Ripitison di Lei 26 - Portuguese Creole Bible, Guinea-Bissau

Ofertas di kebur

1Ora ku bu yentra bu toma tera ku SIÑOR bu Deus na dau pa bu yarda, bu mora nel,

2toma purmeru parti di tudu prudutuKap 16.10; Sai 34.26 di ki con, bu pul na un sestu, bu bai pa kau ku SIÑOR bu Deus na kuji pa pui si nomi la.

3Bu na bai pa saserdoti ku sta na sirvis na ki tempu, bu falal: “Aos N diklara dianti di SIÑOR bu Deus kuma, N yentra na tera ku SIÑOR jurmentaKum 12.7 pa no papes kuma i na danu el.”

4Saserdoti na toma ki sestu na bu mon, i finkal dianti di altar di SIÑOR bu Deus.

5Dipus bu na diklara dianti di SIÑOR bu Deus, bu fala: “Ña pape sai di Siria,Kum 24.4; 25.20; 28.5; 31.17-18; 46.1-7,27; Sai 1.5,7,12; Os 12.12; At 7.15 i yanda-yanda, i bai pa Ejitu ku puku jinti, i mora la; la ki aumenta tok i ciu, i bin sedu garandi nason forti.

6Ejipsius maltratanu; no sufri ciuSai 1.9-16,22; 5.7-19 na se mon. E punu na tarbaju obrigatoriu duru.

7No klama pa SIÑOR, DeusSai 2.23-25; 3.9; 4.31; 6.5 di no papes; SIÑOR obinu, i jubi pa nos na no kasabi, ku no tarbaju, manera ku no na kalkaduba.

8SIÑOR distindi si mon forti, i tiranuSai 12.42; Sir 22.33 di Ejitu, ku garandi sinal meduñu ku milagris;

9i tisinu pa e lugar, i danu e tera ku sedu tera rikuSai 3.8 ku ta pruduzi ciu.

10Ali N tisi purmeru parti di prudutus di con ku abo, SIÑOR, bu dan.” Dipus bu na pui bu oferta dianti di SIÑOR bu Deus, bu na mpina si dianti.

11Abo, ku levita ku stranjeru ku sta ku bo, bo na kontentiKap 16.11; 28.47; Sal 63.5 pa tudu bon kusas ku SIÑOR bu Deus dau, abo ku bu familia.

Orason ku ta kumpaña dizimu

12Ora ku bu kaba separa desimu parti di bu prudutus na terseruKap 12.17-19; 14.28-29 anu, ku sedu anu di dizimu, bu ta dal pa levita, ku stranjeru, ku orfan ku viuva ku sta na bu prasa, pa e pudi tene kusa di kume, e farta.

13Bu na fala SIÑOR bu Deus: “La na ña kasa N tira dizimu sagradu, N dal pa levita ku stranjeru ku orfan ku viuva, konformi tudu mandamentus ku bu dan. N ka kebra nin un di bu mandamentus nin N ka diskisi delis.

14N ka kume nada di ki dizimu sagradu oca ku N staba na cur, nin N ka tiral na kasa oca ku N staba impuru,Sir 7.20 nin N ka pul na cur. SIÑOR ña Deus, N obdisi bu vos, N fasi tudu konformi bu mandan.

15Na bu morada puru la na seu, jubi pa bu pobu Israel li na tera, bu bensua elis; bu bensua tambi e tera riku ku ta pruduzi ciu ku bu danu, suma ku bu jurmenta pa no papes.”

Pobu spesial di SIÑOR

16Aos SIÑOR bu Deus na mandau pa bu obdisi e regrasKap 5.31-32; Mat 28.20; Jon 14.15,21-24; 1 Jon 5.2-3 ku leis; pui sintidu bu pui elis na pratika ku tudu bu korson ku tudu bu alma.

17Bu diklara aos pa SIÑOR kuma el i na sedu bu Deus, kuma bu na yanda na si kamiñus, bu guarda si regras, mandamentus ku leis, bu obdisiKap 10.12-13; 13.4; Sai 24.7; Jos 22.5; 1 Re 2.3-4; 2 Kron 34.31 si palabra.

18SIÑOR diklara aos kuma bu na sedu si pobuSai 19.5-6 spesial, suma ki falau, tambi kuma bu ten ku obdisi tudu si mandamentus,

19pa i pudi yalsau riba di tudu nasons ki fasi, pa bu pudi tisi lovor ku fama ku onra pa el, pa bu sedu un pobu sagradu pa SIÑOR bu Deus, suma ki fala.