Oseias 7 - Portuguese Creole Bible, Guinea-Bissau

1“Ora ku N misti tira ña pobu di katiberasku, N kura Israel, pekadu di Efrain ta sai na lus, suma tambi maldadis di Samaria, pabia elis e sedu nganaduris; ladrons ta yentra na kasas; bandidus ta roba la fora na rua.

2I ka ta yentra na se sintidu kuma, ami N ta lembra di tudu se maldadi, ma se pekadusSal 90.8; Jer 17.1 sta na se roda; N ka pudi ka oja elis.

3E ta pui rei kontentiRom 1.32 ku se maldadi; tambi ŝefis ta kontenti ku se mintidas.

4Elis tudu e lestu pa kai na pekadu seksual; e ta kema suma furnu ku paderu ka pirsisa di buri si fugu disna di tempu ki na masa foriña tok masa orfa.

5Na dia di festa di no rei, kabesa di ŝefis kumsa na yardi pabia di forsa di biñu; rei junta mon ku kilis ku na fasi trosa.

6E tene korson purparadu suma furnu; e na fasi planus di malvadesa. Di noti se raiba na durmi; parmaña i ta rebenta fugu.

7Elis tudu e kinti suma furnu; e mata se juisis; tudu se reis2 Re 15.9-10,14,24-25,28,30 kai un tras di utru; i ka ten nin un delis ku ta coman.

8“Efrain ta jagasiSal 106.34-36 ku utru nasons; i parsi un panket ku ka rabidadu.

9Stranjerus na cupa si forsa, ma i ka ta sinti; kabelu na bida branku ma i ka nota kila.

10Orgulyu di IsraelKap 5.5 na testifika kontra el, ma i ka na riba pa SIÑOR si Deus, nin i ka na buskal na tudu e kusas.

11“Efrain i sumaKap 11.11 pumba; i ka jiru, i ta lestu di nganadu. Si pobu ta coma Ejitu; e sai e bai pa Asiria.

12Ora ke na bai, N na bota ña ridiaEz 17.20 riba delis, N na rianta elis suma kacu, N na kastiga elis konformi ña avisuSir 26.14-39 ke obi na se juntamentu.

13Ai delis! E na kabadu ku el, pabia e yanda lunju di mi, e ravolta kontra mi. N misti liberta elis, ma e konta mintidas kontra mi.

14E ka ta coman diIs 29.13; Jer 3.10 korson, ma e ta da gritus na se kama. E ta junta pa trigu ku biñu, ma e ravolta kontra mi.

15N nsina elis, N fortifika se mon, ma e filanta mal kontra mi.

16Elis e ta volta, ma e ka ta volta pa Deus ku sta riba di tudu. E sta suma mansasa ku ka tesantadu diritu. Se ŝefis na matadu ku spada pabia di palabras di orgulyu na se boka. Jinti di Ejitu na ri elis.”