1 Kronikas 15 - Portuguese Creole Bible, Guinea-Bissau

Purparason pa mundanta arka

1Davi kumpu kasas pa si kabesa na prasa di Davi, i purpara tambi un kau, i yarma tenda pa arkaSai 25.10 di Deus.

2I rabida i fala: “Ningin ka pudi kargaNum 7.9 arka di Deus si i ka son levitas, pabia SIÑOR kuji elis pa e ba ta karga arka, tambi pa sirbi Deus pa sempri.”

3Davi junta tudu Israel na Jerusalen pa e bai tisi arka di SIÑOR pa pul na ki kau ki purparaba ja pa el.

4I junta tambi fijus di AronKap 6.49-50 ku levitas.

5Di fijus di Koat i bin Uriel ku seduba ŝef, ku 120 di si ermons.

6Di fijus di Merari i bin Asaias, se ŝef, ku 220 di si ermons.

7Di fijus di Jerson i bin Joel, se ŝef, ku 130 di si ermons.

8Di fijus di Elizafan i bin Semaias, se ŝef, ku 200 di si ermons.

9Di fijus di Ebron i bin Eliel, se ŝef, ku 80 di si ermons.

10Di fijus di Uziel i bin Aminadab, se ŝef, ku 112 di si ermons.

11Davi coma saserdotis Zadok2 Sam 15.24 ku Abiatar,1 Sam 22.20 ku levitas Uriel, Asaias, Joel, Semaias, Eliel ku Aminadab,

12i fala elis: “Abos i ŝefis di familias di levitas. Bo purifika bo kabesa, ku bo ermons, pa bo pudi tisi arka di SIÑOR, Deus di Israel, pa kau ku N purpara ja pa el.

13Ki purmeru bias i ka abos ku bai kargal pa tisi. Pabia di kilaKap 13.7-11 SIÑOR rebenta ku nos, suma ku no ka puntal manera diritu di tisil.”

14Asin saserdotis ku levitas e purifika, pa e pudi bai tisi arka di SIÑOR Deus di Israel.

15Levitas bai, e miti varasSai 25.12-15; 1 Re 8.8 na anilias di arka di Deus, e kargal na se ombras, konformi ordisNum 4.15; 7.9 ku SIÑOR daba na boka di Moisés.

16Davi fala ŝefis di levitas pa e kuji se ermons ku sibi kanta, pa e tisi tambi instrumentus di musika suma violas, arpas ku simbalus, pa e toka, e kanta altu2 Kron 5.13; Esd 3.10-11; Ne 12.31,40-43; Sal 81.1; 92.1-3; 95.1 ku kontentamentu.

17Asin levitas kuji Eman, fiju di Joel.Kap 6.33,39,44 E kuji tambi Asaf, fiju di Berekias, na metadi di se ermons. Di se ermons di familia di Merari e kuji Etan, fiju di Kusaias.

18E kuji tambi utru ermons pa juda elis: Zakarias, Beni, Jaaziel, Semiramot, Jeiel, Uni, Eliab, Benaia, Maaseias, Matitias, Elifeleu ku Mikneias, ku Obed-Edon ku Jeiel ku sedu porterus.

19Ki kantaduris Eman, Asaf ku Etan, elis ku tenba ku toka simbalus di metal.

20Zakarias, Aziel, Semiramot, Jeiel, Uni, Eliab, Maaseias ku Benaia e tenba ku toka violas di nota altu.

21Matitias, Elifeleu, Mikneias, Obed-Edon, Jeiel ku Azazias e tenba ku toka arpas di nota bas pa kumpaña melodia.

22Kenanias, ŝef di levitas, el ku sedu nkargadu di kantigas, pa nsaia jinti, tambi pa diriẑi elis, pabia i tenba jitu na kila.

23Berekias ku Elkana e kujidu pa sedu guardas di arka.

24Obed-Edon ku Jeias tambi e seduba guardas di arka. Saserdotis Sebanias, Jeosafá, Netanel, Amasai, Zakarias, Benaia ku Eliezer e kujidu pa toka kornetaKap 16.6; Num 10.8 dianti di arka di Deus.

Arka lebadu pa Jerusalen(2 Sam 6.12-22)

25Asin Davi, ku garandis di Israel, ku kapitons di mil, e bai ku tudu kontentamentu pa toma arka di kontratu di SIÑOR na kasa di Obed-Edon.

26Manera ku Deus juda ki levitas ku na lebaba arka di kontratu di SIÑOR, e mata seti turu nobu ku seti karnel macu suma sakrifisiu.

27Davi bistiba un kamisoti kumpridu di liñu finu, suma tambi tudu ki levitas ku na kargaba arka, ku kantaduris, ku Kenanias, se diriẑenti di kantiga. Davi bistiba tambi un efodi1 Sam 2.18 di liñu.

28Tudu pobu di Israel kumpaña arka di kontratu di SIÑOR, ku gritus di kontentamentu, ku toku di cifris di karnel, kornetas, simbalus, violas ku arpas.

29Oca ku arka di kontratu di SIÑOR na yentraba na prasa di Davi, Mikal,1 Sam 18.20-21 fiju femia di Saul, i jubi na janela, i oja Davi na baja, i na toka; i disprezal na si korson.