Gálatas Introduson - Portuguese Creole Bible, Guinea-Bissau

IntrodusonGalásia seduba un pruvinsia di Asia Menor, suma ki pudi ojadu na mapa. No ka sibi sertu kal prasas ku staba dentru di si limitis. Paulu funda igreẑas la na si purmeru bias misionariu (At 13—14), i torna visita elis na si sugundu ku terseru bias (At 16.6; 18.23).Utru jinti, talves judeus, kumsaba na nsina kuma jintius ten ku sirkunsidadu, e guarda tudu lei di Moisés, pa e pudi tene salbason. Krentis di Galásia staba pruntu pa seta ki nsinamentu. Paulu skirbi e karta pa ribanta elis pa se purmeru fe. I Jesus Kristu propi ku nsina Paulu aserka di Bon Noba (1.11-12). Asin i diklara kuma salbason i son pa fe na Siñor Jesus. Jintius pudi sedu fijus di Abraon si e pertensi Kristu (3.29). Guarda lei ka ta salba ningin. Si Spiritu di Deus sta na nos, no dibi di mostra frutu di Spiritu (5.22-23).