Miskiñu di Jeremias 1 - Portuguese Creole Bible, Guinea-Bissau

Tristesa di Jerusalen

1Ki prasa ku teneba manga di jinti,

jubi kuma ki bida dingidu!

Kil ku seduba garandi na metadi di nasons

i bida suma viuva;

Kil ku seduba raiñaIs 47.7-8 na metadi di pruvinsias

i bida katibu.

2I ta coraJer 13.17 tudu noti;

si larmas ta darma na si uju;

I ka ten kin ku na kalmal

na kilis ku gostaba del;

tudu si amigus sedu infiel pa el,

e ravolta kontra el.

3Judá lebaduLei 28.64-65; Jer 52.27 pa katiberasku,

kastigadu bas di tarbaju;

i sinta na metadi di nasons,

i ka tene kau di diskansu;

tudu kilis ku serkal

e pañal na si foronta.

4Kamiñus di Sion fika tristi,

pabia ningin ka ta bai pa festival markadu.

Tudu si portons bandonadu;

si saserdotis na jimi;

si bajudas sta tristi;

Sion ojadu na kasabi.

5Si inimigus sta riba del,

e sta sabi.

SIÑOR kastigalDan 9.7-16 risu

pabia di si manga di pekadu.

Si fijus lebadu pa katiberasku

dianti di inimigu.

6Bonitasku di Jerusalen pirdi;

Si ŝefis fika suma gazelas

ku ka tene paja di kume;

e na kuri sin forsa

dianti di kil ku na serka elis.

7Gosi, na dia di si kastigu fora di si tera,

Jerusalen lembra di tudu kusas ki gostaba,

ki teneba na tempu antigu.

Oca ku si pobu kai na mon di inimigu,

sin ningin pa sakura elis,

inimigus ojal,

e fasi trosa di si kaida.

8Jerusalen peka ciu;

pabia di kila i bida impuru.

Tudu kilis ku rispitalba

e njutil,

pabia e ojal nun;

el propi i jimi, i vira kosta ku borgoña.

9Si impuresa sta na si saias;

i ka pensabaLei 32.29; Is 47.7; Jer 5.31 na si kabantada.

Asin i kai sin ningin ka spera;

i ka ten kin ku na konsolal.

“O SIÑOR, jubi ña kastigu,

pabia inimigu ngaña.”

10Inimigu distindi mon,

i toma tudu si rikesa.

I oja utru nasons

na yentra na kau sagradu —

kilis ku Deus tujiLei 23.3; Ne 13.1 yentra

na juntamentu di si pobu.

11Tudu si pobu na jimi,

e na buskaKap 1.19; 2.12; Jer 38.9; 52.6 kumida.

E torkia se kusas di mas balur

ku kumida, pa ngaña forsa.

Prasa fala: “SIÑOR, jubin, bu pensa,

pabia jinti njutin.

12“Nta i ka nada pa bos ku pasa na kamiñu?

Bo para sintidu, bo jubi,

si i ten dur suma di mi,

ku bin riba di mi suma oca SIÑOR kastigan

na dia di si raiba forti.

13“Di la riba i manda fugu na ña os

ku toma konta delis;

i distindi ridiaEz 12.13; 17.20 pa ña pe,

i ribantan pa tras;

i bandonan;

N fika duenti tudu ora.

14“Deus, ku si mon, mara ña pekadus tudu juntu

pa forma un korentiLei 28.48 ku maradu na ña garganti;

i tiran ña forsa.

SIÑOR ntregan na mon di kilis

ku N ka pudi firma kontra elis.

15“SIÑOR bati tudu ña balentis

dentru di ña mura;

i coma tropas kontra mi

pa kebranta ña jovens.

SIÑOR masaIs 63.3 pobu di Judá

suma uvas na kau di masa.

16“E ku manda N na cora;

ña ujusKap 2.18; Jer 8.21 na sai yagu,

pabia algin pa konsolan, pa burin forsa,

i sta lunju.

Ña fijus bandonadu,

pabia inimigu ngaña.

17“Sion distindiJer 4.31 mon,

ma i ka ten kin ku na konsolal.

SIÑOR da ordi kuma visiñus di Jakó

na bida si inimigus.

Jerusalen pa elis i un kusa susu.

18“SIÑOR iNe 9.33; Dan 9.7,14 justu, ma ami

N lanta kontra si mandamentus;

Abos, tudu pobu, bo obi,

bo jubi ña dur;

ña jovens ku bajudas

bai pa katiberasku.

19“N coma ña amigus

ma e nega kudin.

Ña saserdotis ku garandis

muri na prasa,

oca ke na buska kumida

pa ngaña forsa.

20“SIÑOR, jubi manera ku N sta forontadu,

tarpajadu dentru di mi!

Ña korsonKap 2.11; Jer 4.19 sta turmentadu

pabia N disobdisi ciu.

La fora, spadaLei 32.25; Ez 7.15 na mata ña fijus;

dentru di mura, mortu son ku sta la.

21“E obin oca ku N na jimi,

ma i ka ten kin ku na kalman;

Tudu ña inimigus ku bin obi ña mal

e kontenti, pabia i abo ku fasil.

Ora ku bu tisi ki dia ku bu papia del,

e na bin seduIs 51.22-23; Jer 50.15,29,31; 51.49; Apok 18.6 suma mi.

22“Pui se maldadi pa i bin bu dianti,

bu fasi elis suma ku bu fasin

pabia di tudu ña pekadus.

N jimi ciu;

ña korsonKap 5.17; Jer 8.18 sta kansadu.”