Salmus 21 - Portuguese Creole Bible, Guinea-Bissau

Salmu di Davi pa ŝef di musika.

1O SIÑOR, rei ta kontenti ku bu forsa,

i ta ten garandi kontentamentu ku vitoria ku bu ta da.

2Bu dal ke ku si korson misti;

bu ka negal kusas ki pidi ku si boka.

Sela

3Bu dal bensons di rikesa,

bu pui koroa2 Sam 12.30 di uru finu na si kabesa.

4I pidiKap 61.6 vida; bu dal el,

te bu dal vida kumpridu ku na tarda pa sempri.

5Si gloria i garandi pabia di vitoria ku bu dal;

bu dal rispitu ku puderKap 18.50 di rei.

6Bu dal benson ku ka na kaba;

bu rostu ta incil ku kontentamentu.

7Rei fiansa na SIÑOR;

i na fika suguru pabia di amor

di kil ku sta riba di tudu.

8Bu mon na yangasa tudu bu inimigus;

bu mon direita na paña kilis ku ka gosta di bo.

9Ora ku bu parsi, bu na bidanta elis

suma furnu di fugu.

SIÑOR, na si raiba, i na nguli elis;

fugu na kaba ku elis.

10Bu na kaba ku se jorson na tera,

pa e pirdi na metadi di jinti.

11E pensa fasi mal kontra bo,

e ranja planus di tarpasa, ma e ka na ngaña.

12Bu na pui elis vira kosta,

pabia bu ponta elis ku fleŝa.

13SIÑOR, toma bu lugarApok 11.17 altu, na bu forsa;

asin no na kanta pa ngaba bu puder.