Aẑeu 2 - Portuguese Creole Bible, Guinea-Bissau

Gloria di sugundu templu

1Na dia 21 di setimu mis, SIÑOR bin papia ku anunsiadur Aẑeu, i falal:

2“Papia ku Zorobabel, fiju di Sealtiel, gubernadur di Judá, ku Josué, fiju di Jeozadak, ŝef di saserdotis, ku restu di pobu, bu punta elis:

3‘Kin ku fika na bo metadi ku ojaEsd 3.12 e kasa na si purmeru gloria? Kuma ku bo na ojal gosi? I ka sedu suma un kusa di nada na bo uju, komparadu ku ki utru?

4Ami, SIÑOR, N fala: Zorobabel, bu ten ku seduZak 8.9 forti! Josué, fiju di Jeozadak, ŝef di saserdotis, bu ten ku sedu forti! Abos, tudu pobu di tera, bo ten ku sedu forti, bo tarbaja, pabia N sta ku bos. Ami, SIÑOR ku ten tudu puder, N fala.

5Asin ku N falaSai 29.45-46 na kontratu ku N fasi ku bos oca ku bo sai na Ejitu. Ña SpirituNe 9.20; Is 63.11 sta na bo metadi; ka bo medi.’

6“Asin ku SIÑOR ku ten tudu puder fala: ‘Dentru di puku tempu, mas un bias N na bulbuliJoe 3.16; Eb 12.26 seu ku tera ku mar ku con seku.

7N na bulbuli tudu nasons; ki alginKum 22.18; 49.10; Mal 3.1 ku tudu nasons misti i na bin. Ami, SIÑOR ku ten tudu puder, N na inciSai 40.34 e kasa ku gloria.

8Prata ku uru, tudu i di mi.’ Asin ku SIÑOR ku ten tudu puder fala.

9‘Gloria de kasa nobu na sedu mas garandi di ki gloria di ki purmeru. Ami, SIÑOR ku ten tudu puder, N fala kuma N na da pas ne kau.’ ”

10Na dia 24 di nonu mis, na sugundu anu di renansa di Dariu, SIÑOR bin papia ku anunsiadur Aẑeu, i falal:

11“Asin ku SIÑOR ku ten tudu puder fala: Punta saserdotis aserka di lei, bu fala:

12‘Si algin leba karni sagraduSai 29.37; Sir 6.27 na si kamisa, ki kamisa bin toka na kumida, o na gisadu, o na biñu, o na azeiti, o na kualker utru kumida, kila i ta torna sagradu?’ ” Dipus de puntadu, saserdotis ruspundi e fala: “Nau.”

13Aẑeu punta: “Si algin ku staba impuru pabia i toka na difuntu i bin toka na un de kusas, kila ta tornaNum 19.11 impuru?” Saserdotis e ruspundi e fala: “I ta fika impuru.”

14Aẑeu ruspundi: “SIÑOR fala: ‘Asin ku e pobu ku e nason sta ña dianti. TuduTitu 1.15 ke na fasi, ku tudu sakrifisiu ke na pursenta la, i impuru.

15“‘Gosi ja, bo jubi e kusa diritu, disna di aos pa dianti. Bo pensa na ki tempu antis di bo pui un pedra riba di utru na kasa di SIÑOR.

16Algin ta baiba pa un monti di vinti midida di miju, i ta oja son des; i ta bai pa kau di biñu pa tira sinkuenta litru, i ta oja son vinti.

17N kastigaKap 1.11; Jer 5.3; Am 4.6-11 bos na tudu tarbaju di bo mon, ku kemadura, ku ferús, ku cuba di jelu, ma na bo metadi i ka tenba kin ku na riba pa mi.’ Asin ku SIÑOR fala.

18‘Disna di aos pa dianti, ku sedu dia 24 di nonu mis, bo pensa na dia ku alisersuEsd 3.10; Zak 8.9 di kasa di SIÑOR kabantadu; N na roga bos pa bo pensa diritu ne kusas.

19Miju kaba ja na bemba; pe di uva ka da si fruta, nin pe di figu, nin pe di roman, nin olivera. Ma disna di aos N na bensua bos.’ ”

Purmesa pa Zorobabel

20SIÑOR bin papia ku Aẑeu sugundu bias na dia 24 di mis, i falal:

21“Papia ku Zorobabel, gubernadur di Judá, bu falal kuma N na bulbuliKap 2.6 seu ku tera;

22N na bati tronu di renus, N dana forsa di renus di nasons; N na kaba ku karusMik 5.10 ku kilis ku ta sinta nelis; kabalus ku kilis ku ta monta nelis e na kai, kada un pa spada di si ermon.

23“Ami, SIÑOR ku ten tudu puder, N fala kuma, na ki dia N na tomau, abo Zorobabel, fiju di Sealtiel, ña servu, N na fasiu suma anel di karimbu, pabia N kujiu pa bu guberna na ña nomi. Asin ku ami, SIÑOR ku ten tudu puder, N fala.”