Salmus 41 - Portuguese Creole Bible, Guinea-Bissau

Salmu di Davi pa ŝef di musika.

1Sortiadu

3SIÑOR na judal ora ki dita duenti;

i na kural si duensa, i lantandal na kama.

4N fala: “SIÑOR, N peka kontra bo;

ten penaKap 6.2 di mi, bu kuran.”

5Ña inimigus ta fala mal di mi, e punta:

“Kal dia ki na muri, pa si nomi pirdi?”

6Kilis ku ta bin visitan, e ta papia palabras na nada.

E na nota tudu kusas mau na mi;

ora ke sai e na papia-papia del.

7Tudu jinti ku ka gosta di mi e na ŋuniŋuni kontra mi;

e na kuda kusa mas pior, e fala:

8“I paña un duensa mau;

kama ki dita nel, i ka na torna lanta.”

9Te ña amiguKap 55.12-14; Jer 20.10; Jon 13.18 di korson, ku N fiansaba nel,

ku ta kume ña kumida,

i rabida kontra mi.

10Ma abo, SIÑOR, ten pena di mi,

bu lantandan, pa N pudi paga elis ke ke mersi.

11N sibi kuma bu sta kontenti ku mi,

pabia ña inimigu ka ta ngañan.

12Manera ku N ta yanda na bardadi, bu ta suguran,

bu pun bu diantiKap 34.15; Jo 36.7 pa sempri.

13SIÑOR Deus di Israel, pa i ngabadu,

tudu tempu, pa sempri.

Amen! Amen!