Ezekiel 41 - Portuguese Creole Bible, Guinea-Bissau

1Dipus i leban pa templu, i midi firkijas, ku seduba 3 metru di un ladu ku 3 metru di utru ladu.

2Largura di entrada i seduba 5 metru. Paredis na ladus di entrada e teneba 2,5 metru di grosura na kada ladu. I midi kau sagradu tambi; i teneba 20 metru di kumprimentu ku 10 metru di largura.

3I yentra na kau mas pa dentru, i midi firkija di entrada, ku teneba 1 metru. Entrada teneba 3 metru di largura; grosura di paredi na kada ladu di entrada seduba 3,5 metru.

4Tambi i midi kuartu propi na fundu di templu; i teneba 10 metru na kada ladu. Ki omi falan: “Es i kau mas sagradu.”

5I midi paredi di templu; i teneba 3 metru di grosura. Kuartus di ladu na roda di templu teneba 2 metru di largura.

6Kuartus di ladu staba na tris andar, ku trinta kuartu na kada andar. Paredi di un andar seduba mas gros1 Re 6.5-6 di ki paredi di andar ku staba riba del. Asin andar di riba pudi sinta na un parti di paredi di andar ku staba bas del. I ka pirsis ba pa taguas mitidu dentru di paredi.

7Kuartus di ladu na aumentaba largura di un andar pa utru. I tenba1 Re 6.8 skada pa subi di andar mas bas pa riba.

8N oja un pavimentu lantandadu na roda di templu, di 3 metru di altura, ku seduba alisersu di kuartus di ladu.

9Grosura di paredi di fora di kuartus di ladu i seduba 2,5 metru. Spasu na metadi di kuartus di ladu ku sta lungu di templu

10ku kuartus di saserdotis teneba largura di 10 metru tudu na roda di templu.

11Di ki spasu jinti ta yentra pa kuartus di ladu; un entrada staba na ladu di norti; utru na ladu di sul. Ki pavimentu teneba 2.5 metru di largura na roda di templu.

12I tenba tambi un kasa dipus di ki utru ladu di spasu, pa kaida di sol, di 35 metru di largura, 45 metru di kumprimentu, ku paredis di 2,5 metru di grosura.

13I midi templu; i teneba kumprimentu di 50 metru. I midi tambi spasu na metadi di templu ku ki utru kasa te na si paredi di tras; i da 50 metru.

14Largura di dianti di templu pa saida di sol, tudu ku spasu, i da 50 metru.

15I midi tambi kumprimentu di ki kasa na utru ladu di spasu, pa kaida di sol, ku si kuridoris; i da 50 metru.

Kau sagradu ku kau mas sagradu ku sala di entrada

16e kubridu ku madera, di con te na janelas. Entrada, janelas dalgadu ku kuridoris na roda e kubridu tudu ku madera.

17Paredis di dentru di kau sagradu, te riba di portas, e kubridu ku gravuras

18di palmeras1 Re 6.29 ku kirubins — un kirubin, un palmera, tudu na roda. Kada kirubin teneba dus rostu:

19rostu di omi ku na jubiba pa palmera na un ladu, ku rostu di lion ku na jubi pa palmera na utru ladu. Asin ki fasidu tudu na roda di kasa.

20Di con te riba di porta i tenba ki kirubins ku palmeras gravadu na paredi di kau sagradu.

21Kuadru di porta di kau sagradu i seduba kuadradu, suma tambi na entrada di kau mas sagradu.

22I tenba un altarSai 30.1 di madera, 1,5 metru di altura, ku kumprimentu di 1 metru. Si pontas, si pe ku si paredis, e seduba di madera. Ki omi falan: “Es i mesaKap 44.16; Mal 1.7,12 ku na fika dianti di SIÑOR.”

23Kau sagradu ku kau mas sagradu teneba portas dobradu.

24Kada porta teneba dus dobradisa ku ta disa porta bai pa dus ladu, dentru ku fora.

25Portas di kau sagradu teneba kirubins ku palmeras gravadu nelis, suma paredis. I tenba un kubertura di madera riba di sala di entrada, pa fora.

26Na paredis di ladu di sala di entrada i tenba janelas dalgadu. Palmeras gravadu na dus ladu di sala. Kuartus di ladu di templu teneba palas.