1Ki tris omi para ruspundi Jo, pabia el i oja kuma i sedu algin justu.
2Eliu, fiju di Barakel, di jorson diKum 22.21 Buz, di familia di Ran, i paña raiba kontra Jo pa manera ku kila na mostra kuma i mas ten roson di ki Deus.
3I paña raiba tambi kontra ki tris amigu, pabia e ka oja manera di ruspundi Jo, ma inda e na kondenal.
4Eliu peraba tok e kaba papia, pabia elis e mas el idadi.
5Oca ki oja kuma ki tris omi ka tene mas palabra di papia, i paña raiba.
6Asin Eliu, fiju di Barakel, di jorson di Buz, i fala:
“Ami N nobu inda,
abos bo tene ja idadi;
e ku manda N medi,
N ka osa konta bos ke ku N oja.
7N fala: Garandis dibi di papia;
jinti ku tene mas idadiKap 12.12 e dibi di nsina jiresa.
8Na bardadi i ten spiritu na omi,
ku sedu folgu di Deus ku ten tudu puder;
el ku ta dal ntindimentu.
9I ka idadiMat 11.25; 1 Kor 1.26-27 ku ta pui algin jiru,
nin i ka bejus ku ta ntindi kil ki retu.
10“E ku manda N na fala bos: Bo obin,
N ta konta bos ke ku N oja.
11N sukuta bos ku pasensa nkuantu bo na papia,
N para sintidu na bo palabras
oca bo na buska da rasposta.
12N pui sintidu na kil ku bo fala,
ma nin un di bos ka pudiba konvensi Jo,
nin ruspundi si argumentus.
13Ka bo fala kuma bo oja jiresa.
I Deus ku pudi konvensil, i ka omi.
14Jo na papiaba ku bos, i ka ku mi;
N ka na ruspundil suma ku bo ruspundil.
15“E sta ntrumpidu, e ka pudi ruspundi mas,
pabia palabra falta elis.
16Nta N na pera inda, suma e ka na papia;
e firma la, e ka na ruspundi mas?
17Ami N na da ña rasposta;
N na konta ke ku N oja,
18pabia N tene manga di kusa di papia;
ña spiritu naJer 20.9 pincan.
19Dentru di mi, palabras na rebenta,
suma biñu nobu ku sta na saku di kuru.
20Bo dan lisensa pa N papia, pa N pudi alivia;
N na yabri ña boka pa ruspundi.
21N ka na diferensiaKap 34.19; Sir 19.15; Mat 22.16 jinti,
nin N ka na ngaba ningin ku nganu.
22N ka sibi ngaba ku nganu;
si N fasiba kila, Deus ku kumpun ta leban kinti-kinti.
Who We AreWhat We EelieveWhat We Do
2025 by iamachristian.org,Inc All rights reserved.
