjer di mau vida i ta pagadu, ma abo bu ta da pursentis pa tudu bu amantis. Bu ta da elis suku di bas pa e bin pa bo di tudu ladu pa dita ku bo.
34Abo bu ka parsi ku utru minjeris di mau vida. Ningin ka ta kuri bu tras pa buskau, ma abo bu ta paga, bu ka ta dadu nada. Asin bu ta fasi kontrariu.
Deus kondena Jerusalen35“‘Asin, minjer di mau vida, obi palabra di SIÑOR!
36Asin ku SIÑOR Deus fala: Bu bota bu diñeru, bu diskubri bu kurpu na vida susu pa bu amantis, suma tambi pa tudu bu idulus nujenti ku bu da sangi di bu fijus.
37E ku manda N na junta tudu bu amantisKap 23.9-10,22,28-29; Jer 13.26; Naun 3.5 ku bu gozaba ku elis, kilis ku bu ama ku kilis ku bu aburisi. N na junta elis di tudu ladu kontra bo, N na dispiu se dianti pa e pudi oja bu kurpu nun.
38N na julgau suma ku minjerisKap 23.45; Sir 20.10 ku ta kai cai ta julgadu, ku kilis ku ta darmaKap 36.18; Kum 9.6 sangi. Na ña raiba ku siumi N na ntregau pa bu matadu.
39N na ntregau na mon di bu amantis; e na bati bu kasas di mau vida, e na dana bu kaus altu, e na dispiu bu ropa, e na toma bu joias di fajamentu, e na disau nun, sin nada.
40E na pui grupiñu di jinti pa e bin kontra bo; e na sutau ku pedras, e na korta-kortau ku se spadas.
41E na kemaJer 39.8; 52.13 bu kasa ku fugu, e na julgau ku kastigus na uju di manga di minjer. N na pou pa bu para sedu minjer di mau vida. Bu ka na torna paga mas amantis.
42Dipus N na frianta ña raibaKap 5.13 kontra bo; ña siumi na disvia di bo. N na kalma; N ka na raiba mas.
43“‘Suma bu ka lembra di bu tempu ocau pikininu, ma bu lantanda ña raiba ku tudu e kusas, e ku manda ami tambi N na pui ki kusas ku bu fasi pa e kaiKap 11.21 riba di bu kabesa. Asin ku SIÑOR Deus fala. Kuma ku bu buri pekadu seksual riba di tudu ki utru kusas nujenti ku bu fasi?
44Tudu jinti ku gosta di usa ditu, e na usa e ditu aserka di bo: “Suma ku mame sta, asin ku fiju femia sta.”
45Na bardadi abo i fiju femia di bu mame, ku njuti si maridu ku si fijus. Bu sedu tambi irma di bu irmas ku njutiba se maridus ku se fijus. Bu mame seduba eteu; bu pape seduba amoreu.
46Bu irma mas beju i Samaria, ku sta na norti di bo ku si fijus femia. Bu irma mas pikininu i Sodoma, ku sta na sul di bo ku si fijus femia.
47I ka son kuma bu yanda na se kamiñu, bu kopia se kustumus nujenti, ma, suma es i ka nada, bu fasi mas piorKap 5.6-7 di ki elis, na tudu kusas ku bu fasi.
48SIÑOR Deus jurmenta pa si vida, i fala kuma bu irma Sodoma, ku si fijus femia, i ka fasi suma ku bu fasi, abo ku bu fijus femia.
49“‘Es i seduba pekadu di bu irma Sodoma ku si fijus femia: E sinti orgulyu pabia e teneba tudu ki pirsis pa kume, ku un vida ketu sin tarbaju, ma nunka e ka juda koitadis ku kin ku pirsisa di ajuda.
50E bida inda mas orgulyosu, e fasi kusas nujentiKum 19.5,24-25 ña dianti. E ku manda N kaba ku elis, suma ku bu oja.
51Tambi Samaria ka fasi metadi di bu pekadus, pabia bu buri bu kustumus nujenti mas di ki elis. Tudu ki kusas nujenti ku bu ta fasi, i ta pui bu irmas parsi justu.
52Bu ten ku sufri ki borgoña ku bu pensa kuma bu irmas mersi. Manera ku bu pekadu i mas nujenti di ki di selis, e parsi mas justu di ki bo. Asin, sufri bu borgoña, bu baŝa, pabia bu pui bu irmas pa e parsiJer 3.11 justu.
53“‘Ami N na torna Sodoma ku si fijus se sorti, tambi Samaria ku si fijus. N na tornau bu sorti tambi juntu ku elis.
54Bu na sufri bu borgoña pa tudu ku bu fasi. Bu borgoña na pui elis pa e sinti sortiadu.
55Ora ku bu irmas Sodoma ku Samaria ku se fijus femia torna sedu suma ke staba purmeru, abo tambi ku bu fijus bu na torna suma ku bu staba.
56Nin bu ka ta comaba nomi di bu irma Sodoma na tempu di bu orgulyu,
57antis di bu maldadi diskubridu. Gosi bu torna suma el. Minjeris di Siria ku tudu teras na si roda e ta fasiu trosa, tudu ku minjeris di filisteus ku ta njutiu.
58Bu na leba kastigu di bu pekadu seksual ku bu kustumus nujenti. Asin ku SIÑOR fala.
59“‘Asin ku SIÑOR Deus fala: N na fasiu konformi bu mersi. Bu njuti ña juramentu, bu kebra ña kontratu.
60Ma N na lembra di kontratu ku N fasi ku bo ocau pikininu; N na fasi utru kontratuJer 32.40 ku bo ku ka ta kaba.
61Bu na lembra di manera ku bu ta yandaba tok bu sinti borgoña, ora ku bu risibi bu irmas mas beju ku kilis mas nobu, pabia N na dau elis suma fijus femia, mesmu ki ka sedu parti di ña kontratu ku bo.
62Asin N na arnoba ña kontratu ku bo; bu na sibi kuma ami i SIÑOR.
63N na purdau tudu kusas mau ku bu fasi, ma bu na lembra delis, bu na sinti borgoña tok bu ka na yabri boka mas. Asin ku SIÑOR Deus fala.’ ”
Who We AreWhat We EelieveWhat We Do
2025 by iamachristian.org,Inc All rights reserved.
