Salmus 104 - Portuguese Creole Bible, Guinea-Bissau

1O ñaKap 103.1 alma, fala ben di SIÑOR.

SIÑOR ña Deus, abo i garandi dimas.

Bu bisti gloria ku garandesa di renansa.

2Bu kubri ku lus1 Jon 1.5 suma panu;

bu distindi seuIs 40.22 suma kurtina.

3Bu ta pui vigas di bu morada na yagu la riba.

Bu ta tene nuvens suma bu karu,

bu yanda montadu riba di asasKap 18.10 di bentu.

4Bu ta fasi bentusEb 1.7 pa e sedu bu anjus;

bu ta tene linguas di fugu suma bu servus.

5Bu pui alisersusKap 93.1 di tera;

nunka i ka na balansa.

6Bu kubril ku mar suma panu;

yagu kubriKum 7.19 montañas.

7Bu da ordi; yagu kuri;

i rinka kuri oca ki obi vos di bu turbada,

8i subi na montañas, i ria na kobons,

te na kau ku bu ranja pa el.

9Bu pui limitiKum 9.11-15; Is 54.9; Jer 5.22 pa ka i pasa;

i ka na torna kubri tera.

10Bu pui fontisLei 8.7; Is 35.7; 41.18 pa e rebenta na kobons,

pa yagu kuri na metadi di montis.

11Tudu limarias di matu ta bai bibi la;

burus di monti e ta mata se sedi.

12Kacus ta kumpu se niñu na arvuris lungu di yagu,

e ta kanta na metadi di ramus.

13Di bu morada la riba, bu ta regua montañas;

tera ta farta ku frutu di bu tarbaju.

14Bu ta pui paja pa i kirsi pa limariasKap 145.15-16; 147.8-9; Kum 1.29-30 kume,

ku utru plantas ku omi tarbaja,

pa i pudi tira prudutu di con:

15biñu ku ta kontenta korson di omi,

azeiti ku ta pui si rostu lampra,

ku kumida ku ta dal forsa.

16Arvuris di SIÑOR sta ben reguadu,

ki sedrusNum 24.6 di Líbanu ki paranta,

17nunde ku kacus ta pui se niñu.

Segoña ta pui di sil na faias.

18Montañas altu i di kabra-matu;

pedras garandi ta da suguransa pa ratus di matu.

19Bu kumpu luaKap 136.7-9; Kum 1.14 pa marka tempus di anu;

sol kunsi ora ki dibi di kai.

20Konformi bu ordi, sol taKum 1.4-5; Is 45.7 noti;

kau ta sukuru; tudu limarias di matu ta sai.

21Lions forti ta somna nkuantu e na montia,

e na buska kumida ku Deus na da elis.

22Ora ku sol mansi, e ta rukuji,

e bai dita na se kobas.

23Omi ta sai pa si tarbaju,

i ta pega nelJon 9.4 te di tardi.

24O SIÑOR, bu fasi manga di koldadi kusas!

Bu fasil tudu ku jiresa;

munduKap 8.3; Ne 9.6; Jer 10.12 inci ku bu kriaturas.

25Ala marKum 1.10,20-22 garandi, largu,

nunde ku manga di limaria, garandi ku pikininu,

ta nada; e ciu dimas tok e ka pudi kontadu.

26Barkus ta pasa la,

tambi ki monstru LeviatanJo 41.1 ku bu kumpu pa i brinka la.

27Elis tudu e ta pera na bo

pa bu da elis se kumidaKap 136.25; 145.15 na tempu sertu.

28Ora ku bu da elis, e ta kumel;

si bu yabri bu mon, e ta farta ku kusas bon.

29Si bu sukundiKap 30.7 bu rostu, e ta tarpaja.

Si bu korta elis folgu,

e ta muri, e riba pa reia.

30Si bu pui folgu nelis, e ta tene vida;

bu ta da nobu vida na tera.

31GloriaApok 5.12-13 di SIÑOR pa i tarda pa sempri!

SIÑOR pa i kontentiKum 1.31 ku kusas ki kumpu!

32Si i jubi pa tera, kila taKap 77.16; 97.4-5; 114.7; Ab 3.10 tirmi;

si i toka na montis, e ta larga fumu.

33N na kanta pa SIÑOR tudu ña vida;

nkuantu N tene indaKap 63.4; 146.2 vida,

N na kanta pa ngaba ña Deus.

34N misti pa SIÑOR kontenti

ku ña pensamentusKap 1.2 aserka del;

ami N na kontentiAb 3.17-18; Fil 4.4 na SIÑOR.

35Jinti ku ta fasi pekadu, pa e disparsi na mundu,

pa ka i torna ten jinti mau!

Ña alma, fala benKap 104.1 di SIÑOR!

Bo ngaba SIÑOR!