Numerus 29 - Portuguese Creole Bible, Guinea-Bissau

Festival di kornetas(Sir 23.23-25)

1“Na purmeru dia di setimu misEsd 3.6 bo na tene juntamentu sagradu; ka bo fasi nin un tarbaju na ki dia. I na sedu un dia pa bo tokaKap 10.1-10; Sal 81.3 korneta.

2Bo na leba un turu nobu, un karnel macu ku seti fiju di karnel, macu, di un anu, tudu sin difeitu, suma oferta kemadu ku na cera sabi pa SIÑOR.

3Se oferta di kumida na sedu foriña finu masadu ku azeiti; bo na da 6 litru di foriña pa turu, 4 litru pa karnel

4ku 2 litru pa kada un di ki seti fiju di karnel.

5Bo na leba un kabra macu pa purdon di bo pekadu.

6Tudu e limarias i fora di oferta kemadu di misKap 28.11 ku si oferta di kumida, ku oferta kemadu di kada dia ku si ofertas di kumida ku bibida, konformi ordi. Elis e sedu oferta ku ta cera sabi, ku ta pasadu na fugu, pa SIÑOR.

Dia di sakrifisiu pa purdon di pekadu(Sir 16; 23.26-32)

7“Na dia 10 di setimu mis, bo na tene juntamentu sagradu; bo negaIs 58.3-5; Tia 4.8-10 bo kabesa, bo disa tudu bo tarbaju.

8Bo na leba un turu nobu, un karnel macu ku seti fiju di karnel, macu, di un anu, tudu sin difeitu, suma oferta kemadu ku na cera sabi pa SIÑOR.

9Oferta di kumida ku ta kumpaña ki limarias i na sedu foriña finu masadu ku azeiti; bo na da 6 litru pa turu, 4 litru pa karnel,

10ku 2 litru pa kada un di ki seti fiju di karnel.

11Bo na leba tambi un kabra macu pa purdon di bo pekadu, fora di ki utru limarias ku na sakrifikadu na ki dia pa purdon di pekadu, ku oferta kemadu di kada dia ku si ofertas di kumida ku bibida.

Ofertas na festival di barakas(Sir 23.33-44)

12“Na dia 15 di setimu mis bo na tene un juntamentu sagradu. Ka bo fasi nin un tarbaju na ki dia. Pa seti dia bo ta fasi festivalSai 34.22; Esd 3.4; Ez 45.25 pa SIÑOR.

13Bo leba trezi turu nobu, dus karnel macu ku katorzi fiju di karnel, macu, di un anu, tudu sin difeitu, suma oferta kemadu ku ta cera sabi, ku pasadu na fugu pa SIÑOR.

14Se oferta di kumida na sedu foriña finu masadu ku azeiti; 6 litru di foriña pa kada un di ki trezi turu, 4 litru pa kada un di ki dus karnel,

15ku 2 litru pa kada un di ki katorzi fiju di karnel.

16Bo na leba tambi un kabra macu pa purdon di bo pekadu, fora di oferta kemadu di kada dia ku si ofertas di kumida ku bibida.

17“Na sugundu dia bo leba dozi turu nobu, dus karnel macu, katorzi fiju di karnel, macu, di un anu, tudu sin difeitu,

18ku se ofertas di kumida ku bibida pa kada un konformiKap 15.4-12 regras.

19Bo leba tambi un kabra macu pa purdon di bo pekadus, fora di oferta kemadu di kada dia ku si ofertas di kumida ku bibida.

20“Na terseru dia bo leba onzi turu nobu, dus karnel macu, katorzi fiju di karnel, macu, di un anu, tudu sin difeitu,

21ku se ofertas di kumida ku bibida pa kada un konformi regras.

22Bo leba tambi un kabra macu pa purdon di bo pekadus, fora di oferta kemadu di kada dia ku si ofertas di kumida ku bibida.

23“Na kuartu dia bo leba des turu nobu, dus karnel macu, katorzi fiju di karnel, macu, di un anu, tudu sin difeitu,

24ku se ofertas di kumida ku bibida pa kada un konformi regras.

25Bo leba tambi un kabra macu pa purdon di bo pekadus, fora di oferta kemadu di kada dia ku si ofertas di kumida ku bibida.

26“Na kintu dia bo leba novi turu nobu, dus karnel macu, katorzi fiju di karnel, macu, di un anu, tudu sin difeitu,

27ku se oferta di kumida ku bibida pa kada un konformi regras.

28Bo leba tambi un kabra macu pa purdon di bo pekadus, fora di oferta kemadu di kada dia ku si ofertas di kumida ku bibida.

29“Na sestu dia bo leba oitu turu nobu, dus karnel macu, katorzi fiju di karnel, macu, di un anu, tudu sin difeitu,

30ku se oferta di kumida ku bibida pa kada un konformi regras.

31Bo leba tambi un kabra macu pa purdon di bo pekadus, fora di oferta kemadu di kada dia ku si ofertas di kumida ku bibida.

32“Na setimu dia bo leba seti turu nobu, dus karnel macu, katorzi fiju di karnel, macu, di un anu, tudu sin difeitu,

33ku se oferta di kumida ku bibida pa kada un konformi regras.

34Bo leba tambi un kabra macu pa purdon di bo pekadus, fora di oferta kemadu di kada dia ku si ofertas di kumida ku bibida.

35“Oitavu dia na sedu dia di festivalJon 7.2,37 pa bos; nin un tarbaju bo ka na fasi.

36Bo na leba un turu nobu, un karnel ku seti fiju di karnel, macu, di un anu, tudu sin difeitu, suma oferta kemadu ku ta cera sabi, pasadu na fugu pa SIÑOR.

37Ofertas di kumida ku bibida pa turu, pa karnel ku fijus di karnel e ta sedu konformi regras.

38Bo leba tambi un kabra macu pa purdon di bo pekadu, fora di oferta kemadu di kada dia ku si ofertas di kumida ku bibida.

39“Bo na leba e kusas pa SIÑOR na dias di festival1 Kron 23.31; 2 Kron 31.3; Esd 3.5; Ne 10.33; Is 1.14 markadu, fora di bo ofertas di votu, ofertas di libri vontadi, ofertas kemadu, ofertas di kumida ku bibida, ku bo ofertasSir 3.1 di pas.”

40Moisés konta pobu di Israel tudu kusa ku SIÑOR mandal pa i fasidu.