Markus 16 - Portuguese Creole Bible, Guinea-Bissau

Jesus lanta di mortu(Mat 28.1-8; Luk 24.1-12; Jon 20.1-10)

1Oca dia di diskansu pasa, Maria Madalena, Salomé ku Maria, mame di Tiagu, e kumpra purfumuLuk 23.55-56 pa bai unta kurpu di Jesus.

2Na purmeru dia di semana e bai sedu pa koba, oca sol kumsa na lanta.

3Na kamiñu e na punta ŋutru: “Kin ku na rolanu pedra na boka di koba?”

4Ma oca e yalsa uju, e rapara kuma ki pedra, ku garandi ba dimas, i tiraduba ja.

5E yentra na koba, e oja un rapas sinta na ladu direita; i bisti ropa kumpridu, branku. E panta.

6I fala elis: “Ka bo panta. Bo na buska Jesus di Nazaré ku krusifikadu. I lanta; i ka sta li. Ali lugar nunde ke pulba.

7Bo bai, bo fala si disipulus, ku Pedru, kuma el i na bai bo diantiKap 14.28 pa Galileia. La bo na ojal suma ki falaba bos.”

8E sai na koba dipresa, e kuri, pabia e tenba medu ku spantu. E ka fala ningin nada pabia e medi.

Jesus parsi pa Maria Madalena(Mat 28.9-10; Jon 20.11-18)

[

9Oca ku Jesus lanta di mortu parmaña sedu na purmeru dia di semana, i parsi purmeru pa Maria Madalena, kil ki tira seti dimoniuLuk 8.2 nel.

10Maria bai konta kilis ku ta yandaba ku Jesus. E staba tristi, e na cora.

11Oca ke obi kuma i sta bibu, kuma Maria ojal,Jon 20.14 e ka fia.

Jesus parsi pa dus disipulu

12Dipus, Jesus parsiLuk 24.13 ku utru parsensa pa dus delis ku staba na kamiñu pa bai pa se tabanka.

13E bai konta ki utrus, ma e ka fia inda.

Jesus parsi pa si onzi disipulu(Mat 28.16-20; Luk 24.36-49; Jon 20.19-23; At 1.6-8)

14Pa kabantada i parsi1 Kor 15.5 pa ki onzi, oca e staba na mesa. I kulpa elis pa se falta di fe ku duresa di korson, pabia e ka fia na kilis ku ojal dipus di i lanta di mortu.

15I fala elis: “Bo bai pa tudu mundu, bo konta Bon Noba pa tuduKol 1.23 jinti.

16Kin ku seta, i batisadu, i na seduJon 3.18; At 2.38; 16.31; Rom 10.9; 1 Ped 3.21 salbu, ma kil ku ka setal i na kondenadu.

17E sinal na kumpaña kilis ku fia: na ña nomi e na tira dimoniusLuk 10.19; At 5.16; 8.7; 16.18; 19.12 na jinti; e na papiaAt 2.4; 10.46; 19.6; 1 Kor 12.9-10,28-30 nobu linguas;

18e na pega na kobras; si e bibi kualker kusa ku ta mata, i ka na fasi elisLuk 10.19; At 28.3-5 nin danu; e na pui mon riba diAt 5.15-16; 9.17-18; 28.8; Tia 5.14-15 duentis; e ta san.”

Jesus subi pa seu(Luk 24.50-53; At 1.9-11)

19Dipus di Siñor Jesus papia ku elis, i lebaduLuk 24.51; At 1.2,9; 7.55-56 pa seu, i sinta na mon direita di Deus.

20Disipulus bai, e konta palabra di Deus na tudu parti. Siñor tarbaja juntu ku elis, i konfirma se palabra ku milagrisAt 5.12; 14.3; 1 Kor 2.4-5; 3.9; Eb 2.4 ku na kumpañalba.]