Salmus 35 - Portuguese Creole Bible, Guinea-Bissau

Salmu di Davi.

1SIÑOR, fika kontra kilis ku sta kontra mi;

geria kontra kilis ku na geria ku mi.

2Pega na tajadera, garandi ku pikininu,

lanta, bu judan.

3Yalsa kañaku, bu taja kamiñu

di kilis ku na serkan.

Falan: “Ami N sedu bu salbason.”

4Kilis ku na buska tira ña vida,

pa e kunfundidu, e pudu na borgoña!

Kilis ku tene planu pa fasin mal,

pa e ribantadu tras ku kunfuson!

5Pa e sedu suma pajaIs 29.5; Os 13.3 ku bentu na buanta,

nkuantu anju di SIÑOR na serka elis!

6Pa se kamiñu sedu sukuru, pa i lalu,

nkuantu anju di SIÑOR fika se tras!

7Sin roson e kobaKap 119.85 koba,

e sukundi ridia pa pañan.

8Pa danu bin riba delis sin e sibi,

pa e pañaduKap 7.15 na ridia ke sukundi,

pa e kai na ki mesmu koba!

9Asin N na kontentiKap 13.5 na SIÑOR,

N na fika alegri pabia i salban.

10Ku tudu ña korson N na fala:

“SIÑOR, kin ku staKap 71.19; Sai 15.11 suma bo,

ku ta libra koitadi di kil ku sedu mas forti di ki el?

Sin, bu ta libra koitadi ku kil ku ten falta

di kil ku na sploral.”

11Tustumuñas falsu ta lanta,

e ta pui kusas riba di mi ku N ka sibi nada del.

12E ta tornan malKap 38.20 pa ben,

e misti tiran vida.

13Oca ke staba duenti,

ami, ña ropa i seduba saku;

N kastiga ña kurpu ku junjun.

N ora ku kabesa riba di pitu,

14suma ki seduba ña amigu o ña ermon.

N yandaba wuŋidu ku miskiñu,

suma kin ku na cora pa si mame.

15Ma, oca ku N da tapada, e junta, tudu kontenti;

Omis ku ka baliJo 30.1 e junta kontra mi sin N ka nota;

e molostan sin diskansu.

16E ñeme dintisKap 37.12; Mis 2.16 kontra mi

suma jinti mau ku junta pa fasi trosa.

17SIÑOR, te kal tempuKap 6.3; 13.1; 79.5; 80.4; 90.13; 94.3; Ab 1.13 ku bu na jubi son?

Libran di se violensia;

ña vida di balur, libral di ki lions.

18Asin N ta gardisiu na juntamentu garandi;

N na ngabau na metadiKap 68.26 di manga di jinti.

19Kilis ku sedu ña inimigus sin roson,

ka bu disa elis ŋuminin,

nin ka bu disa kilis ku odianKap 69.4; Jon 15.25 sin roson

pa e gozan ku piska uju.

20E ka ta papia ku pas, ma e ta ranja mintidas

pa akusa kilis ku na vivi ketu na tera.

21E ta yabri boka e grita kontra mi,Kap 22.13; 40.15 e fala:

“Yo! Yo! No ojal ku no uju!”

22Abo, SIÑOR, bu oja e kusa;

ka bu kala, SIÑOR; ka bu lunjusi di mi.

23Ña Deus, disperta,Kap 44.23; 73.20 bu fasin justisa;

ña SIÑOR, lanta, bu bin difindi ña kasu.

24SIÑOR ña Deus, abo i justu;

julgan; ka bu disa elis pa e ŋuminin.

25Ka bu seta pa e fala na se sintidu:

“Pruntu! No ngaña kil ku no mistiba!

No kaba ja ku el!”

26Kilis ku na ŋuminin pabia di ña sufrimentu,

pa e pasa borgoña, e fika kunfundidu;

Kilis ku yalsa se kabesa riba di mi,

pa e kubridu ku borgoña ku kunfuson.

27Kilis ku fika kontentiRom 12.15; 1 Kor 12.26 manera ku N ojadu sin kulpa,

pa e kanta ku alegria, e fala sempri:

“No garandisi SIÑOR,

kil ku misti pa kusas kuri diritu ku si servu.”

28Asin ña boka na konta kuma abo i justu,

i na ngabau tudu dia.