1Mas tardi Naás,1 Sam 12.12 rei di amonitas, i muri. Si fiju bin rena na si lugar.
2Davi fala: “N na mostra amisadi pa Anun, fiju di Naás, pabia si pape ta mostraba amisadi pa mi.” Asin i manda jinti pa e bai falal manteña pabia di mortu di si pape.
Oca ku omis ku Davi manda bin ciga na tera di fijus di Amon, pa fala Anun manteña,
3ŝefis di amonitas punta Anun: “Bu kuda kuma Davi misti mostra rispitu pa bu pape manera ki manda jinti pa e bin falau manteña? Nta e ka bin nan pa bo pa jubi kuma ku tera sta, pa e pudi bin tomal?”
4Asin Anun paña ki omis di Davi, i rapa elis, i korta se ropa te na rabada, i manda elis pa e bai.
5Oca ku Davi kontadu aserka di ke ku ki omis pasa, i manda jinti pa e bai da elis kontrada, pabia e staba ku garandi borgoña. Rei manda fala elis: “Bo fika na Jerikó tok bo barba kirsi; dipus bo ta bin.”
6Oca ku amonitas oja kuma kusa ke fasi i pui Davi sinti odiu kontra elis, Anun ku amonitas e manda trinta i kuatru tonolada di prata pa luga karus ku omis di kabalu di Mesopotamia, Siria di Maaka, ku Zobá.
7E luga trinta i dus mil karu ku bin, juntu ku rei di Maaka ku si tropas, e kampa lungu di Medeba. Amonitas tambi e sai na se prasas, e junta, e bai pa gera.
8Oca ku Davi obi kila, i manda Joab ku tudu si tropas.
9Amonitas sai, e toma pusison di gera dianti di porton di prasa. Ki utru reis ku bin e formaba aparti, fora di prasa.
10Joab oja kuma ku tropas formaba kontra el dianti ku tras. I kuji utrus di minjor tropas di Israel, i forma elis kontra sirus.
11I ntrega restu di tropas na mon di si ermon Abisai; e bai forma kontra amonitas.
12Joab fala Abisai: “Si sirus bin mas mi forsa, bu ta binNe 4.18-20 sakuran; si amonitas bin mas bo forsa, N ta bai sakurau.
13Sedu forti! No geria ku koraẑen pa no pobu ku prasas di no Deus. SIÑOR ta fasi kil ki bon na si uju.”
14Joab ku tropas ku staba ku el e avansa pa geria ku sirus. Kilas kuri si dianti.
15Amonitas oja kuma sirus na kuri; elis tambi e kuri dianti di Abisai, ermon di Joab, e bai yentra na prasa. Joab riba pa Jerusalen.
16Sirus oja kuma e pirdi gera dianti di Israel, e manda buska utru sirus ku moraba na utru banda di riu Eufrates. Sofak, kapiton di tropas di Adad-Ezer, i staba se dianti.
17Oca ku jinti konta Davi, i junta tudu tropas di Israel, i kamba riu Jordon, i bai toma pusison di gera kontra elis. Sirus tambi e bin geria kontra el,
18ma e kuri dianti di Israel. Davi mata seti mil di se omis di karu, ku korenta mil omi di pe. I mata tambi Sofak, kapiton di se tropas.
19Oca ku reis ku staba bas di Adad-Ezer oja kuma e pirdi gera dianti di Israel, e fasi pas ku Davi, e fika bas del. Nunka mas sirus ka torna sinti vontadi di bai sakura amonitas.
Who We AreWhat We EelieveWhat We Do
2025 by iamachristian.org,Inc All rights reserved.
