1 Timótiu 1 - Portuguese Creole Bible, Guinea-Bissau

Kumsada ku manteña

1Ami Paulu, apostoluRom 1.1 di Jesus Kristu konformi mandadu di Deus no Salbadur, ku Kristu Jesus no speransa, N na skirbi paAt 16.1 Timótiu, ku sedu na bardadi ña fiju na fe.

2N misti pa Deus no Pape ku Kristu Jesus no Siñor dau fabur,Rom 1.7 miserikordia ku pas.

Avisu kontra nsinamentu falsu

3Oca ku N na baiba paAt 20.1 Masedonia, N rogau pa bu fika na Éfesu, pa manda sertu jinti pa e para ku nsinamentus falsu,

4nin pa ka e liga ku storiasKap 4.7; 6.20; 2 Tim 2.14,16,23; Titu 1.14 ku ki listas kumpridu di jinti antigu ku ka ta kaba, pabia i ta tisi son diskutison; i ka ta judanu kunsi planu di Deus ku ta bin di fe.

5N da e ordi pa disperta amorRom 13.8; 2 Tim 2.22 ku ta sai di un korson puru, di un bon konsiensia, di un fe ki ka di finjimentu.

6Utru jinti disvia de kusas, e bai miti na diskutison di tulesa.

7E misti sedu pursoris di lei, ma e ka ntindi nin palabras ke na papia, nin asuntu ke na afirma ku garandi fiansa.

8No sibi kuma lei iRom 7.12 bon, si no tratal suma ki dibi di sedu.

9No ten ku lembra kuma lei i ka fasidu pa kilis ku na yanda diritu, ma pa kilisGal 3.19; 5.23 ku ta kebra lei, ku ta nega obdisi ordi, kilis ku ka mporta ku Deus, ku ta peka, ku ka ten riliẑion, mundanus, ku ta mata papes ku mames, mataduris di jinti,

10kilis ku ta yanda na vida susu, kilis ku ta torkia atu seksual, furtaduris di jinti, munturusis, ku kilis ku ta lantanda falsu tustumuñu, pa tudu kil ki kontra2 Tim 4.3; Titu 1.9 bon nsinamentu

11ku sta na Bon Noba di Deus gloriosu ku mersi ngabadu, ki Bon Noba ki dan pa N konta.

Paulu gardisi Deus

12N gardisi kil ku dan forsa, ku sedu Kristu Jesus no Siñor. N falal obrigadu pa manera ki ojan1 Kor 7.25; Kol 1.25 fiel, i pun na si tarbaju,

13kontudu na tempu ku pasa N fala mal kontra el, N pirsigil, N nsultal, ma N yangasa miserikordia di Deus, pabia N ka tenba inda fe; N ka sibibaLuk 23.34; At 26.9 ke ku N na fasi.

14No Siñor darma si fabur ciu riba di mi, i dan ki fe ku amorLuk 7.47; Rom 5.20; 2 Tim 1.13 ku sedu di nos na Kristu Jesus.

15Es i palabra2 Tim 2.11; Titu 3.8; Apok 19.9; 21.5; 22.6 ku bo pudi fia nel, ku mersi pa setal ntidu, kuma Kristu JesusMat 1.21; Luk 19.10; 1 Jon 3.5 bin mundu pa salba kilis ku peka. Ami N sedu piorEf 3.8 delis,

16ma, pabia di kila, N yangasa miserikordia, pa Kristu Jesus pudi mostra tudu si pasensa pa mi, pior di tudu pekadur, pa N pudi sedu isemplu di kilis ku na bin setalAt 13.39 pa risibi vida ku ka ta kaba.

17Asin no da onra ku gloria pa tudu sempri pa ReiKap 6.16; Dan 7.14; Jon 1.18; Rom 1.23 iternu, uniku Deus, ku ka na muri, ku ka ta ojadu. Amen.

18Ña fiju Timótiu, N pui e kargu riba di bo, konformi palabras di rekadu di DeusKap 4.14 ku daduba aserka di bo. Usa ki palabras suma arma pa fasi bon gera.

19Guarda bu fe, ku bonKap 3.9 konsiensia. Utru jinti nega sukuta ke ku se konsiensia na fala elis, e dana se fe.

20Entri elis i sedu Imeneu2 Tim 2.17; 4.14 ku Alŝandri, kilis ku N ntregaMat 18.17; 1 Kor 5.3-5 Satanas, pa e pudi nsina ka ba ta papia mal di Deus.