Salmus 32 - Portuguese Creole Bible, Guinea-Bissau

Maskil di Davi.

1Sortiadu i kil ku purdaduRom 4.6-8 mal ki fasi,

ku si pekadu i kubridu.

2Sortiadu i ki omi ku SIÑOR ka oja2 Kor 5.19 kulpadu,

ku si spirituJon 1.47 ka ten nganu.

3Oca ku N kala ku ña pekadu,

ña osis fika e na gasta pabia di ña jimi di tudu dia.

4Pabia bu mon, SIÑOR, i na pesaba1 Sam 5.6 riba di mi

di dia ku di noti;

ña forsa fika i na seku suma na tempu di kalur.

Sela

5Asin, N konfesaDit 28.13; Luk 15.18-21; 1 Jon 1.9 ña pekadu;

N ka sukundi mal ku N fasi.

N fala kuma N na konfesa SIÑOR kusas mau ku N fasi;

bu purdan kulpa di ña pekadu.

Sela

6Suma ki sedu asin, tudu omi ku ta yanda ku bo

i na bin pa rogau na tempuIs 55.6 ku bu ta ojadu.

Ora ku manga di yaguMat 7.25 rebenta,

i ka na yangasa ki omi.

7Abo i ña kauKap 9.9; 27.5; 31.20; 64.2; 119.114 di sukundi;

bu ta guardan di foronta.

Bu ta tajan ku kantigas di kontentamentu

ku di libramentu.

Sela

8Deus fala: “N na nsinau,Kap 71.17 N mostrau kamiñu

ku bu dibi di yanda nel;

N na giauKap 48.14; Is 48.17 ku ña uju.

9Ka bu sedu suma kabalu o mulu ku ka tenKap 49.20 ntindimentu,

ku ten ku kontroladu ku korda ku freiuTia 3.3 pa i pudi obdisiu.”

10Algin mau na pasa manga diDit 13.21; Rom 2.9 sufrimentu,

ma bondadi ta sta na roda di kil ku fiansaKap 34.8; 84.12; Dit 16.20; Jer 17.7 na SIÑOR.

11Abos ku sedu justu, bo fika alegri,

bo kontenti na SIÑOR;

abos tudu ku tene korson retu,

bo kanta ku kontentamentu!